1 Peter 2 | New Testament

1 Peter 2English

1 Pita 2African Kalanga

English1
Therefore, rid yourselves of all malice and all deceit, hypocrisy, envy, and slander of every kind.
African Kalanga
Ndizo, letjani bubi gose ne butjebeli ne bung'wa ne bugovu nenge kugongobola.
English2
Like newborn babies, crave pure spiritual milk, so that by it you may grow up in your salvation,
African Kalanga
Munge bana batjazwagwa, banohaka nkaka muna bommeyabo, hakani nkaka wakwako we tjimeya, kuti ukudze meya yenyu mutjidziwe,
English3
now that you have tasted that the Lord is good.
African Kalanga
ne kuti sangwenu makalabila bubuya gwa He.
English4
As you come to him, the living Stone–rejected by men but chosen by God and precious to him–
African Kalanga
Ihhani kuunli, ilo bgwe linotjila, lakalambiwa ne banhu, koga mu meho e Ndzimu lakahalugwa lili bgwe lina n’hingo nkulu.
English5
you also, like living stones, are being built into a spiritual house to be a holy priesthood, offering spiritual sacrifices acceptable to God through Jesus Christ.
African Kalanga
Ngono se mabgwe anotjila namwibo mubumbiwa ng'umba ye tjimeya, kuti mube ne buphirisiti gwakayengemala, kuti muduse zwibhayilo zwe tjimeya zwinoamutjilika ku Ndzimu ndi Jesu Khirisiti.
English6
For in Scripture it says: “See, I lay a stone in Zion, a chosen and precious cornerstone, and the one who trusts in him will never be put to shame.”
African Kalanga
Ngobe whalo, dzikati “Bonani, ndobiga bgwe mu Ziyoni bgwe lakanaka lakahalugwa linotambunudza mbako. Ndizo iye unotenda mulili aatowobhatisiwa honi.”
English7
Now to you who believe, this stone is precious. But to those who do not believe, “The stone the builders rejected has become the capstone,”
African Kalanga
Koga kumuli imwi munogalamoyo, lina n’hingo wakanaka nkulu kwazo, koga kuna ibabo basingagalemoyo kwakakwagwa kukayi, “Bgwe lakalambiwa ne babaki latjibe ilo bgwe lakatambunudza ng'umba ku ndzibo.”
English8
and, “A stone that causes men to stumble and a rock that makes them fall.” They stumble because they disobey the message–which is also what they were destined for.
African Kalanga
Ngono, “Ndilo bgwe linowokunha banhu, ihongwe inowobaliga.” Ne kuti banokunhiwa ne kusawha dama, itjo Ndzimu tjawakababalila.
English9
But you are a chosen people, a royal priesthood, a holy nation, a people belonging to God, that you may declare the praises of him who called you out of darkness into his wonderful light.
African Kalanga
Koga imwi mu ludzi gwakahalugwa, gwe buphirisiti gwe buhe, tjaba tjakayengemala, banhu ba iwo Ndzimu, kuti musumikile mihingo inotjenamisa ye wakamudana emudusa mu hhalima, emulonga mu tjedza tjinokaabadza.
English10
Once you were not a people, but now you are the people of God; once you had not received mercy, but now you have received mercy.
African Kalanga
Makatongobe musi banhu, koga ngwenu mu banhu be Ndzimu. Makatongobe musakawhigwa ngoni, koga ngwenu makawhigwa ngoni.
English11
Dear friends, I urge you, as aliens and strangers in the world, to abstain from sinful desires, which war against your soul.
African Kalanga
Badiwa, ndomukumbila muli bataya kakale muli bapindi mu hango iyeyi, nditi muthubukane ne njemulo dze tjinyama, idzo dzinogwisana ne meya yenyu.
English12
Live such good lives among the pagans that, though they accuse you of doing wrong, they may see your good deeds and glorify God on the day he visits us.
African Kalanga
Yendelani mbeli ne mazwiibhato akalulwama muna basingagalemoyo, kuti ha beleba ne kwenyu beti mu batjinyi, bakumbule mihingo yenyu yakalulwama, koga banowokudza Ndzimu mu hhuba le kusumikilisiwa.
English13
Submit yourselves for the Lord’s sake to every authority instituted among men: whether to the king, as the supreme authority,
African Kalanga
Muzwiyise pasi kwe ndaulo imwe ne imwe ye banhu, muthamila He Jesu, kene ili ku nlauli nkulu,
English14
or to governors, who are sent by him to punish those who do wrong and to commend those who do right.
African Kalanga
kene bayendisi be milayo, bakatumwa ne nlauli nkulu kuwowhisa zogwadza ibabo banotjinya nenge kukudza ibo banothama ndulamo.
English15
For it is God’s will that by doing good you should silence the ignorant talk of foolish men.
African Kalanga
Ne kuti whuda kwe Ndzimu, kuti mu kuhinga zubuyanana kwenyu munyaladze zwilengwe zwinoleba ngohaya luzibo.
English16
Live as free men, but do not use your freedom as a cover-up for evil; live as servants of God.
African Kalanga
Mutjile se banhu bakasununguka, koga musingahingise sununguko yenyu kuzwimba mbipo, mutjile se balanda be Ndzimu.
English17
Show proper respect to everyone: Love the brotherhood of believers, fear God, honor the king.
African Kalanga
Tetani banhu bose. Mude makamu mububvumili. Muhle Ndzimu. Kudzani nlauli nkulu.
English18
Slaves, submit yourselves to your masters with all respect, not only to those who are good and considerate, but also to those who are harsh.
African Kalanga
Balanda muzwiyise pasi kwa botetshi benyu ne mazwiibhato wose, kusi kuna botetshi bakalulwama bana bunhu koga, na ibo banomutshamba ne makumbo.
English19
For it is commendable if a man bears up under the pain of unjust suffering because he is conscious of God.
African Kalanga
Ngobe koamutjilika ha nhu ekumbula Ndzimu e dzikitadzila kudziyidziwa ne kusakafanila.
English20
But how is it to your credit if you receive a beating for doing wrong and endure it? But if you suffer for doing good and you endure it, this is commendable before God.
African Kalanga
Mungatetigwani wali, ha mungadzikitadzila kulobgwa matjinya kene? Koga ha mungadzikitadzila kudziyidzigwa mihingo yakalulwama, muamutjila ku Ndzimu.
English21
To this you were called, because Christ suffered for you, leaving you an example, that you should follow in his steps.
African Kalanga
Nditjo tjamakadanigwa itjetji, ne kuti Khirisiti na iyebo wakadziyilila imwi, emusiyila tjilakidzilo, kuti mutobele nkwala uwe.
English22
“He committed no sin, and no deceit was found in his mouth.”
African Kalanga
“Aana tjibi tjaakathama, akuna butjebeli gwakawang'wa mu kulebeleka kukwe.”
English23
When they hurled their insults at him, he did not retaliate; when he suffered, he made no threats. Instead, he entrusted himself to him who judges justly.
African Kalanga
Wakati etukiwa, aazohandula. Wakati ewha zogwadza aazotukana koga wakagalabgwe muna iye unosumikilisa ne ndulamo.
English24
He himself bore our sins in his body on the tree, so that we might die to sins and live for righteousness; by his wounds you have been healed.
African Kalanga
Iye ne kukwe wakasenga zwibi zwedu mu mbili uwe, mu tjileyano, kuti ndizo tife ku tjibi, koga titjile ku ndulamo. Makapodziwa ne mabanga awe.
English25
For you were like sheep going astray, but now you have returned to the Shepherd and Overseer of your souls.
African Kalanga
Makabe mamila se pkhwizi, koga ngwenu makabuya ku Nlisi kakale ali Ntjengeti we meya yenyu.

Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.