1 Timothy 2 | New Testament

1 Timothy 2English

1 Timoti 2African Kalanga

English1
I urge, then, first of all, that requests, prayers, intercession and thanksgiving be made for everyone–
African Kalanga
Ngwenu, tjekutanga ndokukulumbidza kuti kukumbila ne mitembezelo ne kutembezelela bamwe ne kutenda kuyitigwe banhu bose,
English2
for kings and all those in authority, that we may live peaceful and quiet lives in all godliness and holiness.
African Kalanga
kuyitigwe bohe bakulu na ibabo bana masimba, kuti ndizo titjile butjilo gwe kunyalala ne mbakiso mu kunamata Ndzimu ne zila dzose.
English3
This is good, and pleases God our Savior,
African Kalanga
Oku kwakanaka kakale kohanhisa Ndzimu Ntjidzi wedu,
English4
who wants all men to be saved and to come to a knowledge of the truth.
African Kalanga
iye unohaka kuti banhu bose batjidziwe kakale bahhe mu luzibo gwe malebeswa.
English5
For there is one God and one mediator between God and men, the man Christ Jesus,
African Kalanga
Ngobe kuna Ndzimu nng'ompela kakale kuna n'gadzanyi nng'ompela pakati kwe Ndzimu ne banhu, iye Khirisiti Jesu, ali nhu.
English6
who gave himself as a ransom for all men–the testimony given in its proper time.
African Kalanga
Iye wakazwipa se nlipilili we banhu bose, sa ikoko butendeki gwakapiwa ne lubaka gwago gwakafanila.
English7
And for this purpose I was appointed a herald and an apostle–I am telling the truth, I am not lying–and a teacher of the true faith to the Gentiles.
African Kalanga
Nekwa ikoko, ndakahalugwa kube nsumikili ne ntumwa wa Jesu, kudiya Bezwitjaba bugalimoyo ne malebeswa, ndolebesa anditonyepa.
English8
I want men everywhere to lift up holy hands in prayer, without anger or disputing.
African Kalanga
Ndohaka kuti balume kumwe ne kumwe batembezele ne njalakang'wa dzakatjena, basakagwadzamoyo kakale basingakangahhane.
English9
I also want women to dress modestly, with decency and propriety, not with braided hair or gold or pearls or expensive clothes,
African Kalanga
Kakale ndohaka kuti bakadzi baambale zubuyanana, kwakafanila, kakale kwakalulwama, kusi ne mavudzi akalukiwa kanakisiwa ne golide kene ne mabgwe mabuya anothama ndalama kene zwiambalo zwe ntengo upehhugwi,
English10
but with good deeds, appropriate for women who profess to worship God.
African Kalanga
koga ne mihingo yakanaka, yakafanila bakadzi banolakidza hla Ndzimu.
English11
A woman should learn in quietness and full submission.
African Kalanga
Nkadzi wakafanila kuzwidiya akanyalala ne kuzwiyisa pasi kwakapelela.
English12
I do not permit a woman to teach or to have authority over a man; she must be silent.
African Kalanga
Anditobvumila nkadzi kudiya kene kube ne simba pehhugwi kwe nlume, wakafanila nyalala.
English13
For Adam was formed first, then Eve.
African Kalanga
Ngobe Adamu wakabumbiwa kutanga, kukoti Eva.
English14
And Adam was not the one deceived; it was the woman who was deceived and became a sinner.
African Kalanga
Kakale Adamu aazotjebegwa, koga nkadzi ndiye wakatjebegwa, ndizo kasilondolodze nlayo we Ndzimu.
English15
But women will be saved through childbearing–if they continue in faith, love and holiness with propriety.
African Kalanga
Koga nkadzi unowotjidziwa ngokutshibama, ha eyendilambeli mu kugalamoyo nenge ludo nenge kuyengemala nenge kudzikama.

Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.