1 Peter 3 | New Testament

1 Peter 3English

1 Pita 3African Kalanga

English1
Wives, in the same way be submissive to your husbands so that, if any of them do not believe the word, they may be won over without words by the behavior of their wives,
African Kalanga
Sa ikoko namwibo bakadzi, muzwiyise pasi kwe balume benyu, kuti ndizo bamwe, nenguba basingagalemoyo mu dama, bangawongiwa ne mazwiibhato e bakadzi babo kuhhe kwe dama,
English2
when they see the purity and reverence of your lives.
African Kalanga
ha bebona bubuyanana ne kuteta mu mazwiibhato enyu.
English3
Your beauty should not come from outward adornment, such as braided hair and the wearing of gold jewelry and fine clothes.
African Kalanga
Kuzwinakisa kwenyu ngakusibe kuzwinakisa kwa kuhhe, kunolukiwa mavudzi kuzwinakisiwa ne golide nenge kuambala zwiambalo zwakanaka,
English4
Instead, it should be that of your inner self, the unfading beauty of a gentle and quiet spirit, which is of great worth in God’s sight.
African Kalanga
Koga kunaka kwenyu ngakube kwe tjamukati ne kusingalobe kwe bubuya gwakalulwama gwe kudzikama kwe meya, iyo inodika kwazo mu meho e Ndzimu.
English5
For this is the way the holy women of the past who put their hope in God used to make themselves beautiful. They were submissive to their own husbands,
African Kalanga
Ntolo, bakadzi bakayengemala, bakabe begalabgwe mu Ndzimu bakabe bezwinakisa ne kuzwiyisa pasi kwe balume babo,
English6
like Sarah, who obeyed Abraham and called him her master. You are her daughters if you do what is right and do not give way to fear.
African Kalanga
sa Sara akabe ewha Abhurahama, en'dana eti He. Ngono ngwenu mu bana babe ha muhinga ndulamo, kusina tjamunoletja tjikamuhlisa.
English7
Husbands, in the same way be considerate as you live with your wives, and treat them with respect as the weaker partner and as heirs with you of the gracious gift of life, so that nothing will hinder your prayers.
African Kalanga
Sa ikoko namwibo balume, galani ne bakadzi benyu ne kuwhisisa muziba kuti nkadzi iye wakabumbiwa asina matatabuko. Mubatete ngobe mu bagali nhaka mose be butjilo gunohha ne ngoni. Kuti ndizo mitembezelo yenyu kuhaye tjayidzibilidza.
English8
Finally, all of you, live in harmony with one another; be sympathetic, love as brothers, be compassionate and humble.
African Kalanga
Tjebupelo, mose bhatanani mu meya ne mu kuwhilana zogwadza ne kudana se makamu, mube ne moyo wakanaka ne njalakang'wa dzina kuzwiyisa pasi.
English9
Do not repay evil with evil or insult with insult, but with blessing, because to this you were called so that you may inherit a blessing.
African Kalanga
Musibgwilizile bubi ne bubi, kene kutuka ne kutuka. Koga bumo gwa ikoko hingani bubuya, ne kuti nditjo tjamakadanigwa, kuti ndizo muwane mhahhambuya.
English10
For, “Whoever would love life and see good days must keep his tongue from evil and his lips from deceitful speech.
African Kalanga
Ngoti, “Iye unoda butjilo ne kubona mahhuba akalulwama, ngaaduse lulimi gugwe mu bubi, ne nlomo uwe usilebe butjebeli.
English11
He must turn from evil and do good; he must seek peace and pursue it.
African Kalanga
Ngaahanduke mu bubi, ahinge ndulamo, ngaahake mbakiso aitihhilile.
English12
For the eyes of the Lord are on the righteous and his ears are attentive to their prayer, but the face of the Lord is against those who do evil.”
African Kalanga
Ngoti meho a He amu balulwami, kakale banowha mitembezelo yabo koga He banofupatila ibabo banohinga mbipo.”
English13
Who is going to harm you if you are eager to do good?
African Kalanga
Ndiani ungakuwhisa zogwadza, ha mutukutilila tjakalulwama kene?
English14
But even if you should suffer for what is right, you are blessed. “Do not fear what they fear; do not be frightened.”
African Kalanga
Koga nenguba mungadziyidzigwa ndulamo, maka tigwa mhhahambuya. Musihle ne kwabo, kene mukadziyidzika,
English15
But in your hearts set apart Christ as Lord. Always be prepared to give an answer to everyone who asks you to give the reason for the hope that you have. But do this with gentleness and respect,
African Kalanga
Koga mu mimoyo yenyu, yengemadzani Khirisiti sa He. Mugale makazwilulwamisila kudabila mmwe ne mmwe unowobe emubhuzwa nekwe kugalabgwe ku mumuli, mukuthame ne bunyolo nenge kuteta.
English16
keeping a clear conscience, so that those who speak maliciously against your good behavior in Christ may be ashamed of their slander.
African Kalanga
Mube ba buyanana mu hana dzenyu, kuti ndizo ibabo banomutukila mazwiibhato enyu mabuyanana muna Khirisiti, babhakhwe ne honi.
English17
It is better, if it is God’s will, to suffer for doing good than for doing evil.
African Kalanga
Koyita kudziyidzigwa ndulamo, ha kuli kuda kwe Ndzimu, pana kudziyidzigwa mihingo mibi,
English18
For Christ died for sins once for all, the righteous for the unrighteous, to bring you to God. He was put to death in the body but made alive by the Spirit,
African Kalanga
ngobe Khirisiti wakafila zwibi zwedu tose kang'ompela, nlulwami efila basakalulwama, kuti atiyise ku Ndzimu, kabulawa mu tjinyama, koga kamusiwa mu Meya,
English19
through whom also he went and preached to the spirits in prison
African Kalanga
yakayenda ikanosumikilila meya imu busungwa,
English20
who disobeyed long ago when God waited patiently in the days of Noah while the ark was being built. In it only a few people, eight in all, were saved through water,
African Kalanga
iyo yakati ntolo ikasiwhe, Ndzimu pawakabe wakalinda ne moyonlefu mu nsi wa Nowa, mu kubakiwa kwe ikepe; kwakati banhu bahomanana, bali hhanakadzi bakatjidziwa ne vula.
English21
and this water symbolizes baptism that now saves you also–not the removal of dirt from the body but the pledge of a good conscience toward God. It saves you by the resurrection of Jesus Christ,
African Kalanga
Etji tjakabe tjili tjifano tje kubvubikiwa tjinomutjidza ngwenu, kusi ne kudusa hambgwa imu mbili, koga kuli kumbila hana mbuyanana ku Ndzimu jidzo ne kumuka kwa Jesu Khirisiti
English22
who has gone into heaven and is at God’s right hand–with angels, authorities and powers in submission to him.
African Kalanga
iye wakayenda kudzimu, kakale watjibe ku luboko gwe ludli gwe Ndzimu ne batumwa be kudzimu ne batungamili ne bana masimba, bose ban’wha.

Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.