The English-Kalanga Bilingual Language Learning Bible
New Testament
Read each verse in English beside its African Kalanga equivalent.
1 Corinthians 1English
1 Bakorinta 1African Kalanga
- English1
Paul, called to be an apostle of Christ Jesus by the will of God, and our brother Sosthenes,
African KalangaNdimi Paulo, iye wakadang'wa nge kuda kwe Ndzimu kube ntumwa wa Khirisiti* Jesu, ndina gamu* ledu Sositenesi.
- English2
To the church of God in Corinth, to those sanctified in Christ Jesus and called to be holy, together with all those everywhere who call on the name of our Lord Jesus Christ–their Lord and ours:
African KalangaKu gubungano le Ndzimu limu Khorinte, kuna ibabo bakayengemadziwa muna Khirisiti Jesu, bakadang'wa kube bayengemali, naibo bose kumwe ne kumwe banodana zina la He wedu Jesu Khirisiti, iye He wabo ne wedu nditi:
- African Kalanga
Ngoni ne kunyalala kunobva ku Ndzimu Tate bedu na He Jesu Khirisiti ngakube namwi.
- African Kalanga
Ndoboka Ndzimu misi yose ne kwenyu nekwe ngoni dze Ndzimu dzamakapiwa muna Khirisiti Jesu,
- English5
For in him you have been enriched in every way–in all your speaking and in all your knowledge–
African Kalangamu tjimwe ne tjimwe mu kufumisiwa mu nli mu zwinhu zose, mu ndebeleko yenyu yose ne luzibo gwenyu gose.
- African Kalanga
Koga se butendeki* gwedu nekwa Khirisiti gwakahhadzisika mumuli,
- English7
Therefore you do not lack any spiritual gift as you eagerly wait for our Lord Jesus Christ to be revealed.
African Kalangakuti musihaye kene tjili tjipi tjipo tje meya, ha mutjakalindila ne nyota ne moyo unopisa kuboneka kwa He wedu Jesu Khirisiti.
- English8
He will keep you strong to the end, so that you will be blameless on the day of our Lord Jesus Christ.
African KalangaNdiye unowomusimisa kunoti ku bupelo, kuti musibe ne nlandu mu hhuba la He wedu Jesu Khirisiti.
- African Kalanga
Ndzimu unogalikabgwe ndiwo wakamudana kube ne hangano ne Nkololo wawo Jesu Khirisiti, He wedu.
- English10
I appeal to you, brothers, in the name of our Lord Jesus Christ, that all of you agree with one another so that there may be no divisions among you and that you may be perfectly united in mind and thought.
African KalangaNe zina la He wedu Jesu Khirisiti ndomukumbila mose zwikamu, kuti mube ne kubvumana muna tjamunoleba kuti kusibe ne kuthubukana, muhangane mu nkumbulo mube ne moyo nng'ompela.
- English11
My brothers, some from Chloe’s household have informed me that there are quarrels among you.
African KalangaNgobe ndakabikigwa ne ben’ha waka Kilowe kuti kuna hhoba pakati kwenyu.
- English12
What I mean is this: One of you says, “I follow Paul”; another, “I follow Apollos”; another, “I follow Cephas “; still another, “I follow Christ.”
African KalangaNdobva kuti, mmwe ne mmwe unoti “Imi ndiwa Paulo,” kene “Imi ndiwa Apolosi,” kene “Imi ndiwa Kefasi,” kene “Imi ndiwa Khirisiti.”
- African Kalanga
Apa Khirisiti wakathubukana kene? Apa Paulo ndiye wakabambuligwa imwi kene? Kene makabvubikiwa mu zina la Paulo?
- African Kalanga
Ndoboka kuti akuna wenyu wandakabvubika kuhhe kwa Kirisipo na Gayo.
- African Kalanga
Ndizo akuna ungati makabvubikiwa mu zina langu,
- English16
(Yes, I also baptized the household of Stephanas; beyond that, I don’t remember if I baptized anyone else.)
African Kalangabamwe kakale bandakabvubika nde be n’ha wa Sitifani. Kuhhe kwabo, anditoziba kuti kene kuna wandakabvubika.
- English17
For Christ did not send me to baptize, but to preach the gospel–not with words of human wisdom, lest the cross of Christ be emptied of its power.
African KalangaNgobe Khirisiti aazondituma kubvubika, koga wakandituma kusumikila ndebo mbuya. Anditolebeleka se ntjenjebvu, ngobe tjileyanyo tja Khirisiti tjingabva tjihayisiwa masimba atjo.
- English18
For the message of the cross is foolishness to those who are perishing, but to us who are being saved it is the power of God.
African KalangaNdebo ye tjileyanyo bulengwe kuna ibabo banoloba, koga kutili iswi banotjidziwa i simba le Ndzimu.
- English19
For it is written: “I will destroy the wisdom of the wise; the intelligence of the intelligent I will frustrate.”
African KalangaNgobe kwakakwagwa kukayi, “Ndowolobesa butjenjebvu gwe bakatjenjela, ne luzibo gwe banoziba ndowogulaha.”
- English20
Where is the wise man? Where is the scholar? Where is the philosopher of this age? Has not God made foolish the wisdom of the world?
African KalangaApa ungayi ntjenjebvu kene? Apa ungayi n'diyi we nlayo*? Apa ungayi nyanyayidzi we misi ino kene? Apa Ndzimu auzothama kuti butjenjebvu gwe hango ino gube bulengwe kene?
- English21
For since in the wisdom of God the world through its wisdom did not know him, God was pleased through the foolishness of what was preached to save those who believe.
African KalangaNgobe mu butjenjebvu gwe Ndzimu, hango aizoziba Ndzimu nge butjenjebvu gwayo, ndizo Ndzimu wakada kuti utjidze ibabo banogalamoyo ne bulengwe gwe tjatinosumikila.
- African Kalanga
Bajuta banohaka zwilakidzo, BaGiriki ibo banohaka butjenjebvu.
- African Kalanga
Koga iswi tosumikila Khirisiti wakabambugwa, tjikunhi ku Bajuta kakale bulengwe kuna Bezwitjaba,*
- English24
but to those whom God has called, both Jews and Greeks, Christ the power of God and the wisdom of God.
African KalangaKoga kuna ibabo bakadang'wa, Bajuta kene BaGiriki, Khirisiti ndiye simba le Ndzimu ne butjenjebvu gwe Ndzimu.
- English25
For the foolishness of God is wiser than man’s wisdom, and the weakness of God is stronger than man’s strength.
African KalangaNgobe bulengwe gwe Ndzimu gopinda butjenjebvu gwe nhu ne kuhaya masimba kwe Ndzimu kopinda matatabuko e nhu.
- English26
Brothers, think of what you were when you were called. Not many of you were wise by human standards; not many were influential; not many were of noble birth.
African KalangaZwikamu, kumbulani tjamakabe muli itjo ha mudang'wa, ate bali banjinji benyu bakabe bebong'wa ne hango bali banhu bakatjenjela, ate banjinji bakabe bana masimba, ate banjinji bakabe bazwaligwa mu miha ipehhugwi.
- English27
But God chose the foolish things of the world to shame the wise; God chose the weak things of the world to shame the strong.
African KalangaKoga Ndzimu wakahalula tjinotogwa kuti bulengwe mu hango kubhatisa batjenjebvu honi nditjo, Ndzimu wakahalula zwisakasima kubhatisa honi bana matatabuko.
- English28
He chose the lowly things of this world and the despised things–and the things that are not–to nullify the things that are,
African KalangaNdzimu wakahalula zwinhu zwipasi, zwinolingigwa pasi ne hango ne zwinhu zwinoyi ate zwe tjimwe kutobosa zwinhu zwiyapo.
- African Kalanga
Oku kwakathamigwa kuti kuhaye nhu unozwiloba fuba mbeli kwe Ndzimu.
- English30
It is because of him that you are in Christ Jesus, who has become for us wisdom from God–that is, our righteousness, holiness and redemption.
African KalangaNdzimu wakamuthama bang'ompela na Khirisiti Jesu, iye Ndzimu wawakathama kube butjenjebvu gwedu, ukanthama kube ndulamo yedu ne buyengemali gwedu ne sununguko yedu.
- African Kalanga
Ndizo wali kwakakwagwa kuyi, “Iye unozwiloba fuba ngaazwilobe fuba nekwa He.”
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.