Acts 24 | New Testament

Acts 24English

Mihingo 24African Kalanga

English1
Five days later the high priest Ananias went down to Caesarea with some of the elders and a lawyer named Tertullus, and they brought their charges against Paul before the governor.
African Kalanga
Hule kwe mahhuba mahanu Ntungamili we Baphirisiti Ananiyasi kayenda ku Sizariya ana bamwe bakulu ne mmilili wakabe eyi Tetulo. Bakabudza mbusi milandu yabanotilika Paulo.
English2
When Paul was called in, Tertullus presented his case before Felix: “We have enjoyed a long period of peace under you, and your foresight has brought about reforms in this nation.
African Kalanga
Ipapo Paulo kadanigwa mukati, ngono Tetulo katangisa tjeta sawhoku: “Ne kwenyu totjilila mu mbakiso kakale ne butjenjebvu gwenyu mbilimanenje Felikisi, bhudilila kwakahhisiwa mu tjaba itjetji.
English3
Everywhere and in every way, most excellent Felix, we acknowledge this with profound gratitude.
African Kalanga
Ne zila dzose kakale pamwe ne pamwe, ikoku tokuamutjila ne mboko.
English4
But in order not to weary you further, I would request that you be kind enough to hear us briefly.
African Kalanga
Anditohaka tjinya lubaka gwenyu, ndizo ndomukumbila kuti mube ne n’hhahho kuwhilila mbiko wedu mfupi.
English5
“We have found this man to be a troublemaker, stirring up riots among the Jews all over the world. He is a ringleader of the Nazarene sect
African Kalanga
Iswi takawana nlume iwoyu ali mbatsha; unomusa phipiti pakati kwe Bajuta bose mu hango yose kakale ntungamili we bhiko le Banazareta.
English6
and even tried to desecrate the temple; so we seized him.
African Kalanga
Wakagwisa longa hambgwa Ng'umba ye Ndzimu, koga tikambhata. Iswi takalangana kunsumikilisa ne nlayo wedu.
English7
Not included in the English column of the source edition.
African Kalanga
Koga Lisiyasi Nkulu we babhayani kahha, ngono ne masimba makulu kantola mutili.
English8
By examining him yourself you will be able to learn the truth about all these charges we are bringing against him.”
African Kalanga
Ipapo Lisiyasi kalaya kuti basumikilisi babe bahhe mbeli kwenyu. Ha mumbhuzwa iwoyu nlume, imwi ne kwenyu mowotubula ziba muunli zwinhu zose zwatinombona nlandu muzwili.”
English9
The Jews joined in the accusation, asserting that these things were true.
African Kalanga
Bajuta bakabvumabo kuti zwinhu izwezo malebeswa.
English10
When the governor motioned for him to speak, Paul replied: “I know that for a number of years you have been a judge over this nation; so I gladly make my defense.
African Kalanga
Mbusi kabva Paulo kuti alebeleke, ngono Paulo kati: “Ndoziba kuti makabe nsumikilisi we tjaba itjetji makole manjinji, ndizo ndakahanha kuzwimila mbeli kwenyu.
English11
You can easily verify that no more than twelve days ago I went up to Jerusalem to worship.
African Kalanga
Sekwa mungaziba ne kwenyu, ate mahhuba anopinda gumi lina mabili ndakayenda ku Jerusalema kunonamata Ndzimu.
English12
My accusers did not find me arguing with anyone at the temple, or stirring up a crowd in the synagogues or anywhere else in the city.
African Kalanga
Bajuta abazondiwana ndinyanyayidzana ne mmwe mu Ng'umba ye Ndzimu kene kuli kundiwana ndidzonga banhu, mu Ng'umba ye Ndzimu kene mu ng'umba dze mitembezelo kene kumwe mu nzi.
English13
And they cannot prove to you the charges they are now making against me.
African Kalanga
Na iko abangape butendeki guhhele gwe milandu yabanondipa.
English14
However, I admit that I worship the God of our fathers as a follower of the Way, which they call a sect. I believe everything that agrees with the Law and that is written in the Prophets,
African Kalanga
Tjandinobvuma ndi etji: Ndonamata Ndzimu wa bobatategulu bedu kuyendidzana ne Zila ye Ndzimu ibo yabanoti manyepkwha. Koga ndogalamoyo tjimwe ne tjimwe tjakakwagwa mu nlayo ne mu whalo dze balebesambeli.
English15
and I have the same hope in God as these men, that there will be a resurrection of both the righteous and the wicked.
African Kalanga
Ndina kugalabgwe iko kwabanako ibaba ne kwabo mu Ndzimu, kuti banhu bose, bakalulwama ne babi banowomuka mu lufu.
English16
So I strive always to keep my conscience clear before God and man.
African Kalanga
Ndizo ndohinga ne matatabuko angu wose misi yose kube ne hana mbuyanana mbeli kwe Ndzimu na mbeli kwe banhu.
English17
“After an absence of several years, I came to Jerusalem to bring my people gifts for the poor and to present offerings.
African Kalanga
“Ndakabuya ku Jerusalema hule kwe makole manjinji ndiwopa tjaba tja kanyi kwedu zwipo zwe bahayi ne zwibhayilo.
English18
I was ceremonially clean when they found me in the temple courts doing this. There was no crowd with me, nor was I involved in any disturbance.
African Kalanga
Ndakati nditjahinga ikoku bakandiwana mu Ng'umba ye Ndzimu ndapedza n’hingo we kuzwitjenapadza. Kwakabe kusina mbunga wakabe unami, kusina phipiti.
English19
But there are some Jews from the province of Asia, who ought to be here before you and bring charges if they have anything against me.
African Kalanga
Koga bamwe Bajuta bakabe bebva ku ntunhu we Ezhiya bakabe bali ipapo; ibo ne kwabo bakafanila hha mbeli kwenyu balebe milandu yangu ha banayo.
English20
Or these who are here should state what crime they found in me when I stood before the Sanhedrin—
African Kalanga
Kene letja balume ibaba balebe jinyo labakandibona nlandu ndilo pandakama mbeli kwe Gulukota,
English21
unless it was this one thing I shouted as I stood in their presence: ‘It is concerning the resurrection of the dead that I am on trial before you today.’”
African Kalanga
kuhhe kwe tjinhu tjing'ompela tjandakaleba pandakama mbeli kwabo nditi, ‘Ndimile mbeli kwenyu nasi ndisumikilisigwa kumuka kwe bafi.’”
English22
Then Felix, who was well acquainted with the Way, adjourned the proceedings. “When Lysias the commander comes,” he said, “I will decide your case.”
African Kalanga
Ipapo Felikisi, iye wakabe ana zibo whulu nekwe Zila ye Ndzimu kamisa ndebo. Kababva kati, “Kowoti Lisiyasi Nkulu we babhayani ahha ndowopedza ndebo yenyu.”
English23
He ordered the centurion to keep Paul under guard but to give him some freedom and permit his friends to take care of his needs.
African Kalanga
Kalaya nlauli wakalinda Paulo kun'gadza akalindiwa, koga abe ne lusununguko ne kuti kakale aletje bazwalani babe kumpa zwaanohaya.
English24
Several days later Felix came with his wife Drusilla, who was a Jewess. He sent for Paul and listened to him as he spoke about faith in Christ Jesus.
African Kalanga
Hule kwe mahhuba Felikisi kahha ne nkadzi uwe Durusila, wakabe ali Njuta. Kadanigwa Paulo ngono kan’whilila elebeleka nekwe kugalamoyo muna Khirisiti Jesu.
English25
As Paul discoursed on righteousness, self-control and the judgment to come, Felix was afraid and said, “That’s enough for now! You may leave. When I find it convenient, I will send for you.”
African Kalanga
Paulo kati eyendilambeli eleba nekwe ndulamo nene kuzwidziba ne hhuba linohha le kusumikilisiwa, Felikisi kahla ngono kati, “Ungayendazo ngwenu. Ndowokudana kakale ha ndawana lubaka.”
English26
At the same time he was hoping that Paul would offer him a bribe, so he sent for him frequently and talked with him.
African Kalanga
Wakabe eyemula kuti Paulo ampe mari; ngono ndi ikoku kan'danigwa kanjinji, ngono kalebeleka naye.
English27
When two years had passed, Felix was succeeded by Porcius Festus, but because Felix wanted to grant a favor to the Jews, he left Paul in prison.
African Kalanga
Hule kwe makole mabili, Porokiyo Fesito katola mamo a Felikisi. Felikisi kahaka kuti athamile Bajuta tjabanoda ndizo kaletja Paulo ali mu ng'umba ye busungwa.

Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.