The English-Kalanga Bilingual Language Learning Bible
New Testament
Read each verse in English beside its African Kalanga equivalent.
Colossians 3English
Bakolosa 3African Kalanga
- English1
Since, then, you have been raised with Christ, set your hearts on things above, where Christ is seated at the right hand of God.
African KalangaSe makamusiwa na Khirisiti, lingisani mimoyo yenyu ku zwinhu zwe kudzimu, Khirisiti kwaageleko ku luboko gwe ludli gwe Ndzimu.
- African Kalanga
Lingisani mikumbulo yenyu ku zwinhu zwe kudzimu kusi mu zwinhu zwe hango.
- African Kalanga
Ngobe makafa, ngwenu butjilo gwenyu gwakasumbikiwa na Khirisiti mu Ndzimu.
- African Kalanga
Ha Khirisiti, iye butjilo gwenyu, ehha kakale mu hango, namwibo mowoboneka naye mu gudzo.
- English5
Put to death, therefore, whatever belongs to your earthly nature: sexual immorality, impurity, lust, evil desires and greed, which is idolatry.
African KalangaNgono misani tjoselele zose zwe mbumbiko yenyu ye tjinyama: kuwalilana nhobo kusakalingisana, kuwalilana nhobo kunobhatisa honi, njemulo dzakayipa dze kuwalilana ne bugovu, ngobe bugovu gonga kupfigamila midzimu.
- African Kalanga
Nekuti nekwa izwezwi, buhongola gwe Ndzimu gwaswika.
- African Kalanga
Imwi ne kwenyu makatongobe mutjila ne zila yakajalo.
- English8
But now you must rid yourselves of all such things as these: anger, rage, malice, slander, and filthy language from your lips.
African KalangaNgono ngwenu lahani zwihu zwinonga ezwi: kugwadzamoyo ne buhongola ne kugwadzisa bamwe mimoyo ne kulebela bamwe manyepkhwa kene ili kuhingisa masapa mu milomo yenyu.
- African Kalanga
Musinyepelane, ngobe makaambula mbumbiko yenyu whulukugwi ne mipanga yayo,
- English10
and have put on the new self, which is being renewed in knowledge in the image of its Creator.
African Kalangakakale makaambala mbumbiko tshwa inothamiwa tshwa ne luzibo mu tjifano tje mbumbi wayo.
- English11
Here there is no Greek or Jew, circumcised or uncircumcised, barbarian, Scythian, slave or free, but Christ is all, and is in all.
African KalangaNekwa ikoku akutjina thubukano pakati kwe N'giriki ne Njuta, pakati kwe nhu wakathumbigwa ne usakathumbigwa, pakati kwe banhu basingalebe Tjigiriki ne Bapanduki bakasalila hule, nlanda kene nsununguki, koga Khirisiti ndiye n’hongo’hongo wakabhata mbabvu kakale Khirisiti umuna bose.
- English12
Therefore, as God’s chosen people, holy and dearly loved, clothe yourselves with compassion, kindness, humility, gentleness and patience.
African KalangaNdizo se banhu bakazwihaluligwa ne Ndzimu, bayengemali, kakale ukamuda kwazo, ibeni ne ngoni ne bunhu ne kuzwiyisa pasi ne moyon'nyolo nenge moyonlefu.
- English13
Bear with each other and forgive whatever grievances you may have against one another. Forgive as the Lord forgave you.
African KalangaYitilanani moyonlefu muzwiibhatilane muna tjamunonenelana nekwatjo. Muzwiibhatilane koga sa He sekwa bakamuzwiibhatigwa.
- African Kalanga
Pehhugwi kwa zose izwezwi zwakalulwama, ibeni ne ludo igo gunohanganya kose ne whanano yakapelela.
- English15
Let the peace of Christ rule in your hearts, since as members of one body you were called to peace. And be thankful.
African KalangaKunyalala kwa Khirisiti ngakubuse mu mimoyo yenyu, ngobe se mbili nng'ompela makadanigwa ku kunyalala ikoku. Ndizo ibeni ne kuboka.
- English16
Let the word of Christ dwell in you richly as you teach and admonish one another with all wisdom, and as you sing psalms, hymns and spiritual songs with gratitude in your hearts to God.
African KalangaDama la Khirisiti ngaligale mumuli ne buhhalo. Diyanani mulayane ne butjenjebvu gose. Imbani Njimbo, imbani njimbo dzinokudza Ndzimu nenge njimbo dze tjimeya ne kuboka mu mimoyo yenyu.
- English17
And whatever you do, whether in word or deed, do it all in the name of the Lord Jesus, giving thanks to God the Father through him.
African KalangaNgono tjimwe ne tjimwe tjamunothama kene tjamunoleba, mutjithame ne zina la He Jesu muboka Ndzimu Tate ndiye.
- African Kalanga
Bakadzi bakalobogwa, tetani balume benyu, ngobe kwakafanila muna He.
- African Kalanga
Balume bakalobola, idani bakadzi benyu musingabakaikanye.
- African Kalanga
Bana, iwhani bazwadzi benyu mu tjimwe ne tjimwe, ngobe ikoku kohanhisa He.
- African Kalanga
Botate musitange bana benyu, ngobe bangabva benyalamoyo.
- English22
Slaves, obey your earthly masters in everything; and do it, not only when their eye is on you and to win their favor, but with sincerity of heart and reverence for the Lord.
African KalangaBalanda, iwhani botetshi benyu be hango mu tjimwe ne tjimwe; musingabawhe nobabona muhaka kubahanhisa, koga mu bawhe ne moyo nng'ompela nenge kuhla He.
- African Kalanga
Tjimwe ne tjimwe tjamunothama, mutjithame ne moyo yenyu yose, koga se munohingila He kusi banhu.
- English24
since you know that you will receive an inheritance from the Lord as a reward. It is the Lord Christ you are serving.
African KalangaMoziba kuti mowowana nhaka muna He, uli iwo mbhayilo wenyu; mohingila He Khirisiti.
- African Kalanga
Iye unoyita kusi iko unowowana mbhayilo wakalingisana ne kuyita kusi iko, ngono akuna halaulo.
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.