1 Corinthians 6 | New Testament

1 Corinthians 6English

1 Bakorinta 6African Kalanga

English1
If any of you has a dispute with another, dare he take it before the ungodly for judgment instead of before the saints?
African Kalanga
Ha mmwe wenyu ana ndebo ne mmwe, apa ungayiisa mbeli kwe basingazibe Ndzimu mu bumo gwe kuti ayiise mbeli kwe bayengemali kene?
English2
Do you not know that the saints will judge the world? And if you are to judge the world, are you not competent to judge trivial cases?
African Kalanga
Apa amutoziba kuti bayengemali banowosumikilisa hango kene? Ngono ha hango yosumikiliswa ndimwi apa amuzolizana kusumikilisa mu zwinhu zwitukununu kene?
English3
Do you not know that we will judge angels? How much more the things of this life!
African Kalanga
Apa amutoziba kuti towosumikilisa batumwa be kudzimu kene? Ndizo totubula kusumikilisa zwinhu zwe butjilo guno.
English4
Therefore, if you have disputes about such matters, appoint as judges even men of little account in the church!
African Kalanga
Ndizo ha muna ndebo dzakajalo, ini mudzibiga mbeli kwe banhu basingatolegwe pehhugwi ne gubungano?
English5
I say this to shame you. Is it possible that there is nobody among you wise enough to judge a dispute between believers?
African Kalanga
Ndoleba ikoku kumubhatisa honi. Apa kungabe kusina pakati kwenyu nhu wakatjenjela kubakisanya makamu?
English6
But instead, one brother goes to law against another– and this in front of unbelievers!
African Kalanga
Koga gamu loyisa limwe gamu ku nlayo, ngono ikoku kuhingikala mbeli kwe banhu basina kugalamoyo.
English7
The very fact that you have lawsuits among you means you have been completely defeated already. Why not rather be wronged? Why not rather be cheated?
African Kalanga
Kube ne ndebo pakati kwenyu dzinoyenda ku nlayo kolakidza kuti makakong'wa. Apa akutoyita kuti udzikitadzile kukombeledzwa nlandu usiuwo kene? Apa akutoyita kuti utolegwe kene?
English8
Instead, you yourselves cheat and do wrong, and you do this to your brothers.
African Kalanga
Koga imwi ne kwenyu mokombeledza mukatolela naiwo makamu dumbu.
English9
Do you not know that the wicked will not inherit the kingdom of God? Do not be deceived: Neither the sexually immoral nor idolaters nor adulterers nor male prostitutes nor homosexual offenders
African Kalanga
Apa amutoziba kuti banhu basakalulwama habatongina mu buHe gwe Ndzimu kene? Musitjengedzeke, banowalilana kuhhe kwe ndobolo kene banopfigamila midzimu kene phombgwe kene nlume unowalilana ne mmwe nlume kene nkadzi unowalilana ne mmwe nkadzi
English10
nor thieves nor the greedy nor drunkards nor slanderers nor swindlers will inherit the kingdom of God.
African Kalanga
kene mbava kene magovu kene zwilaladzi, kene banotjinya bamwe mazina kene banotjebela, akuna wabo unowongina mu buHe gwe Ndzimu.
English11
And that is what some of you were. But you were washed, you were sanctified, you were justified in the name of the Lord Jesus Christ and by the Spirit of our God.
African Kalanga
Bamwe benyu bakatongobe bakajalo. Koga makangudziwa, makayengemadziwa, makahayisiwa nlandu mu zina la He Jesu Khirisiti nemu Meya ye Ndzimu.
English12
“Everything is permissible for me”–but not everything is beneficial. “Everything is permissible for me”–but I will not be mastered by anything.
African Kalanga
“Zwinhu zose zobvumiligwa mundili,” koga ate zwinhu zose zwinobhatsha, “Zwinhu zose zobvumiligwa mundili,” koga anditowobvuma kuti kube ne tjinowondithama nlanda watjo.
English13
“Food for the stomach and the stomach for food”– but God will destroy them both. The body is not meant for sexual immorality, but for the Lord, and the Lord for the body.
African Kalanga
“Zodliwa zwakathamigwa ntumbu ne ntumbu wakathamigwa zojiwa.” Koga Ndzimu unowozwilobesa zose. Mbili auzothamigwa bupombgwe koga wakathamigwa He, na He bakathamigwa mbili.
English14
By his power God raised the Lord from the dead, and he will raise us also.
African Kalanga
Ndzimu wakamusa He mu lufu, ngono naswibo unowotimusa mu lufu ne simba lawo.
English15
Do you not know that your bodies are members of Christ himself? Shall I then take the members of Christ and unite them with a prostitute? Never!
African Kalanga
Apa amutoziba kuti mibili yenyu i ndungululo dza Khirisiti kene? Apa ndingatola ndungululo dza Khirisiti ndikadzithama ndungululo dze fukula kene? Ndobva!
English16
Do you not know that he who unites himself with a prostitute is one with her in body? For it is said, “The two will become one flesh.”
African Kalanga
Apa amutoziba kene kuti iye unozwibhatshanya ne fukula unobe mbili nng'ompela nayo? Ngobe kwakakwagwa kuyi, “Babili banowobe mbili nng'ompela.”
English17
But he who unites himself with the Lord is one with him in spirit.
African Kalanga
Koga iye wabhatana na He unobe meya ing'ompela nabo.
English18
Flee from sexual immorality. All other sins a man commits are outside his body, but he who sins sexually sins against his own body.
African Kalanga
Thubukanani ne bupombgwe. Jinyo limwe ne limwe nhu laanothama li kuhhe kwe mbili uwe koga phombgwe inotjinyila mbili wayo.
English19
Do you not know that your body is a temple of the Holy Spirit, who is in you, whom you have received from God? You are not your own;
African Kalanga
Apa amutoziba kuti mibili yenyu bugalo gwe Meya yakayengemala, imumuli yamakapiwa ne Ndzimu kene? Mibili iyeyo ate yenyu.
English20
you were bought at a price. Therefore honor God with your body.
African Kalanga
Makatengwa ne themba. Ndizo hingisani mibili yenyu ne zila inohanhisa Ndzimu.

Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.