The English-Kalanga Bilingual Language Learning Bible
New Testament
Read each verse in English beside its African Kalanga equivalent.
2 Peter 2English
2 Pita 2African Kalanga
- English1
But there were also false prophets among the people, just as there will be false teachers among you. They will secretly introduce destructive heresies, even denying the sovereign Lord who bought them– bringing swift destruction on themselves.
African KalangaKoga balebesambeli be manyepkhwa na ibo bakabe yapo pakati kwe banhu, koga sekwa badiyi be manyepkhwa banowobe yapo pakati kwenyu, banowohhisa ne zila yakasumbikala zwidiyo zwinokolomola zwisi zwe malebeswa, ne kuzwilandula He ntja wakabadzutunula, ndizo banowozwitjimbidzila kuloba.
- African Kalanga
Ngono banji banowotobela zila dzabo dze kuwalilana dzinobhatisa honi, ngono ne zila ye badiyi ibaba, zila ye malebeswa inowogongobogwa.
- English3
In their greed these teachers will exploit you with stories they have made up. Their condemnation has long been hanging over them, and their destruction has not been sleeping.
African KalangaMu bugovu gwabo, banowomulaha ne manyepkhwa, kuti ndizo batole mari mu muli. Kusumikilisiwa kwabo akubilobamilila ntolo, ngono kolomogwa kwabo kwakabalinda.
- English4
For if God did not spare angels when they sinned, but sent them to hell, putting them into gloomy dungeons to be held for judgment;
African KalangaNgobe Ndzimu auzoletja batumwa be kudzimu bakabe batjinya, koga wakabaposela mu mwina umukatikati, iko kwabakabigwa busungwa gwe hhalima, bakalindila hhuba le kusumikilisiwa;
- English5
if he did not spare the ancient world when he brought the flood on its ungodly people, but protected Noah, a preacher of righteousness, and seven others;
African Kalangaha Ndzimu usakaletja hango ya ntolo, koga wakahhisa nkubila mu hango ye banhu bakabe betjinya, koga ukatjidza Nowa, iye wakabe ediya ndulamo, ne bamwe bali kutendeka.
- English6
if he condemned the cities of Sodom and Gomorrah by burning them to ashes, and made them an example of what is going to happen to the ungodly;
African KalangaHa Ndzimu wakalotesa mizi ye Sodoma ne Gomora, ikasala ili nlota, uthama tjilakidzilo tje tjinowohingikala muna basina hanya ne Ndzimu.
- English7
and if he rescued Lot, a righteous man, who was distressed by the filthy lives of lawless men
African KalangaHa Ndzimu wakaangulila Lote, nlume we nlulwami, wakabe ewhisiwa zogwadza ne zila dzabo dze kuwalilana dzinobhatisa honi,
- English8
(for that righteous man, living among them day after day, was tormented in his righteous soul by the lawless deeds he saw and heard)–
African Kalanganlume iwoyo we nlulwami, wakabe egala pakati kwabo, ngono hhuba ne hhuba wakabe engina buyendasi bukulu kwazo ne kubona nenge kuwha mihingo yabo yakabe isi mu nlayo.
- English9
if this is so, then the Lord knows how to rescue godly men from trials and to hold the unrighteous for the day of judgment, while continuing their punishment.
African KalangaNdizo akwakajalo He banoziba sekwa bangatjidza banhu banotjila se kunohaka Ndzimu mu ndiko, ne kugadza banhu basakalulwama mu busungwa, kuswikila hhuba le sumikiliso,
- English10
This is especially true of those who follow the corrupt desire of the sinful nature and despise authority.
African Kalangakwazo kwazo ibabo banotobela njemulo dzisi idzo dze mibili yabo, ngono belingila pasi buhe gwe Ndzimu. Badiyi ibabo, banhu bakasima moyo, kakale banozwikudza basingahle kuleba bubi nekwa ibabo bakakudziwa.
- English11
Bold and arrogant, these men are not afraid to slander celestial beings; yet even angels, although they are stronger and more powerful, do not bring slanderous accusations against such beings in the presence of the Lord.
African KalangaKoga batumwa be kudzimu, nenguba bana bukulu ne masimba anopinda e badiyi ibaba, abatobaleba bubi bebasumikilisa mbeli kwa He.
- English12
But these men blaspheme in matters they do not understand. They are like brute beasts, creatures of instinct, born only to be caught and destroyed, and like beasts they too will perish.
African KalangaKoga banhu ibaba se mhuka dzisingalaugwe, zwibumbgwa zwinoloba dzakazwaligwa bhakhwa nenge kubulawa, dzisingaalakane, banotuka Ndzimu mu tjimwe ne tjimwe tjabasingawhisise. Ngono banowolobesiwabo se mhuka dze hango.
- English13
They will be paid back with harm for the harm they have done. Their idea of pleasure is to carouse in broad daylight. They are blots and blemishes, reveling in their pleasures while they feast with you.
African KalangaBanowolipiwa ne kuwhisiwa zogwadza koga sekwa bakathamabo. Mu bali kuhanha whupapamadza tjimwe ne tjimwe patjena masikati, tjabanohinga tjinodzima nyota ye njemulo dze mibili yabo; zwibadzi zwinobhatisa honi ha behha bewodla zodliwa namwi, kakale bali mu kuhanha, bethama zila dzabo dze bupitipiti.
- English14
With eyes full of adultery, they never stop sinning; they seduce the unstable; they are experts in greed–an accursed brood!
African KalangaNe meho abo ahhele bupongwe habatoguta thama jinyo. Banowonga basakasima. Bakawolobedza mimoyo yabo bugovu. Ndzimu wakabalonga bhiso!
- English15
They have left the straight way and wandered off to follow the way of Balaam son of Beor, who loved the wages of wickedness.
African KalangaBakafupatila zila yakatambunuka bakadzimila, bakatobela zila ya Bhalamu nkololo wa Bheore, wakabe eda mbuzilo ye bubi,
- English16
But he was rebuked for his wrongdoing by a donkey–a beast without speech–who spoke with a man’s voice and restrained the prophet’s madness.
African Kalangangono katjemelegwa jinyo lile ne kakambe, mhuka isingalebeleke ikalebeleka se nhu, ikamisa mihingo ye bupengo yakabe ithamwa ne nlebesambeli.
- English17
These men are springs without water and mists driven by a storm. Blackest darkness is reserved for them.
African KalangaBanhu ibaba banofanana ne misenya yakawomelela, banofanana ne fulele itutudziwa ne dutu; Ndzimu wakababiganyidzila magalo mu hhalima dema dema.
- English18
For they mouth empty, boastful words and, by appealing to the lustful desires of sinful human nature, they entice people who are just escaping from those who live in error.
African KalangaBanolebeleka matama makulu kulu asina tjaanobva, banohingisa njemulo dzabo dze kuwalilana kunobhatisa honi dze tjinyama, kubhatshila banhu banobe kuli iko batjabhuda mu ndahiko.
- English19
They promise them freedom, while they themselves are slaves of depravity–for a man is a slave to whatever has mastered him.
African KalangaBanobagadzabgwe sununguko, ngono ibo bali basungwa be jinyo; ngobe nhu nsungwa we tjimwe ne tjimwe tjinonlaula.
- English20
If they have escaped the corruption of the world by knowing our Lord and Savior Jesus Christ and are again entangled in it and overcome, they are worse off at the end than they were at the beginning.
African KalangaHa banhu batihha zila dzinolonga bubi, dze hango, ne luzibo gwa He wedu kakale ali Ntjidzi wedu Jesu Khirisiti, bebva bebhatshigwa kakale bebuya bekundiwa ndidzo, banhu bakajalo bamu ndahiko whulu inopinda yabakabe bali muili kutanga.
- English21
It would have been better for them not to have known the way of righteousness, than to have known it and then to turn their backs on the sacred command that was passed on to them.
African KalangaKungabe kwakababhatsha, abakabe bati bukulu bakasizibe zila ye ndulamo pana kuti baizibe bebva beti hule befupatila ndayo yakayengemala yabakapiwa.
- English22
Of them the proverbs are true: “A dog returns to its vomit,” and, “A sow that is washed goes back to her wallowing in the mud.”
African KalangaKwakabahingikalila ne malebeswa mapeswa anoti, “Mbgwa inobgwilila ikanodla mapfo ayo” kakale “Ngulube yangudziwa inobgwilila ikanobumbuluka mu dope.”
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.