The English-Kalanga Bilingual Language Learning Bible
New Testament
Read each verse in English beside its African Kalanga equivalent.
1 Corinthians 3English
1 Bakorinta 3African Kalanga
- African Kalanga
Koga imi zwikamu, ndakabe ndisingake alebeleka namwi se ndinolebeleka ne banhu tjimeya, koga ndabe ndingalebeleka namwi se banhu tjinyama kene se bana muna Khirisiti.
- English2
I gave you milk, not solid food, for you were not yet ready for it. Indeed, you are still not ready.
African KalangaNdakamupa nkaka, kusi zodliwa zwakabhata, ngobe zwakabe zwisanhu zwikamulizana, ngono nangwenu azwinhu zwikamulizana,
- English3
You are still worldly. For since there is jealousy and quarreling among you, are you not worldly? Are you not acting like mere men?
African Kalangangobe mu banhu tjinyama. Ngoti se kutjina ndandala ne hhoba pakati kwenyu, apa ate muli banhu tjinyama kakale muzwibhata se banhu koga kene?
- African Kalanga
Ha mmwe eti, “Imi ndiwa Paulo,” ngono mmwe eti, “Imi ndiwa Apolosi” ate muli banhu koga kene?
- English5
What, after all, is Apollos? And what is Paul? Only servants, through whom you came to believe–as the Lord has assigned to each his task.
African KalangaApa Apolosi ini? Na Paulo ini? Balanda koga bamakagalamoyo ndibo. Sekwabakapiwa n’hingo ndi He.
- African Kalanga
Imi ndakadzwala, ngono Apolosi wakadilidzila, koga Ndzimu ndiwo wakakudza.
- English7
So neither he who plants nor he who waters is anything, but only God, who makes things grow.
African KalangaNdizo unodzwala ne unodilidzila ate bali tjimwe, koga Ndzimu iwo unokudza ndiwotjimwe.
- English8
The man who plants and the man who waters have one purpose, and each will be rewarded according to his own labor.
African KalangaIye unodzwala ne unodilidzila bakalizana, ngono mmwe ne mmwe wabo unowopiwa mbhayilo kuyendidzana ne n’hingo waakahinga.
- African Kalanga
Ngobe iswi tohinga tose tihingila Ndzimu, ngono imwi mu nnda we Ndzimu. Kakale mu mbako ye Ndzimu.
- English10
By the grace God has given me, I laid a foundation as an expert builder, and someone else is building on it. But each one should be careful how he builds.
African KalangaKuyendidzana ne ngoni dzandakapiwa ne Ndzimu, ndakateya ng'umba se nyambi ye mbaki, ngono mmwe upoga unobaka pehhugwi kwe thiwa iyeyi. Mmwe ne mmwe nhu ngaabe ne njele kuti unobaka tjini pehhugwi kwayo.
- African Kalanga
Ngobe akuna ungateya thiwa imwe kuhe kwe yakateyiwa kale, iyo ili Jesu Khirisiti.
- English12
If any man builds on this foundation using gold, silver, costly stones, wood, hay or straw,
African KalangaHa bamwe be baka mu thiwa iyeyi ne golide bamwe ne siliva bamwe ne mabgwe e themba ipezhugwi, bamwe ne mapango bamwe ne buwha bamwe ne mahanga,
- English13
his work will be shown for what it is, because the Day will bring it to light. It will be revealed with fire, and the fire will test the quality of each man’s work.
African Kalangan’hingo we nnhu mmwe ne mmwe unowoboneka, ngobe hhuba la Khirisiti lowolakidza, ngobe inowolikiwa ne moto, ngono unowolakidza kuti mmwe ne mmwe nhu wakahinga n’hingo wakatini.
- African Kalanga
Ha tjakabakwa tjingakona moto, mbaki mmwe ne mmwe unowowana mbhayilo.
- English15
If it is burned up, he will suffer loss; he himself will be saved, but only as one escaping through the flames.
African KalangaHa n’hingo we mmwe ungatshwa, unowolahikigwa ngono iye ne kukwe unowotjidziwa, koga ebhugwa mu moto.
- African Kalanga
Apa amutoziba kuti imwi mu ng'umba ye Ndzimu nenge kuti Meya ye Ndzimu inogala mumuli kene?
- English17
If anyone destroys God’s temple, God will destroy him; for God’s temple is sacred, and you are that temple.
African KalangaIye unokolomola ng'umba ye Ndzimu, Ndzimu unowonkolomola, ngobe ng'umba ye Ndzimu yakayengemala, ngono imwi ne kwenyu mu ng'umba iyeyo.
- English18
Do not deceive yourselves. If any one of you thinks he is wise by the standards of this age, he should become a “fool” so that he may become wise.
African KalangaKusibe ne unozwitjengedza. Ha mmwe wenyu ekumbula kuti wakatjenjela mu mahhuba ano, ngaabe tjilengwe, kuti ndizo abe ntjenjebvu.
- English19
For the wisdom of this world is foolishness in God’s sight. As it is written: “He catches the wise in their craftiness”;
African KalangaNgobe butjenjebvu gwe hango ino bulengwe mu meho e Ndzimu, ne kuti kwakakwagwa kuyi, “Ndzimu unobhatshila batjenjebvu mu butjakwani gwabo.”
- African Kalanga
Kakale kukayi, “He banoziba kuti mikumbulo ye batjenjebvu madanha.”
- African Kalanga
Ndizo ngakusibe ne unozwiloba fuba ne mmwe nhu, ngobe zwinhu zose nde zwenyu,
- English22
whether Paul or Apollos or Cephas or the world or life or death or the present or the future–all are yours,
African KalangaPaulo, kene Apolosi kene Pita kene hango, kene butjilo kene lufu, kene misi ino kene misi inohha, kose ikoku nde kwenyu,
- African Kalanga
ngono imwi mu banhu BaKhirisiti, ngono Khirisiti nde we Ndzimu.
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.