1 Thessalonians 2 | New Testament

1 Thessalonians 2English

1 Batesalonika 2African Kalanga

English1
You know, brothers, that our visit to you was not a failure.
African Kalanga
Koga imwi makamu moziba kuti, kumu kumba kwedu akuzobe kuli madanha.
English2
We had previously suffered and been insulted in Philippi, as you know, but with the help of our God we dared to tell you his gospel in spite of strong opposition.
African Kalanga
Koga nenguba muziba kuti takabe tadziyila kale, tikabhakhwa kunobhatisa honi ku Filipi, koga ne lubhatsho gwe Ndzimu wedu takasimisamoyo kumubudza ndebo mbuya yawo patjena, nenguba kwakabe kuna kunyanyayidziwa kukulu.
English3
For the appeal we make does not spring from error or impure motives, nor are we trying to trick you.
African Kalanga
Tjatinomukumbila atjitobva mu kulahika kene mu mikumbulo isi mibuyanana, kakale atitogwisa kumulaha.
English4
On the contrary, we speak as men approved by God to be entrusted with the gospel. We are not trying to please men but God, who tests our hearts.
African Kalanga
Koga tolebeleka tili bakaamutjigwa ne Ndzimu, kuti ndebo mbuya ingabigwa mu maboko edu. Atitogwisa kuhanhisa banhu, koga togwisa kuhanhisa Ndzimu, iwo unolika mimoyo yedu.
English5
You know we never used flattery, nor did we put on a mask to cover up greed- -God is our witness.
African Kalanga
Moziba kuti atizotongo hha kumuli tizipisa ndebo, kakale atizotongo leba ndebo inosumbika bugovu. Ndzimu ntendeki wedu.
English6
We were not looking for praise from men, not from you or anyone else.
African Kalanga
Takabe tisingahake kukudziwa ne banhu, imwi kene mmwe koga,
English7
As apostles of Christ we could have been a burden to you, but we were gentle among you, like a mother caring for her little children.
African Kalanga
Se batumwa ba Khirisiti tobetakabe ntolo kumuli, koga takabe banyolo pakati kwenyu, tinga mayi belela bana babo batukununu.
English8
We loved you so much that we were delighted to share with you not only the gospel of God but our lives as well, because you had become so dear to us.
African Kalanga
Takabe timuda kwatakahanhila kuhanganyila namwi kusi ndebo mbuya yoga ye Ndzimu ne matjilo edubo, ngobe makabe mudika kwazo.
English9
Surely you remember, brothers, our toil and hardship; we worked night and day in order not to be a burden to anyone while we preached the gospel of God to you.
African Kalanga
Ngobe moalakana, kuhinga nenge kudziyidzika kwazo kwedu makamu, takahinga siku ne sikati, kuti tisibe ntolo mumuli ha timusumikilila ndebo mbuya ye Ndzimu kumuli.
English10
You are witnesses, and so is God, of how holy, righteous and blameless we were among you who believed.
African Kalanga
Mu batendeki, kose ne Ndzimu ntendeki, kuti takabe tili bakayengemala tjini, tili balulwami kakale tisina nlandu, tili pakati kwenyu imwi banogalamoyo.
English11
For you know that we dealt with each of you as a father deals with his own children,
African Kalanga
Moziba kuti takabhata mmwe ne mmwe wenyu koga sa tate bebhata bana babo,
English12
encouraging, comforting and urging you to live lives worthy of God, who calls you into his kingdom and glory.
African Kalanga
timusimisa, timunyaladza, timukulumbidza, kuti mutjile butjilo gwakafanila Ndzimu, iwo unomudanila mu gudzo* le buhe* gwawo.
English13
And we also thank God continually because, when you received the word of God, which you heard from us, you accepted it not as the word of men, but as it actually is, the word of God, which is at work in you who believe.
African Kalanga
Kakale togala tiboka Ndzimu, ngobe makati muamutjila dama le Ndzimu, ilo lamakawha ndiswi, makaliamutjila kusi se dama le nhu, koga se dama le Ndzimu sekwa lili ilo, ilo linohinga mumuli imwi banogalamoyo.
English14
For you, brothers, became imitators of God’s churches in Judea, which are in Christ Jesus: You suffered from your own countrymen the same things those churches suffered from the Jews,
African Kalanga
Imwi makamu, makabe bayedzi be makubungano e Ndzimu mu Judiya iwo amuna Khirisiti Jesu, ngobe makadziyidziwa ne bakanyi kwenyu, koga saibo bakadziyidziwa ne Bajuta,
English15
who killed the Lord Jesus and the prophets and also drove us out. They displease God and are hostile to all men
African Kalanga
ibo bakabulaya He Jesu ne balebesambeli,* kakale bakatidziyidza. Abatohanhisa Ndzimu, kakale banonyanyayidza banhu bose
English16
in their effort to keep us from speaking to the Gentiles so that they may be saved. In this way they always heap up their sins to the limit. The wrath of God has come upon them at last.
African Kalanga
ne kutidzibisa kulebeleka ne Bezwitjaba, kuti ndizo Bezwitjaba batjidziwe. Ne zila iyeyi, behhadza tjilizanyo tje zwibi zwabo misi yose. Koga buhongola gwe Ndzimu gwadzina gukabahhila kubupelo.
English17
But, brothers, when we were torn away from you for a short time (in person, not in thought), out of our intense longing we made every effort to see you.
African Kalanga
Koga makamu, kwakati takathubukana namwi lubaka gufupi, takabe tili tose mu mikumbulo. Mu kumuhuba kwedu kukulu, takagwisa kwazo kuti tihhe timubone ne meho.
English18
For we wanted to come to you-- certainly I, Paul, did, again and again-- but Satan stopped us.
African Kalanga
Ngobe takabe tihaka hha kumuli, imi Paulo, ndakagwisa kanjinji koga Satani katima mbeli.
English19
For what is our hope, our joy, or the crown in which we will glory in the presence of our Lord Jesus when he comes? Is it not you?
African Kalanga
Dumbu kugalabgwe kwedu ne kuhanha kwedu kene tjiala tje kukunda kungabeni, ha tima mbeli kwa He wedu Jesu Khirisiti ha ehha? Kungabeni ha isi imwi kene?
English20
Indeed, you are our glory and joy.
African Kalanga
Ndimwi kuzwikudza ne kuhanha kwedu.

Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.