The English-Kalanga Bilingual Language Learning Bible
New Testament
Read each verse in English beside its African Kalanga equivalent.
Acts 19English
Mihingo 19African Kalanga
- English1
While Apollos was at Corinth, Paul took the road through the interior and arrived at Ephesus. There he found some disciples
African KalangaApholosi kati atjimu Khorinte, Paulo kayenda ali tje mukati kwe ntunhu, ngono kaswika mu Efeso. Ikoko kawana bamwe badiyiwa,
- English2
and asked them, “Did you receive the Holy Spirit when you believed?” They answered, “No, we have not even heard that there is a Holy Spirit.”
African Kalangangono kababhuzwa kati, “Apa makaamutjila Meya Yakayenemala pamakabe bagalimoyo kene?” Bakadabila beti, “Aa, atinhu tikawha na iko kuti kuna Meya Yakayenemala.”
- African Kalanga
Paulo kabhuzwa kati, “Ngono makaamutjila bvubikwa kwakatini?” Bakadabila beti, “Bvubikwa kwa Johani.”
- English4
Paul said, “John’s baptism was a baptism of repentance. He told the people to believe in the one coming after him, that is, in Jesus.”
African KalangaPaulo kati, “Bvubika kwa Johani kwakabe kuli kwe handukila matjinyo; ngono wakabudza banhu kugalamoyo muna iye wakabe ewohha hule kukwe, iye Jesu.”
- African Kalanga
Bakati bewha ikoku, bakabvubikwa ne zina la He Jesu.
- English6
When Paul placed his hands on them, the Holy Spirit came on them, and they spoke in tongues and prophesied.
African KalangaPaulo kabiga maboko awe pehhugwi kwabo, ngono Meya Yakayenemala ikadelukila mubali; bakalebeleka ne ndimi kakale bakalebabo dama le Ndzimu.
- African Kalanga
Bose bakabe bangabe balume bali gumi lina babili.
- English8
Paul entered the synagogue and spoke boldly there for three months, arguing persuasively about the kingdom of God.
African KalangaPaulo kangina mu ng'umba ye mitembezelo, ngono mu mimwedzi ili mitatu kalebeleka ngosimamoyo ne banhu, elebeleka nabo egwisa kubagadzamoyo mu buhe gwe Ndzimu.
- English9
But some of them became obstinate; they refused to believe and publicly maligned the Way. So Paul left them. He took the disciples with him and had discussions daily in the lecture hall of Tyrannus.
African KalangaKoga kwakabe kuti bamwe bakakukutala, bakasigalemoyo, bakaleba zwakabipa nekwe Zila ya He mbeli kwe gubungano. Ndizo Paulo kabasiya, katola ibabo bakabe begalamoyo, ngono mahhuba wose elebeleka mu ng'umba ye zwidiyo ya Tirano kubva mu lubaka gwe gumi lina ling'ompela.
- English10
This went on for two years, so that all the Jews and Greeks who lived in the province of Asia heard the word of the Lord.
African KalangaIkoku kukayendilambeli makole mabili, ndizo banhu bose bakabe begala mu ntunhu we Ezhiya, Bajuta ne Bezwitjaba bakawha dama la He.
- African Kalanga
Ndzimu wakabe uhinga ndi Paulo makaabadzo asakawolobegwa.
- English12
so that even handkerchiefs and aprons that had touched him were taken to the sick, and their illnesses were cured and the evil spirits left them.
African KalangaTukwana ne khiba dzaakahingisa dzakabe dziyisiwa ku bagwele, ngono magwele abo ebhuda mubali ne meya yakayipa ibhuda mubali.
- English13
Some Jews who went around driving out evil spirits tried to invoke the name of the Lord Jesus over those who were demon-possessed. They would say, “In the name of Jesus, whom Paul preaches, I command you to come out.”
African KalangaBamwe Bajuta bakabe beyenda bedusa meya yakabipa bakagwisa hingisa zina la He Jesu kuthama ikoku. Bakati ku meya yakayipa, “Ndokulaya ne zina la Jesu, iye Paulo waanosumikila.”
- African Kalanga
Bakololo bali kutendeka ba Sikeva Ntungamili we Baphirisiti we Tjijuta bakabe bethama ikoku.
- English15
One day the evil spirit answered them, “Jesus I know, and I know about Paul, but who are you?”
African KalangaKoga meya mbi ikati kubali, “Jesu ndonziba, na Paulo ndonziba koga imwi, muboani?”
- English16
Then the man who had the evil spirit jumped on them and overpowered them all. He gave them such a beating that they ran out of the house naked and bleeding.
African KalangaNlume iwoyo wakabe ana meya mbi kabatjulukila kagwanabo kabakulila ne masimba. Bakatihha bakabhuda mu ng'umba iye basakasungila kakale bana mbonje.
- English17
When this became known to the Jews and Greeks living in Ephesus, they were all seized with fear, and the name of the Lord Jesus was held in high honor.
African KalangaIkoku kukazibgwa ne bagali bose be Efeso ne Bajuta kose ne Bezwitjaba bakahhala luhlo, ngono zina la He Jesu likakudziwa.
- African Kalanga
Bunji gwa ibabo bakabe batjibe bagalimoyo bakahha, bezwileba matjinyo abo kakale bedusila patjena Mihingo yabo mibi yabakabe bethama.
- English19
A number who had practiced sorcery brought their scrolls together and burned them publicly. When they calculated the value of the scrolls, the total came to fifty thousand drachmas.
African KalangaBunji gwa ibabo bakabe behingisa malipa bakakubunganya whalo dzabo, ngono bakadzipisa mbeli kwe banhu. Bakahanganya themba ye whalo idzedzo, ngono yose yakabe zwiwulu zwili makumi mahanu (50 000) e maloso e siliva.
- African Kalanga
Dama la He likakula likawanda ne masimba.
- English21
After all this had happened, Paul decided to go to Jerusalem, passing through Macedonia and Achaia. “After I have been there,” he said, “I must visit Rome also.”
African KalangaHule kwe zwinhu izwezwi zwahingikala, Paulo kakumbula yenda epalama Makedoniya ne Akhaiya eyenda ku Jerusalema, eti, “Kubva ikoko ndakafanila yenda ku Roma.”
- English22
He sent two of his helpers, Timothy and Erastus, to Macedonia, while he stayed in the province of Asia a little longer.
African KalangaNdizo katuma Timoti na Erasito, babili be babhatshi babe mu Makedoniya iye esala kwe lubakana mu Ezhiya.
- African Kalanga
Kwakabe kuna kudzongeka kukulu mu Efeso mu lubaka igogo nekwe Zila ya He.
- English24
A silversmith named Demetrius, who made silver shrines of Artemis, brought in no little business for the craftsmen.
African KalangaMmwe mpfuli we siliva wakabe eyi Demetiriyo wakabe ethama zwifano zwe siliva zwe ng'umba ye ndzimukadzi Aritemisi, ngono n’hingo uwe wakabe ubuzila bahingi kwazo.
- English25
He called them together, along with the workmen in related trades, and said: “Men, you know we receive a good income from this business.
African KalangaNdizo kabadana bose ne bamwe bakabe bana n’hingo unoyendidzana ne wabo, kati kubali, “Balume, moziba kuti fumwa yedu inobva mu n’hingo iwoyu.
- English26
And you see and hear how this fellow Paul has convinced and led astray large numbers of people here in Ephesus and in practically the whole province of Asia. He says that man-made gods are no gods at all.
African KalangaNgwenu, mobona mukazwiwhila tjinohingwa ne nhu iwoyu Paulo. Kati midzimu yakabehhiwa ne banhu ate ili midzimu dumbu, ndizo wakatubula kugadzamoyo banhu banjinji kabatungamilila ntome kose muno mu Efeso ne mu ntunhu wose we Ezhiya.
- English27
There is danger not only that our trade will lose its good name, but also that the temple of the great goddess Artemis will be discredited, and the goddess herself, who is worshiped throughout the province of Asia and the world, will be robbed of her divine majesty.”
African KalangaNdizo kuna mbhatsha dze kuti n’hingo wedu iwoyu ube ne zina lakayipa. Ate ikoku koga, kuna mbatshabo dze kuti ng'umba ye ndzimukadzi nkulu Aritemisi inowolengudzika ne kuti unowodelusiwa mu bukulu gwawo, ndzimukadzi unonamatiwa ne mmwe ne mmwe mu Ezhiya ne mu hango yose!”
- English28
When they heard this, they were furious and began shouting: “Great is Artemis of the Ephesians!”
African KalangaBakati bewha matama iyawa, bakahhala buhongola bakatangisa mimila beti, “Nkulu Aritemisi we Baefeso!”
- English29
Soon the whole city was in an uproar. The people seized Gaius and Aristarchus, Paul’s traveling companions from Macedonia, and rushed as one man into the theater.
African KalangaHhoba ikayenda ne nzi wose. Mbunga wose ukalabuka ukangina mu ng'umba ye mizano ukahhuhhuta Gayo na Arisitako be Makedoniya ibo bakabe beyenda na Paulo mu njendo dzidze.
- African Kalanga
Paulo ne kukwe wakabe ehaka ngina pakati kwe mbunga, koga badiyiwa bakasimbvumile.
- English31
Even some of the officials of the province, friends of Paul, sent him a message begging him not to venture into the theater.
African KalangaBamwe be babusi be Ezhiya, bakabe bali bazwalani babe, bakayisa thumo kuunli benkumbila kuti asitongo zwilakidza mu ng'umba ye mizano.
- English32
The assembly was in confusion: Some were shouting one thing, some another. Most of the people did not even know why they were there.
African KalangaMu lubaka igogo gubungano lose lakabe lili mu phipiti, bamwe banhu bakabe bemimila beleba tjabanoleba, bamwe bemimila beleba tjipoga, ngono bunji gwabo gwakabe gusingazibe kuti bakubunganilani.
- English33
The Jews pushed Alexander to the front, and some of the crowd shouted instructions to him. He motioned for silence in order to make a defense before the people.
African KalangaBamwe be banhu ipapo bakatola kuti Alekizanda wakabe ali iye u nlandu, se Bajuta bakanthama kuti ayende mbeli. Ipapo Alekizanda kalakidza ne luboko kuti banhu banyalale, ngono kagwisa lebeleka ezwimila.
- English34
But when they realized he was a Jew, they all shouted in unison for about two hours: “Great is Artemis of the Ephesians!”
African KalangaKoga bakati beziba kuti Njuta, bakamimila bose beleba tjinhu tjing'ompela mu awara mbili beti, “Aritemisi we Efeso ndiye nkulu!”
- English35
The city clerk quieted the crowd and said: “Men of Ephesus, doesn’t all the world know that the city of Ephesus is the guardian of the temple of the great Artemis and of her image, which fell from heaven?
African KalangaKu bupelo nkwalili we nzi katubula dzikamisa mbunga. Kati, “Bakanyi kwedu Baefeso! Mmwe ne mmwe unoziba kuti nzi we Efeso nlondolodzi we ng'umba ya Aritemisi nkulu nenge bgwe lakayenemala lakawa libva kudzimu.
- English36
Therefore, since these facts are undeniable, you ought to be quiet and not do anything rash.
African KalangaAapo ungalandula zwinhu izwezwi. Ndizo makafanila dzikama, musithame tjimwe ne mhupu.
- English37
You have brought these men here, though they have neither robbed temples nor blasphemed our goddess.
African KalangaMahhisa balume ibaba neno nenguba basatolela ng'umba dze midzimu yedu kene kuli leba tjakayipa nekwe ndzimukadzi wedu.
- English38
If, then, Demetrius and his fellow craftsmen have a grievance against anybody, the courts are open and there are proconsuls. They can press charges.
African KalangaHa Demetiriyo ne bahingi babe bana nlandu wabanopa mmwe, mabahhe akahhuka ne balauli bayapo ndizo ngabatjetane.
- African Kalanga
Koga ha kuna tjimwe kakale tjamunohaka, pana itjetji tjowolulwamisiwa mu gubungano le babaki bamuno kuyendidzana ne nlayo.
- English40
As it is, we are in danger of being charged with rioting because of today’s events. In that case we would not be able to account for this commotion, since there is no reason for it.”
African KalangaNgobe nekwe tjahingikala nasi, kuna mbatsha dze kuti tingatjetegwa phipiti. Akuna dama latingaleba labanga hhoba iyeyi.”
- African Kalanga
Kati aleba ikoku kapaladza n’hangano.
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.