The English-Kalanga Bilingual Language Learning Bible
New Testament
Read each verse in English beside its African Kalanga equivalent.
Acts 17English
Mihingo 17African Kalanga
- English1
When they had passed through Amphipolis and Apollonia, they came to Thessalonica, where there was a Jewish synagogue.
African KalangaPaulo na Silasi bakayenda bakapinda ne mu Amfipholi ne Apholoniya bakaswika ku Tesalonika, iko kwakabe kuna ng'umba ye mitembezelo ye Bajuta.
- English2
As his custom was, Paul went into the synagogue, and on three Sabbath days he reasoned with them from the Scriptures,
African KalangaSe wolobela kukwe Paulo kayenda ku ng'umba ye mitembezelo. Kagala tshipi nhatu enyanyayidzana nabo nekwe whalo, ebala
- English3
explaining and proving that the Christ had to suffer and rise from the dead. “This Jesus I am proclaiming to you is the Christ, “ he said.
African Kalangaetjenesa Whalo dze Ndzimu elakidza mudzili kuti Mesiya wakabe akafanila dziyila ne muka mu bafi. Paulo kati, “Jesu iwoyu wandinoleba ne kukwe kumuli ndiye Mesiya.”
- English4
Some of the Jews were persuaded and joined Paul and Silas, as did a large number of God-fearing Greeks and not a few prominent women.
African KalangaBamwe babo bakawhisisa, ndizo bakama na Paulo na Silasi; ne bafumakadzi bana mamo banjinji ne BaGiriki banjinji bakabe benamata Ndzimu.
- English5
But the Jews were jealous; so they rounded up some bad characters from the marketplace, formed a mob and started a riot in the city. They rushed to Jason’s house in search of Paul and Silas in order to bring them out to the crowd.
African KalangaKoga Bajuta bakabe ne ndandala, ngono bakakubunganya bamwe banhu basibe tjimwe mu dzizila bakabumba mbunga. Bakadzonga nzi wose, ngono bakangina mu nzi we nlume wakabe edang'wa Jasoni, beti banowowana Paulo na Silasi kuti babahhise ku banhu.
- English6
But when they did not find them, they dragged Jason and some other brothers before the city officials, shouting: “These men who have caused trouble all over the world have now come here,
African KalangaKoga bakati babahaya, bakahhuhhuta Jasoni ne amwe makamu bakabayisa mbeli kwe babusi be nzi bemimila beti, “Ibaba balume bakadzonga pamwe ne pamwe! Ngwenu batjihhabo ngeno,
- English7
and Jason has welcomed them into his house. They are all defying Caesar’s decrees, saying that there is another king, one called Jesus.”
African Kalangangono Jasoni wakabagadza mu ng'umba iye. Bose banotjuluka milayo ya Khaisara, beti kuna mmwe He nkulu, unoyi Jesu.”
- African Kalanga
Banhu ne balauli be nzi bakadzoneka ha bewha ikoku.
- African Kalanga
Balauli bakalipisa Jasoni na ibabo bamwe, themba ye mari inohakika kuti basunungugwe, ndizo bakabaletja bakayenda.
- English10
As soon as it was night, the brothers sent Paul and Silas away to Berea. On arriving there, they went to the Jewish synagogue.
African KalangaKukati kube busiku, makamu zwikanyelusila Paulo na Silasi ku Bheriya. Bakati beswika bakayenda ku ng'umba ye mitembezelo ye Tjijuta.
- English11
Now the Bereans were of more noble character than the Thessalonians, for they received the message with great eagerness and examined the Scriptures every day to see if what Paul said was true.
African KalangaBanhu baikoko bakabe bakahalabvuka kupinda Batesalonika. Bakaamutjila dama ne mazwiwho abo wose, ngono mahhuba wose bakabe belingisisa mu Whalo dze Ndzimu kubona kene tjadiyiwa ndi Paulo tji malebeswa.
- English12
Many of the Jews believed, as did also a number of prominent Greek women and many Greek men.
African KalangaBunji mubali bakagalamoyo; ne bakadzi be Tjigiriki banjinji bana mamo ne balume banjinji be Tjigiriki na ibo bakagalamoyo.
- English13
When the Jews in Thessalonica learned that Paul was preaching the word of God at Berea, they went there too, agitating the crowds and stirring them up.
African KalangaKoga Bajuta mu Tesalonika bakati bewha kuti Paulo wakasumikilabo dama le Ndzimu mu Bheriya, bakahha ikoko bakatangisa dzonga banhu.
- African Kalanga
Tjinyolotjo makamu kadusa Paulo kayenda ku gungwa; koga Silasi na Timoti bakasala mu Bheriya.
- English15
The men who escorted Paul brought him to Athens and then left with instructions for Silas and Timothy to join him as soon as possible.
African KalangaBalume bakabe bepelekedza Paulo bakayenda naye kunoti mu Atene ipapo bakahandukila ku Bheriya ne ndayilo inobva muna Paulo kuti Silasi na Timoti bantobele tjinyolotjo.
- English16
While Paul was waiting for them in Athens, he was greatly distressed to see that the city was full of idols.
African KalangaPaulo kati atjakamilila Silasi na Timoti mu Atene meya iye ikakodzoneka mukati kukwe ha ebona nzi sekwa uli hhele midzimu.
- English17
So he reasoned in the synagogue with the Jews and the God-fearing Greeks, as well as in the marketplace day by day with those who happened to be there.
African KalangaNdizo kalebesana ne Bajuta ne Bezwitjaba banonamata Ndzimu mu ng'umba ye mitembezelo ne mu lubahhe mahhuba wose elebeleka ne banhu banopinda zwabo.
- English18
A group of Epicurean and Stoic philosophers began to dispute with him. Some of them asked, “What is this babbler trying to say?” Others remarked, “He seems to be advocating foreign gods.” They said this because Paul was preaching the good news about Jesus and the resurrection.
African KalangaBadiyi bamwe be zwidiyo zwe Tjiepikuri ne be zwidiyo zwe Tjisitoiki bakanyanyayidzana naye. Bamwe babo bakabhuzwa beti, “Nlebanyi iwoyu katini?” Bamwe bakadabila beti, “Unonga unoleba nekwe midzimu ipoga.” Bakaleba ikoku, ngobe Paulo wakabe esumikila nekwa Jesu nenge kumuka mu bafi.
- English19
Then they took him and brought him to a meeting of the Areopagus, where they said to him, “May we know what this new teaching is that you are presenting?
African KalangaNdizo bakatola Paulo bakan’hhisa pa lubahhe gwe nzi iwoyo gunoyi Areopago, ngono bakati, “Tohaka ziba diya ikoku kutswha kwaunoleba ne kwako.
- African Kalanga
Zwinhu zwatinowha uzwileba zwitswha mutili, ngono tohaka ziba kuti zobvani.”
- English21
(All the Athenians and the foreigners who lived there spent their time doing nothing but talking about and listening to the latest ideas.)
African KalangaBanhu bose be Atene ne bataya bakabe begala ikoko bakabepedza lubaka gwabo beleba kene bewhilila tjimwe tjitswha.
- English22
Paul then stood up in the meeting of the Areopagus and said: “Men of Athens! I see that in every way you are very religious.
African KalangaPaulo kama pakati kwe lubahhe gwe Areopago kati, “Ndobona kuti mu zila dzose imwi Baatene mu banamati.
- English23
For as I walked around and looked carefully at your objects of worship, I even found an altar with this inscription: TO AN UNKNOWN GOD.
African KalangaNgobe ndati ndipalama nzi wenyu ndilinga magalo amunonamata, ndawana tjibeso tjakakwagwa kuyi, ‘Ku Ndzimu Usingazibgwe.’ Itjetjo tjamunonamata, nenguba musingatjizibe, nditjo tjandinoleba kumuli ne kwatjo ngwenu.
- English24
“The God who made the world and everything in it is the Lord of heaven and earth and does not live in temples built by hands.
African KalangaNdzimu iwo wakathama hango ne tjimwe ne tjimwe tjimuili, ndi He we kudzimu ne hango, ngono autogala mu ng'umba dze mitembezelo dzakathamwa ne nhu,
- English25
And he is not served by human hands, as if he needed anything, because he himself gives all men life and breath and everything else.
African Kalangakene kuli haka tjimwe tjatingaunamata ne kuuhingila, se uli iwo unopa butjilo ne meya inofemiwa ne tjimwe ne tjimwe ku mmwe ne mmwe.
- English26
From one man he made every nation of men, that they should inhabit the whole earth; and he determined the times set for them and the exact places where they should live.
African KalangaWakathama zwitjaba zose kubva mu nhu nng'ompela kuti bagale mu hango yose. Iwo ne kwawo wakabiga kale misi ne miganhu ye magalo kwabanowogala.
- English27
God did this so that men would seek him and perhaps reach out for him and find him, though he is not far from each one of us.
African KalangaWakathama ikoku kuti ndizo bauhake, kuti pamwe bangaambamba bakauwana. Nenguba Ndzimu usi kule kule ne mmwe ne mmwe wedu ngoti;
- English28
‘For in him we live and move and have our being.’ As some of your own poets have said, ‘We are his offspring.’
African Kalanga‘Muuli totjila tikayenda tikabepo.’ Koga sekwa kalebgwa ne batetembeli bamwe benyu beti, ‘Ne malebeswa ti bana bawo.’
- English29
“Therefore since we are God’s offspring, we should not think that the divine being is like gold or silver or stone—an image made by man’s design and skill.
African KalangaSe tili bana be Ndzimu, tisikumbule kuti mbumbiko yawo inonga ye tjifano tjakathamwa ne golide kene siliva kene bgwe, tjithamwa ne bunyambi ne njalakang'wa dze nhu.
- English30
In the past God overlooked such ignorance, but now he commands all people everywhere to repent.
African KalangaMisi ye saziba Ndzimu wakailinga ukaitjuludza meho, koga ngwenu unolaya bose kumwe ne kumwe kuti bahandukile matjinyo abo.
- English31
For he has set a day when he will judge the world with justice by the man he has appointed. He has given proof of this to all men by raising him from the dead.”
African KalangaNgobe wakabiga hhuba launowosumikilisa hango yose ne ndulamo ne nlume wawakahalula. Wakalakidza malebeswa a ikoku ku mmwe ne mmwe ne musa nlume iwoyo mu bafi!”
- English32
When they heard about the resurrection of the dead, some of them sneered, but others said, “We want to hear you again on this subject.”
African KalangaBakati bewha Paulo eleba nekwe musiwa kwe bafi, bamwe babo bakanseka mahanya, koga bamwe bakati, “Tohaka wha ulebeleka nekwa ikoku kakale.”
- African Kalanga
Ndizo Paulo kabva mubali.
- English34
A few men became followers of Paul and believed. Among them was Dionysius, a member of the Areopagus, also a woman named Damaris, and a number of others.
African KalangaKoga bamwe balume bakabhatana naye, ngono bakagalamoyo, pakati kwabo kwakabe kuna Diyonisiyo we N'areopago; ne mmwe nkadzi edang'wa Damarisi ne bamwe.
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.