The English-Kalanga Bilingual Language Learning Bible
New Testament
Read each verse in English beside its African Kalanga equivalent.
Colossians 2English
Bakolosa 2African Kalanga
- English1
I want you to know how much I am struggling for you and for those at Laodicea, and for all who have not met me personally.
African KalangaNdohaka kuti muzibe kuti ndomuhingila kuli kungapani, kose neba ku Laodikeya na bose basanhu bakabona tjiso tjangu,
- English2
My purpose is that they may be encouraged in heart and united in love, so that they may have the full riches of complete understanding, in order that they may know the mystery of God, namely, Christ,
African Kalangakuti mimoyo yabo ikulumbidzike se bakabhatana mu ludo, kuti ndizo babe ne fumwa ye kuwhisisa ne buhhalo kakale babe ne luzibo gwe masazibgwe e Ndzimu, Khirisiti nge kukwe,
- African Kalanga
muunli kwakasumbikwa matula e butjenjebvu ne luzibo.
- African Kalanga
Ndomubudza ikoku kuti ndizo kuhaye wamutjengela ne ndebeleko ye bupitipiti.
- English5
For though I am absent from you in body, I am present with you in spirit and delight to see how orderly you are and how firm your faith in Christ is.
African KalangaNgobe nenguba ndisipo pamuli ne kwangu, ndi namwi mu meya, ngono ndohanha kubona sekwa muli gedzikane kakale ne ne kugalamoyo kwenyu kwakasima muna Khirisiti.
- African Kalanga
Ndizoke, sekwa makaamutjila Khirisiti Jesu ali He, tjililani muunli,
- English7
rooted and built up in him, strengthened in the faith as you were taught, and overflowing with thankfulness.
African Kalangamakadzikigwa muunli kakale makabakwa muunli, mukasimisiwa mu kugalamoyo sekwa makadiyiwa, muboka ne buhhalo.
- English8
See to it that no one takes you captive through hollow and deceptive philosophy, which depends on human tradition and the basic principles of this world rather than on Christ.
African KalangaMuyele njele kuti kusibe ne wamutapa ne ndebeleko dze butjenjebvu gwe banhu guhhele butjengedzi, gunobva mu zwilenje zwe banhu, zwinobva mu meya inolaula lubumbo igogu, ngono zwisingabve muna Khirisiti.
- African Kalanga
Mbumbiko yose ye Ndzimu ne buhhalo igele mu mbili wa Khirisiti.
- English10
and you have been given fullness in Christ, who is the head over every power and authority.
African KalangaNdizo mu kubhatana na Khirisiti makapiwa butjilo ne buhhalo, iye n’holo we ndaulo yose ne simba lose.
- English11
In him you were also circumcised, in the putting off of the sinful nature, not with a circumcision done by the hands of men but with the circumcision done by Christ,
African KalangaMuunli makathumbigwa kusi ne buthumbi gunothamiwa ne bathu, koga ne buthumbi gunothamiwa ndi Khirisiti, gunobva kusunungugwa kwenyu mu mbumbiko ye nyama.
- English12
having been buried with him in baptism and raised with him through your faith in the power of God, who raised him from the dead.
African KalangaMu kubvubikiwa makabiganyiwa na Khirisiti kakale mukamusiwa naye ne kugalamoyo kwamunako mu simba le Ndzimu, iwo wakammusa mu bafi.
- English13
When you were dead in your sins and in the uncircumcision of your sinful nature, God made you alive with Christ. He forgave us all our sins,
African KalangaNgono imwi makatongobe makafa ne matjinyo enyu ne mukusathumbigwa kwe mibili yenyu. Ndzimu wakamuthama batjili mose na Khirisiti, hule kwe kutizwiibhatigwa zwibi zwedu zose.
- English14
having canceled the written code, with its regulations, that was against us and that stood opposed to us; he took it away, nailing it to the cross.
African KalangaWakabukuha nkwalo we milandu yedu ne milayo inosunga kaidusa tjose ne kuikothomela mu tjileyano.
- English15
And having disarmed the powers and authorities, he made a public spectacle of them, triumphing over them by the cross.
African KalangaNdzimu wakakunda babusi ne balauli, wakabadusila patjena ne kubakunda muna Khirisiti.
- English16
Therefore do not let anyone judge you by what you eat or drink, or with regard to a religious festival, a New Moon celebration or a Sabbath day.
African KalangaNdizo musibvumile ani kene ani kuti amutilike nlandu nekwe zodliwa ne zwing'o ne misi ye mizano kose ne Nzano we Mwedzi ntshwa kene hhuba le Sabata.
- English17
These are a shadow of the things that were to come; the reality, however, is found in Christ.
African KalangaEzwi mituzi ye zwinhu zwinohha, ngono koga lebeswa lowang'wa muna Khirisiti.
- English18
Do not let anyone who delights in false humility and the worship of angels disqualify you for the prize. Such a person goes into great detail about what he has seen, and his unspiritual mind puffs him up with idle notions.
African KalangaMusitongo letjedzela ani kene ani kamuthama kuti mubvume zwidiyo zwe manyepkhwa zwe kunamata batumwa be kudzimu ngoti kungathama kuti musiwane mbhayilo wenyu. Nhu unodiya saikoku wakabiga masimba awe kudiya ne zwaanobona zwe manyepkhwa, unozwikudza ne mikumbulo iyeyo yaanozwibumbila, koga ne lebeswa aana tjaangazwikudza natjo,
- English19
He has lost connection with the Head, from whom the whole body, supported and held together by its ligaments and sinews, grows as God causes it to grow.
African Kalangaasakabhatilila muna Khirisiti, iye n’holo iwo unobhatshanya mbili ne tshinga kakale mbili unotjidziwa n’e nsholo, ndizo mbili unokula ne kukula kunobva ku Ndzimu.
- English20
Since you died with Christ to the basic principles of this world, why, as though you still belonged to it, do you submit to its rules:
African KalangaHa makafa na Khirisiti, ku meya ye lubumbo, ini mutjila se ungati mutji banhu be hango kene? Ini mulondolodza milayo yayo inoti,
- African Kalanga
“Usibhate etji! Usilabile whoku! Usikunhe whokuya?”
- English22
These are all destined to perish with use, because they are based on human commands and teachings.
African KalangaMilayo yose iyeyi yakalingisana ne zwithu zwinotjimbidza pela ha zwihingisiwa; milayo inothamiwa ne banhu kakale ikadiyiwa ne banhu.
- English23
Such regulations indeed have an appearance of wisdom, with their self-imposed worship, their false humility and their harsh treatment of the body, but they lack any value in restraining sensual indulgence.
African KalangaMilayo iyeyi inolingika se butjenjebvu ne kuzwibigila milawana ye bululwami kuzwiyisa pasi kunozwithamigwa ne ne kuwhisa mbili zogwadza kwakapindilila ili zila ye kunamata Ndzimu; ngono azwitobhatsha nhu mu njemulo mbi dzakapindilila dze mbili.
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.