The English-Kalanga Bilingual Language Learning Bible
New Testament
Read each verse in English beside its African Kalanga equivalent.
Acts 3English
Mihingo 3African Kalanga
- English1
One day Peter and John were going up to the temple at the time of prayer—at three in the afternoon.
African KalangaKukati limwe hhuba Pita na Johani bakatanhila ku Ng'umba ye Ndzimu ne lubaka gwe butatu mu matewuko, lubaka gwe mitembezelo,
- English2
Now a man crippled from birth was being carried to the temple gate called Beautiful, where he was put every day to beg from those going into the temple courts.
African KalangaPa nkoba wakabe udang'wa Nkoba Mbuya, kwakabe kuna nlume wakazwagwa ali tjilema. Hhuba limwe ne limwe wakabe esenegwa pa nkoba iwoyo kukumbila mu banhu bakabe bengina mu Ng'umba ye Ndzimu.
- African Kalanga
Kati ebona Pita na Johani bengina mukati, kabakumbila kuti bampe tjimwe.
- African Kalanga
Pita na Johani bakanlingisisa, ngono Pita kati kuunli, “Utiline!”
- African Kalanga
Ndizo kabalinga, egalabgwe kuti unowowana tjimwe mubali.
- English6
Then Peter said, “Silver or gold I do not have, but what I have I give you. In the name of Jesus Christ of Nazareth, walk.”
African KalangaKoga Pita kati kuunli, “Andina siliva kene golide, koga ndokupa tjandinatjo: Ne zina la Jesu Khirisiti we Nazareta ndokubva nditi, milika uyende.”
- English7
Taking him by the right hand, he helped him up, and instantly the man’s feet and ankles became strong.
African KalangaIpapo kambhata ne luboko gugwe gwe ludli kammilidza. Tjinyolotjo makumbo ne zwingoringori zwe nlume iwoyo zwikasima.
- English8
He jumped to his feet and began to walk. Then he went with them into the temple courts, walking and jumping, and praising God.
African KalangaKatjulukila pehhugwi, kama ne makumbo, ngono katangisa yenda. Ipapo kangina mu Ng'umba ye Ndzimu nabo, eyenda etjuluka ekudza Ndzimu.
- African Kalanga
Banhu bose bakambona eyenda ekudza Ndzimu,
- English10
they recognized him as the same man who used to sit begging at the temple gate called Beautiful, and they were filled with wonder and amazement at what had happened to him.
African Kalangangono bakanziba ali nkumbili wabe egala pa Nkoba Mbuya we Ng'umba ye Ndzimu, bakatjenama bose bakakaabalila tjan’hingikalila.
- English11
While the beggar held on to Peter and John, all the people were astonished and came running to them in the place called Solomon’s Colonnade.
African KalangaKukati banhu bebona nlume iwoyu akanamatilana na Pita na Johani mu Ng’umba ye Ndzimu panhu panoyi Ntuzi wa Solomoni, banhu bakakaabala, ngono bakalabukila kubali.
- English12
When Peter saw this, he said to them: “Men of Israel, why does this surprise you? Why do you stare at us as if by our own power or godliness we had made this man walk?
African KalangaPita kati ebona banhu bakaabala saikoku, kati kubali, “Banhu be Iziraeli, ini mutjenamila ikoku? Ini makatilingisisa zwingapa tikanga tathama ne masimba edu kene ne ndulamo yedu kuti nlume iwoyu ayende?
- English13
The God of Abraham, Isaac and Jacob, the God of our fathers, has glorified his servant Jesus. You handed him over to be killed, and you disowned him before Pilate, though he had decided to let him go.
African KalangaNdzimu wa Abhurahama, na Isaki na Jakubo, Ndzimu wa bobatategulu bedu wakakudza Nlanda wawo Jesu. Koga imwi makampa babusi kuti bambulaye, mukanzwilandula mbeli kwa Pilato, paakabe akabe akumbula kunsunungula.
- African Kalanga
Makanzwilandula N'yenemali ne Nlulwami, ngono mu bumo gugwe makakumbila Pilato kumusunungulila mbulayi.
- African Kalanga
Makabulaya iye unopa butjilo, iye wakamusiwa ne Ndzimu mu bafi, ndizo iswi ti batendeki ba ikoku.
- English16
By faith in the name of Jesus, this man whom you see and know was made strong. It is Jesus’ name and the faith that comes through him that has given this complete healing to him, as you can all see.
African KalangaI simba lile lapa nlume iwoyu we tjilema kusima. Tjamunobona kakale mutjiziba tjihingwa ne kugalamoyo mu zina lile; whugalamoyo muna Jesu kwampodza, sekwa munobona mose.
- African Kalanga
“Ndizo ngwenu Makamu, ndoziba kuti tjamakathama kuna Jesu imwi ne batungamili benyu kwakabe kuyitiwa ne saziba.
- English18
But this is how God fulfilled what he had foretold through all the prophets, saying that his Christ would suffer.
African KalangaKoga Ndzimu tjawakaleba ne balebesambeli bose ntolo kuti Mesiya unowodziyila, wakathama kuti kuhhadzisike ne zila iyeyi.
- English19
Repent, then, and turn to God, so that your sins may be wiped out, that times of refreshing may come from the Lord,
African KalangaHandukani mubgwilile ku Ndzimu, ndizo matjinyo enyu abuhikiwe, kuti ndizo umupe kunyaluluka mbeli kwa He,
- African Kalanga
nene kuti utume Mesiya wamakahaluligwa, iye Jesu.
- English21
He must remain in heaven until the time comes for God to restore everything, as he promised long ago through his holy prophets.
African KalangaWakafanila gala kudzimu kudzina nsi uhha we kuti zwinhu zose zwibuzigwe mu mbumbiko yazo yakafanila Ndzimu, sekwa kaleba Ndzimu ne balebesambeli bawo bakayenemala ba ntolo.
- English22
For Moses said, ‘The Lord your God will raise up for you a prophet like me from among your own people; you must listen to everything he tells you.
African KalangaMushe wakati, ‘He Ndzimu wenyu banowomuhhisila nlebesambeli, koga sekwa bakandihhisa, ngono unowobva mu ludzi gwenyu. Muteedze tjimwe ne tjimwe tjaanowomubudza.
- African Kalanga
Mmwe ne mmwe usingawhe nlebesambeli iwoyu unowothubugwa muna bakanyi kwabo.’
- English24
“Indeed, all the prophets from Samuel on, as many as have spoken, have foretold these days.
African KalangaBalebesambeli bose bakalebelambeli kubva muna Samuele na ibabo bakahha hule kukwe bakalebelambelibo nekwe mahhuba ano.
- English25
And you are heirs of the prophets and of the covenant God made with your fathers. He said to Abraham, ‘Through your offspring all peoples on earth will be blessed.’
African KalangaMu bakololo be balebesambeli nebe tjibvumano Ndzimu tjawakathama na bobatategulu benyu, ubva Abhurahama uti, ‘Njudzi dzose dze hango dzowothamigwa mhahhambuya ne mbewu iyo.’
- English26
When God raised up his servant, he sent him first to you to bless you by turning each of you from your wicked ways.”
African KalangaNgono Ndzimu wakahalula Nlanda wawo ukantuma kumuli kutanga, kumuthamila mhahhambuya ne kuhandusa mmwe ne mmwe wenyu mu bubi.”
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.