The English-Kalanga Bilingual Language Learning Bible
New Testament
Read each verse in English beside its African Kalanga equivalent.
2 Corinthians 3English
2 Bakorinta 3African Kalanga
- English1
Are we beginning to commend ourselves again? Or do we need, like some people, letters of recommendation to you or from you?
African KalangaApa tatangisa kuzwikudza kakale kene? Kene tonga bamwe banhu banohaka whalo dzinomuzibisa kuti ndiswi boani, kene dzinobva kumuli dzizibisa bamwe kuti ndiswi kene.
- African Kalanga
Imwi ne kwenyu, mu lukwalo gwedu, gwakakwagwa mu mimoyo yedu, gunozibgwa ne gunobagwa ne mmwe ne mmwe.
- English3
You show that you are a letter from Christ, the result of our ministry, written not with ink but with the Spirit of the living God, not on tablets of stone but on tablets of human hearts.
African KalangaMolakidza kuti mu lukwalo gunobva kuna Khirisiti guhha ndiswi, gusakakwagwa ne inki, koga gwakakwagwa ne Meya ye Ndzimu unotjila. Gusakakwagwa mu mabgwe, koga gwakakwagwa mu mimoyo ye banhu.
- African Kalanga
Ikoku ihalabvuko yatinayo nekwa Khirisiti mu Ndzimu.
- English5
Not that we are competent in ourselves to claim anything for ourselves, but our competence comes from God.
African KalangaKusingabve kuti takalizanila ne kwedu kwatingati tjimwe ne tjimwe tjobva mutili, kulizanila kwedu kobva ku Ndzimu,
- English6
He has made us competent as ministers of a new covenant–not of the letter but of the Spirit; for the letter kills, but the Spirit gives life.
African Kalangaiwo wakatithama kulizanila kube bahingili be Tjibvumano tjitshwa, tjisi tje nlayo wakakwagwa, koga tje Meya. Ngobe nlayo wakakwagwa unobulaya, koga Meya inopa butjilo.
- English7
Now if the ministry that brought death, which was engraved in letters on stone, came with glory, so that the Israelites could not look steadily at the face of Moses because of its glory, fading though it was,
African KalangaNgwenu ha hingila kunohisa lufu kwakakwagwa mu mabgwe, kwakahha ne tjedza tjingapa, tjakayita Baiziraela kuti basilinge Mushe mu buso, nenguba penya ikoku kwakabe kopela,
- African Kalanga
apa kuhingila kwe Meya akungabe ne tjedza tjikulu kupinda kene?
- English9
If the ministry that condemns men is glorious, how much more glorious is the ministry that brings righteousness!
African KalangaHa kwakabe kuna tjedza mu kuhingila kunolobesa, kuhingila kwe ndulamo kwakafanila kupinde ne tjedza.
- African Kalanga
Ne malebeswa ipapa tjakabe tjina tjedza atjitjina tjedza, ngwenu kwatjibe ne tjedza tjinotjikulila.
- English11
And if what was fading away came with glory, how much greater is the glory of that which lasts!
African KalangaNgobe ha ili kuti kunopinda kwakahha ne tjedza, kunogalila tjose kwakafanila kube ne tjedza tjikulu.
- African Kalanga
Se tina kugalabgwe kwakajali, tina tjilopa.
- English13
We are not like Moses, who would put a veil over his face to keep the Israelites from gazing at it while the radiance was fading away.
African KalangaAtitonga Mushe, iye wakabe ekwididza buso gugwe ne jila kuti ba Iziraela basibone bhelelo le tjedza tjakabe tjipela.
- English14
But their minds were made dull, for to this day the same veil remains when the old covenant is read. It has not been removed, because only in Christ is it taken away.
African KalangaKoga mikumbulo yabo yakabe yakakukutala, ngobe na nasi ha bebala Tjibvumano tjikulukugwi jila ileliya litjiyapo halizofukunugwa, ngobe lofukunugwa ndi Khirisiti koga.
- African Kalanga
Ee, kuswikila nasi ha bebala nlayo jila lokwididza mikumbulo yabo,
- African Kalanga
koga ha nhu ehandukila kuna He, jila ileli lofukunugwa.
- African Kalanga
Ngwenu, He ndibo Meya, ngono pana Meya ya He, pana sununguko.
- English18
And we, who with unveiled faces all reflect the Lord’s glory, are being transformed into his likeness with ever-increasing glory, which comes from the Lord, who is the Spirit.
African KalangaNgono iswi tose be njiso dzakafukunugwa tilakidza tjedza tja He, tohandugwa kunga iye ne tjedza tjinokula misi yose, ngobe ikoku kobva muna He iye Meya.
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.