The English-Kalanga Bilingual Language Learning Bible
New Testament
Read each verse in English beside its African Kalanga equivalent.
Acts 9English
Mihingo 9African Kalanga
- English1
Meanwhile, Saul was still breathing out murderous threats against the Lord’s disciples. He went to the high priest
African KalangaMu lubaka igogu Saulo wakabe atjihhelilane ehaka bulaya badiyiwa ba He. Kayenda ku Ntungamili we Baphirisiti ngono
- English2
and asked him for letters to the synagogues in Damascus, so that if he found any there who belonged to the Way, whether men or women, he might take them as prisoners to Jerusalem.
African Kalangakankumbila whalo dzinoyenda ku ng'umba dze mitembezelo ku Damasiko kuti ha angawana bamwe ikoko be Zila iyeyo bali balume kene bakadzi abatole abayise ku Jerusalema bali basungwa.
- African Kalanga
Kati ali mu gwendo gugwe abe pedlo ne Damasiko, tjinyolotjo tjedza tjinobva kudzimu tjikapenya kumpoteleka.
- African Kalanga
Kawila pasi, ngono kawha whi liti kuunli, “Saulo, Saulo, apa unondidziyidzilani kene?”
- African Kalanga
Iye kati, “Ndimwi ani He?” Whi likati, “Ndimi Jesu, iye waunodziyidza.
- African Kalanga
Ngwenu, milika ungine mu nzi, ngono unowobudziwa kuti uthameni.”
- English7
The men traveling with Saul stood there speechless; they heard the sound but did not see anyone.
African KalangaBalume bakabe beyenda na Saulo bakama ipapo basingalebeleke; bewha whi koga basina wabanobona.
- English8
Saul got up from the ground, but when he opened his eyes he could see nothing. So they led him by the hand into Damascus.
African KalangaSaulo kamuka pasi, koga kati ehhula meho awe, kasibone tjimwe. Ndizo bakankwebela mu Damasiko ne luboko.
- African Kalanga
Wakabe bhofu mahhuba matatu, ngono kasidle kene kuli ng'wa tjimwe.
- English10
In Damascus there was a disciple named Ananias. The Lord called to him in a vision, “Ananias!” “Yes, Lord,” he answered.
African KalangaMu Damasiko kwakabe kuna n'diyiwa unodang'wa kuyi Ananiyasi. He bakan'dana mu mbono beti, “Ananiyasi!” Iye kadabila eti, “Ndipano He.”
- English11
The Lord told him, “Go to the house of Judas on Straight Street and ask for a man from Tarsus named Saul, for he is praying.
African KalangaHe kambudza kati, “Milika uyende ku ng'umba ya Judasi mu zila inodang'wa kuyi, Zila Yakatambunuka ubhuzwe nekwe nlume unobva ku Thasasi unoyi Saulo, ngobe unotembezela.
- English12
In a vision he has seen a man named Ananias come and place his hands on him to restore his sight.”
African KalangaWabona mu mbono nlume unoyi Ananiyasi ehha embiga maboko kumpofunula.”
- English13
“Lord,” Ananias answered, “I have heard many reports about this man and all the harm he has done to your saints in Jerusalem.
African KalangaAnaniyasi kadabila kati, “He, ndakawha ne banhu banjinji nekwe nlume iwoyu nene kuti wakathama bubi gungapani ku bayenemali benyu mu Jerusalema.
- English14
And he has come here with authority from the chief priests to arrest all who call on your name.”
African KalangaWakahha muno ne simba linobva ku Baphirisiti bakulu kusunga bose banodana zina lenyu.”
- English15
But the Lord said to Ananias, “Go! This man is my chosen instrument to carry my name before the Gentiles and their kings and before the people of Israel.
African KalangaKoga He bakati kuna Ananiyasi, “Yenda! Nlume iwoyu tjidla tjangu tjandakahalula kuyisa zina langu kuna Bezwitjaba na Bohe bakulu babo kose neku bana be Iziraeli.
- African Kalanga
Ndowonlakidza kuti wakafanila dziyila kungapani nekwe zina langu.”
- English17
Then Ananias went to the house and entered it. Placing his hands on Saul, he said, “Brother Saul, the Lord—Jesus, who appeared to you on the road as you were coming here—has sent me so that you may see again and be filled with the Holy Spirit.”
African KalangaIpapo Ananiyasi kayenda ku ng'umba iyeyo, ngono kangina muyili. Kati ebiga Saulo maboko entembezelela kati, “Gamu langu Saulo, He Jesu iye wakaboneka kukuli mu zila yawakahha ndiyo, wandituma kuti ubone kakale ne kuti uhhale Meya Yakayenemala.”
- English18
Immediately, something like scales fell from Saul’s eyes, and he could see again. He got up and was baptized,
African KalangaTjinyolotjo zwinhu zwinonga makwapa zwikawa mu meho a Saulo ngono kabona kakale. Kamilika, ngono kabvubikiwa,
- African Kalanga
ngono kati adla, kahhigwa kakale ne matatabuko awe. Saulo wakagala mahhuba ne bagalimoyo mu Damasiko.
- English20
Saul spent several days with the disciples in Damascus. At once he began to preach in the synagogues that Jesus is the Son of God.
African KalangaTjinyolotjo katangisa sumikila nekwa Jesu mu ng'umba ye mitembezelo eti, “Jesu Nkololo we Ndzimu.”
- English21
All those who heard him were astonished and asked, “Isn’t he the man who raised havoc in Jerusalem among those who call on this name? And hasn’t he come here to take them as prisoners to the chief priests?”
African KalangaNgono bose bakan’wha bakatjenama, ngono bakabhuzwa beti, “Apa ate iye nlume wakabe ebulaya banodana zina la Jesu mu Jerusalema kene? Kakale aazohhila kuti abasune abayise ku Baphirisiti bakulu kene?”
- English22
Yet Saul grew more and more powerful and baffled the Jews living in Damascus by proving that Jesus is the Christ.
African KalangaKoga Saulo kasimila mbeli, ngono kahanganya Bajuta banogala mu Damasiko miholo ne kubalakidza kuti Jesu ndiye Mesiya.
- African Kalanga
Kwakati hule kwe mahhuba manjinji Bajuta bakalangana kumbulaya,
- English24
but Saul learned of their plan. Day and night they kept close watch on the city gates in order to kill him.
African Kalangakoga kaziba nekwe nlangano wabo. Bakabe belinda nkoba we nzi siku ne sikati kuti bambulaye.
- English25
But his followers took him by night and lowered him in a basket through an opening in the wall.
African KalangaKoga badiyiwa babe bakantola busiku bakan'delusila kuhhe bentjuludza guma ali mu tundu.
- English26
When he came to Jerusalem, he tried to join the disciples, but they were all afraid of him, not believing that he really was a disciple.
African KalangaWakati eswika mu Jerusalema kagwisa kuzwihanganya ne badiyiwa, koga bose bakabe benhla basingagalemoyo kuti n'diyiwa.
- English27
But Barnabas took him and brought him to the apostles. He told them how Saul on his journey had seen the Lord and that the Lord had spoken to him, and how in Damascus he had preached fearlessly in the name of Jesus.
African KalangaKoga Bhanabhasi kantola, ngono kan’hhisa ku batumwa. Kababudza sekwa Saulo akabona He mu gwendo gugwe, ngono He kalebeleka naye, kababudza sekwa Saulo akasumikila ana tjilopa mu Damasiko ne zina la Jesu.
- English28
So Saul stayed with them and moved about freely in Jerusalem, speaking boldly in the name of the Lord.
African KalangaNdizo Saulo kagala nabo kayenda akasununguka mu Jerusalema elebeleka akasimisamoyo ne zina la Jesu.
- African Kalanga
Wakabe esumikila ana tjilopa enyanyayidzana ne Bajuta banoleba Tjigiriki, koga ibo bakagwisa kumbulaya.
- English30
When the brothers learned of this, they took him down to Caesarea and sent him off to Tarsus.
African KalangaKukati makamu aziba nekwa ikoku bakantolela ku Sizariya ngono bakantumila ku Thasasi.
- English31
Then the church throughout Judea, Galilee and Samaria enjoyed a time of peace. It was strengthened; and encouraged by the Holy Spirit, it grew in numbers, living in the fear of the Lord.
African KalangaIpapo gubungano lose mu Judiya ne limu Galili ne limu Samariya likabe ne mbakiso, likasimisiwa, likanyaladziwa ne Meya Yakayenemala, likakula litjilila mu hla He.
- African Kalanga
Pita kati etendeleka ne hango kayenda kunokumbabo bayenemali ku Lida.
- African Kalanga
Ikoko kawana nlume unoyi Ayeniyasi wakabe atjibe ne makole ali hhanakadzi ali lele akalobgwa ne gulukadzi.
- English34
“Aeneas,” Peter said to him, “Jesus Christ heals you. Get up and take care of your mat.” Immediately Aeneas got up.
African KalangaPita kati kuunli, “Ayeniyasi, Jesu Khirisiti unokupodza. Milika uwalule.” Tjinyolotjo Ayeniyasi kamilika.
- African Kalanga
Bose bagali be Lida ne Sharoni bakambona ndizo bakahandukila kuna He.
- English36
In Joppa there was a disciple named Tabitha (which, when translated, is Dorcas), who was always doing good and helping the poor.
African KalangaMu Jopa kwakabe kuna n'diyiwa unodang'wa Thabitha (zina lile mu Tjigiriki loyi Dokhasi). Iye wakabe misi yose ethama mihingo mibuya ebhatsha bahayi.
- English37
About that time she became sick and died, and her body was washed and placed in an upstairs room.
African KalangaMahhuba iyawo kagwala ngono kafa, ngono bakati banngudza bakanladzika mu ng'umba ipehhugwi kwe imwe.
- English38
Lydda was near Joppa; so when the disciples heard that Peter was in Lydda, they sent two men to him and urged him, “Please come at once!”
African KalangaNzi we Lida wakabe uli pedlo ne Jopa. Ndizo badiyiwa bakati bewha kuti Pita umu Lida bakatuma balume babili kuunli ngono bakankumbila beti, “Ihha kutili ngwenu usinonoke.”
- English39
Peter went with them, and when he arrived he was taken upstairs to the room. All the widows stood around him, crying and showing him the robes and other clothing that Dorcas had made while she was still with them.
African KalangaPita kamilika kayenda nabo, ngono kati eswika bakantanhisila pehhugwi ku ng'umba iyeyo. Tjilikadzi dzose dzikama kumpoteleka dzilila dzinlakidza hazu ne zwiambalo zwimwe Dokhasi zwaakabe athama atji nabo.
- English40
Peter sent them all out of the room; then he got down on his knees and prayed. Turning toward the dead woman, he said, “Tabitha, get up.” She opened her eyes, and seeing Peter she sat up.
African KalangaPita kabadusila bose kuhhe kwe ng'umba; ipapo kapfigama ngono katembezela, ngono kati etendebukila ku tjidumbu kati, “Thabitha, milika.” Thabitha kahhula meho awe, ngono kati ebona Pita kamuka, ngono kagala.
- English41
He took her by the hand and helped her to her feet. Then he called the believers and the widows and presented her to them alive.
African KalangaPita kambhata ne luboko, ngono kambatsha kuma ne makumbo. Ipapo kadana bayenemali ne tjilikadzi, ngono kabapa iye etjila.
- African Kalanga
Oku kwakazibgwa mu Jopa yose, ngono banhu banjinji bakagalamoyo muna He.
- African Kalanga
Pita kagala mu Jopa mahhuba manjinji, egala na Simoni nsuki we makukuta.
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.