The English-Kalanga Bilingual Language Learning Bible
New Testament
Read each verse in English beside its African Kalanga equivalent.
Acts 27English
Mihingo 27African Kalanga
- English1
When it was decided that we would sail for Italy, Paul and some other prisoners were handed over to a centurion named Julius, who belonged to the Imperial Regiment.
African KalangaKwakati kwapedzisisiwa kuti toyenda ne gungwa ku Italiya, bakayisa Paulo ne bamwe basungwa ku nlauli we babhayani bali zana “We goko la Agusito, iye edang'wa Juliyo.”
- English2
We boarded a ship from Adramyttium about to sail for ports along the coast of the province of Asia, and we put out to sea. Aristarchus, a Macedonian from Thessalonica, was with us.
African KalangaTikatanha kepe tjakabe tjibva ku Adiramitiumi, tjakabe tjakalulwamisigwa yenda ku mizi ye ntunhu we Ezhiya imu manginilo e gungwa, ngono tikayenda ne gungwa. Arisitako we Makedoniya wakabe ebva ku Tesalonika wakabe anaswi.
- English3
The next day we landed at Sidon; and Julius, in kindness to Paul, allowed him to go to his friends so they might provide for his needs.
African KalangaTjimuka tikaswika ku Sidoni. Juliyo wakabe ana bunhu kuna Paulo kanletja kayenda kunobona bazwalani babe, kupiwa tjaanohaya.
- English4
From there we put out to sea again and passed to the lee of Cyprus because the winds were against us.
African KalangaTikayendilambeli kubva ipapo, se mhepo yakabe itutudza yakalingisana naswi, takayenda ne gungwa tili ku ndzibo wakasitilika we tjigwizi tje Sipuro.
- English5
When we had sailed across the open sea off the coast of Cilicia and Pamphylia, we landed at Myra in Lycia.
African KalangaTikatjuluka gungwa gwe Silisiya ne Phamufiliya ngono tikaswika ku Mira mu Lisiya.
- African Kalanga
Ikoko nlauli kawana kepe tje Alekizanda tjakabe tjiyenda ku Italiya, ndizo katitanhisa.
- English7
We made slow headway for many days and had difficulty arriving off Cnidus. When the wind did not allow us to hold our course, we sailed to the lee of Crete, opposite Salmone.
African KalangaTikayenda ne gungwa ne bunono mahhuba, ngono ne bukukutu bukulu bhelelo tikanoswika kwakalingisana ne nzi we Kinido. Mhepo ikasitibvumile kuyendila mbeli mu ndzibo iwoyo, ndizo tikayenda ne gungwa mu ndzibo wakasitilika we tjigwizi tje Kirete, tipinda ne pa Salimone.
- English8
We moved along the coast with difficulty and came to a place called Fair Havens, near the town of Lasea.
African KalangaTakayenda ne bukukutu bukulu takasumha ne mhili tikanoswika ku bugalo gunoyi Mamilo asina Mbatsha, pedlo ne nzi we Laseya.
- English9
Much time had been lost, and sailing had already become dangerous because by now it was after the Fast. So Paul warned them,
African KalangaTakapedza lubaka gulefu ikoko, kudzina kube mbatsha yendilambeli ne gwendo mu gungwa, ngobe ngwenu hhuba le kuzwinyima zodliwa lakabe lapinda. Ndizo Paulo kabakumbuludza eti,
- English10
“Men, I can see that our voyage is going to be disastrous and bring great loss to ship and cargo, and to our own lives also.”
African Kalanga“Balume, ndobona kuti gwendo gwedu gowobe ne whubadzi ne kutjinyikigwa kukulu kusi kwe thundu ne kepe koga, koga nenge matjilo edu.”
- English11
But the centurion, instead of listening to what Paul said, followed the advice of the pilot and of the owner of the ship.
African KalangaKoga nlauli we babhayani bali zana kagadziwamoyo ne tjakalebgwa ne ntakuli ne mweni we kepe, koga, kasiwhilile tjakalebgwa ndi Paulo.
- English12
Since the harbor was unsuitable to winter in, the majority decided that we should sail on, hoping to reach Phoenix and winter there. This was a harbor in Crete, facing both southwest and northwest.
African KalangaMamilo e zwikepe akabe asi akalulwama kupedzela mbaba muali; ndizo bunji gwe balume ibabo gukada yenda ne gungwa ne gwisa swika ku Fenishiya, akutubuka kuti tipedzele mbaba ikoko. Fenishiya mamilo, amu Kirete akalingisana na pakati kwe burwa guku bhehhuba ne bunandzwa guku bhehhuba.
- English13
When a gentle south wind began to blow, they thought they had obtained what they wanted; so they weighed anchor and sailed along the shore of Crete.
African KalangaMhepo ndelu ndelu inobva ku burwa ikatangisa whuwhudza, ndizo balume ibabo bakakumbula kuti bangayendilambeli ne mano abo, ndizo bakasunungula zwibhati zwe kepe bakayenda ne gungwa bakasumha ne Kirete.
- English14
Before very long, a wind of hurricane force, called the “northeaster,” swept down from the island.
African KalangaKoga tjinyolotjo dutu linodang'wa “Bunandzwa- Bhehhuba” likatutudza lideluka mu tjigwizi.
- English15
The ship was caught by the storm and could not head into the wind; so we gave way to it and were driven along.
African KalangaIkaloba kepe, ngono sekwa kabe kusingatubuke kuti kepe tjilingisane ne mhepo, tikaletja gwisa, ngono tikatjiletja tjitakugwa ne mhepo.
- English16
As we passed to the lee of a small island called Cauda, we were hardly able to make the lifeboat secure.
African KalangaTakawana mbakililo ha tipinda ku burwa ne tjigwizi tjitukununu tjinoyi Khauda. Ikoko ne bukukutu, tikatubula tjidza n'goro we kepe.
- English17
When the men had hoisted it aboard, they passed ropes under the ship itself to hold it together. Fearing that they would run aground on the sandbars of Syrtis, they lowered the sea anchor and let the ship be driven along.
African KalangaBakaukwebela mukati, kakale ipapo bakasungilila misungo besimisa kupoteleka kepe. Bakabe behla kuti pamwe banowowila mu nsetje vula paili homanana kwakadziba ku Libhiya, ndizo bakadelusa saile bakaletja kepe tjitakugwa ne mhepo.
- English18
We took such a violent battering from the storm that the next day they began to throw the cargo overboard.
African KalangaDutu lina masimba likayendilambeli, ndizo tjimuka bakatangisa lahila thundu ye kepe kuhhe,
- African Kalanga
ngono mu hhuba le butatu bakaposela kuhhe zwihingiswa zwimwe zwe kepe.
- English20
When neither sun nor stars appeared for many days and the storm continued raging, we finally gave up all hope of being saved.
African KalangaMu mahhuba manjinji takabe tisingabone hhuba kene nyenyedzi, ngono mhepo ikayendilambeli ngotutudza kwazo. Ipapo tikapelegwa ne kugalabgwe kwe tjidziwa.
- English21
After the men had gone a long time without food, Paul stood up before them and said: “Men, you should have taken my advice not to sail from Crete; then you would have spared yourselves this damage and loss.
African KalangaHule kwe lubaka gulefu balume basingadle, Paulo kama mbeli kwabo kati, “Balume, mobe makandiwhilila ngono mukasibhude mu Kirete; ipapo tobe takaleya tjinyikilo ne ndahikilo dzose idzedzi.
- English22
But now I urge you to keep up your courage, because not one of you will be lost; only the ship will be destroyed.
African KalangaKoga ngwenu ndomukumbila, Simisani moyo! Akuna ne nng'ompela wenyu unowolahikigwa ne butjilo gugwe; kepe nditjo tjoga tjinowolahikigwa.
- African Kalanga
Ngobe busiku gwapinda ntumwa we kudzimu wandili wawo, iwo wandinonamata wakahha kundili
- English24
and said, ‘Do not be afraid, Paul. You must stand trial before Caesar; and God has graciously given you the lives of all who sail with you.’
African Kalangakati, ‘Usihle Paulo! Wakafanilo ma mbeli kwa Khaisara. Ndzimu watjidza bose banoyenda nawe mu gungwa.’
- English25
So keep up your courage, men, for I have faith in God that it will happen just as he told me.
African KalangaNdizo simisani moyo, balume! Ndogalabgwe Ndzimu kuti kowobe koga sekwa ndakabudziwa.
- African Kalanga
Koga towotakuligwa mu tjimwe tjigwizi.”
- English27
On the fourteenth night we were still being driven across the Adriatic Sea, when about midnight the sailors sensed they were approaching land.
African KalangaGwakabe guli busiku gwe bugumi lina kunna, ngono takabe titakugwatakugwa ne dutu mu gungwa gwe Adiriya. Ne lubaka gungabe gwa pakati kwe busiku bayendisi be kepe bakakumbulila kuti takabe tisedzela pedlo ne hango.
- English28
They took soundings and found that the water was a hundred and twenty feet deep. A short time later they took soundings again and found it was ninety feet deep.
African KalangaNdizo bakalahila nsungo mu vula wakasungiligwa tjinhu tjinolema, ngono bakawana vula yakangina kungapa mitha dzili makumi manna; hule kwe lubaka gutukununu bakathama sa ikoko kakale, ngono bakawana ili makumi matatu e nhambo kungina.
- English29
Fearing that we would be dashed against the rocks, they dropped four anchors from the stern and prayed for daylight.
African KalangaBakahla kuti kepe tjingalobana ne hongwe, ndizo bakadelusa zwibhati zwinna hule kwe kepe, ngono bakatembezela kuti kuyedze.
- English30
In an attempt to escape from the ship, the sailors let the lifeboat down into the sea, pretending they were going to lower some anchors from the bow.
African KalangaIpapo bayendisi be kepe bakagwisa tihha bebhuda mu kepe, bakadelusila n'goro we kepe mu vula bethama se banonodelusa zwibhati zwimwe mbeli kwe kepe.
- English31
Then Paul said to the centurion and the soldiers, “Unless these men stay with the ship, you cannot be saved.”
African KalangaKoga Paulo kati ku nlauli we babhayani ne ku babhayani, “Ha bayendisi be kepe basingagale mu kepe, amungatjidziwe.”
- African Kalanga
Ndizo babhayani bakathubula nsungo wakabhata n'goro ne kepe bakauletja ukayenda.
- English33
Just before dawn Paul urged them all to eat. “For the last fourteen days,” he said, “you have been in constant suspense and have gone without food—you haven’t eaten anything.
African KalangaKukati kuyendila kuyedza, Paulo kabakumbila bose kudla zodliwa eti, “Magala mahhuba ali gumi lina manna ngwenu, ngono lubaka gose igogo amuzodla tjimwe.
- English34
Now I urge you to take some food. You need it to survive. Not one of you will lose a single hair from his head.”
African KalangaNdomukumbila, idlani zodliwa; zowomupa masimba, ngoti akuna tjinowomulahikila.”
- English35
After he said this, he took some bread and gave thanks to God in front of them all. Then he broke it and began to eat.
African KalangaHule kwe leba ikoku, Paulo katola zodliwa, kaboka Ndzimu mbeli kwabo bose, kapemula katangisa dla.
- African Kalanga
Bakakulumbidzika, ngono mmwe ne mmwe wabo kadlabo zodliwa.
- African Kalanga
[Tose takabe tili mazana mabili ana makumi ali kutendeka ne banhu bali kutanhatu (276) mu kepe.]
- English38
When they had eaten as much as they wanted, they lightened the ship by throwing the grain into the sea.
African KalangaHule kwe mmwe ne mmwe adla kwakalizanila, bakalelusa kepe ngolahila mathunde wose mu gungwa.
- English39
When daylight came, they did not recognize the land, but they saw a bay with a sandy beach, where they decided to run the ship aground if they could.
African KalangaKukati kuyedza, bayendisi be kepe bakasizibe hango iyeyo, koga bakabona bunginilo guna nsetje, ngono bakakumbula kuti, akutubuka balonge kepe ipapo.
- English40
Cutting loose the anchors, they left them in the sea and at the same time untied the ropes that held the rudders. Then they hoisted the foresail to the wind and made for the beach.
African KalangaNdizo bakathubula zwibhati bakazwiletja zwinyungila mu gungwa, ngono bakasunungula misungo yakabe yakabhata migoti inolaula kepe. Ipapo bakamilidza saile limbeli kwe kepe kuti ndizo mhepo isundile kepe mbeli, ngono tikayenda mbeli ku mhili.
- English41
But the ship struck a sandbar and ran aground. The bow stuck fast and would not move, and the stern was broken to pieces by the pounding of the surf.
African KalangaKoga kepe tjikaloba dundulu le nsetje ngono tjikama pasi; ngono tjikabhaya pasi tjikasitubule yenda, ku bhato latjo kukavunanyiwa zwitibhutibhu ne mapundu e vula.
- English42
The soldiers planned to kill the prisoners to prevent any of them from swimming away and escaping.
African KalangaBabhayani bakaluka mano e bulaya basungwa bose, kubadzibila kulobela bhamu ku mhili beti bangatihha.
- English43
But the centurion wanted to spare Paul’s life and kept them from carrying out their plan. He ordered those who could swim to jump overboard first and get to land.
African KalangaKoga nlauli we babhayani kahaka tjidza Paulo, ndizo kabadzibila thama ikoku. Koga kalaya bose balume bangaloba bhamu kudzatila mu vula kutanga kuti babhudile ku mhili;
- English44
The rest were to get there on planks or on pieces of the ship. In this way everyone reached land in safety.
African Kalangabakasala bekotobela, bakabhatilila mu mapulanka ne mu zwitibhutibhu zwavunika zwe kepe. Oku ndiko sekwa takabhudila tose mu mhili titjila.
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.