The English-Kalanga Bilingual Language Learning Bible
New Testament
Read each verse in English beside its African Kalanga equivalent.
Ephesians 4English
Baefeso 4African Kalanga
- English1
As a prisoner for the Lord, then, I urge you to live a life worthy of the calling you have received.
African KalangaNdizo ngwenu, imi ndili nsungwa nekwa He, ndomukumbila, nditi tjilani ne zila yamakadangwa kuti mutjile ndiyo.
- African Kalanga
Muzwiyise pasi, kakale mube banyolo, ibeni ne moyonlefu. Mulakidzane ludo ne kusanyalamoyo.
- African Kalanga
Gwisani ne matatabuko wose kusimisa bhatana kwamakapiwa ne Meya, musimisa ne kunyalala.
- African Kalanga
Kuna mbili nng'ompela ne Meya ing'ompela, koga sekwa makadanigwa kugalabgwe kung'ompela se kwa makadang'wa,
- African Kalanga
He nng'ompela, kugalamoyo kung'ompela, kubvubika kung'ompela,
- African Kalanga
ne Ndzimu nng'ompela, kakale uli Tate bedu tose, ibo bapehhugwi kwedu tose kakale ba pehhugwi kwezwinhu zose, kakale ba mutili tose.
- African Kalanga
Koga mmwe ne mmwe wakawhigwa ngoni ne tjilizanyo tje tjipo tja Khirisiti.
- English8
This is why it says: “When he ascended on high, he led captives in his train and gave gifts to men.”
African KalangaNdizo kukayi, “Wakati etanhila pehhugwi, kayenda ne basungwa banjinji, kapa banhu zwipo.”
- African Kalanga
Ha kuyi “Etanhila pehhugwi” kobvani? Kobva kuti, kutanga wakadelukila pasi kwe hango?
- English10
He who descended is the very one who ascended higher than all the heavens, in order to fill the whole universe.)
African KalangaIye wakadeluka ndiyezwe wakatanhila pehhugwi, kupinda kudzimu kose, kuti ndizo ahhale lubumbo gose.
- English11
It was he who gave some to be apostles, some to be prophets, some to be evangelists, and some to be pastors and teachers,
African KalangaNdiye wakapa zwipo zwakathama bamwe kube batumwa, bamwe balebesambeli, bamwe kube basumikili, bamwe kube balisi be gubungano ne badiyi,
- African Kalanga
kululwamisila bayengemali n’hingo we kuhingila gubungano, kuti ndizo mbili wa Khirisiti ubumbike,
- English13
until we all reach unity in the faith and in the knowledge of the Son of God and become mature, attaining to the whole measure of the fullness of Christ.
African Kalangakudzina tose tingina mu kubhatana kwe bugalimoyo nenge kwe luzibo nekwe Nkololo we Ndzimu ne kukula ne njalakang'wa nenge kulizana na Khirisiti ne buhhalo.
- English14
Then we will no longer be infants, tossed back and forth by the waves, and blown here and there by every wind of teaching and by the cunning and craftiness of men in their deceitful scheming.
African KalangaAtizofanila yendilambeli ne butjetjana titutudzigwa yeno na yeno ne mhepo imwe ne imwe ye zwidiyo zwe banhu ne butjakwani nenge bukwelekwele nenge butjengedzi.
- English15
Instead, speaking the truth in love, we will in all things grow up into him who is the Head, that is, Christ.
African KalangaKoga noleba malebeswa mu ludo, muna zose, towokulila muunli iye N’holo, iye Khirisiti.
- English16
From him the whole body, joined and held together by every supporting ligament, grows and builds itself up in love, as each part does its work.
African KalangaNdiye unobhatshanya ndungululo dzose dze mbili, edzithumanya ne tshinga, se ndungululo imwe ne imwe inohinga zubuyanana, ithama kuti mbili ukule zubuyanana mu kuzwibumba kwawo mu ludo.
- English17
So I tell you this, and insist on it in the Lord, that you must no longer live as the Gentiles do, in the futility of their thinking.
African KalangaNgwenu ndoleba ndakasimisila muna He, musitjayendilembeli mutjila se basingagale moyo, be mikumbulo isina n’hingo.
- English18
They are darkened in their understanding and separated from the life of God because of the ignorance that is in them due to the hardening of their hearts.
African KalangaMikumbulo yabo imu hhalima, kakale baka- thubukana ne butjilo gwe Ndzimu ne kuhaya luzibo ku mubali, ngobe mimoyo yabo yakakukutala.
- English19
Having lost all sensitivity, they have given themselves over to sensuality so as to indulge in every kind of impurity, with a continual lust for more.
African KalangaAbana honi, banozwitjilila mu mizipo, belibilidzila kuzwilonga hambgwa, kakale basingazwidzibe.
- African Kalanga
Imwi ate itjo tja makazwidiya nekwa Khirisiti.
- English21
Surely you heard of him and were taught in him in accordance with the truth that is in Jesus.
African KalangaNdobvuma kuti, makawha ne kukwe mukadiyiwa muunli, se malebeswa ali muna Jesu.
- English22
You were taught, with regard to your former way of life, to put off your old self, which is being corrupted by its deceitful desires;
African KalangaThubukanani ne mbumbiko yenyu whulukugwi ye matjilo enyu e kutanga asakalulwama ne njemulo dze bupitipiti,
- African Kalanga
meya yenyu ne njalakang'wa dzenyu ngadzibe tshwa.
- African Kalanga
Ibeni batshwa, ne mbumbiko inonga ye Ndzimu mu ndulamo ye malebeswa ne buyengemali.
- English25
Therefore each of you must put off falsehood and speak truthfully to his neighbor, for we are all members of one body.
African KalangaNdizo mmwe ne mmwe, alebe malebeswa ne wakabakidzana naye aletje manyepkhwa, ngobe tose ti ndungululo dze mbili nng'ompela.
- African Kalanga
Muti magwadzamoyo, musiletjedzele kugwadzamoyo kwenyu kukamuthamisa tjibi, kakale musigwadzemoyo kuswikila kumila kwe hhuba.
- African Kalanga
Musipe Nvanganyi tjibaka.
- English28
He who has been stealing must steal no longer, but must work, doing something useful with his own hands, that he may have something to share with those in need.
African KalangaMbava ngaisitjakwibe, koga ngaihinge n’hingo wakalulwama ne maboko ayo, kuti ndizo ipebo basina.
- English29
Do not let any unwholesome talk come out of your mouths, but only what is helpful for building others up according to their needs, that it may benefit those who listen.
African KalangaMusiletje ndebo mbimbi dzikabhuda mu milomo yenyu, koga kubhude ndebo dzakalulwama kusimisa bamwe koga, sekwa kunowobe kuhakika, kuti banodziwha dzibabumbe.
- English30
And do not grieve the Holy Spirit of God, with whom you were sealed for the day of redemption.
African KalangaMusiwhise zogwadza Meya yakayengemala ye Ndzimu yamakatjwayiwa ndiyo guli lutjwayo gwe hhuba le kudzutunugwa.
- English31
Get rid of all bitterness, rage and anger, brawling and slander, along with every form of malice.
African KalangaHungu yose ne buhongola ne kugwadzamoyo ne kulongelana hhoba ne kutjinyana mazina ne kubengana kose, kose kubhude mumuli.
- English32
Be kind and compassionate to one another, forgiving each other, just as in Christ God forgave you.
African KalangaMuthamilane bunhu, mube ne mimoyo minyolo, muzwiibhatilana milandu, Ndzimu sekwa wakamuzwiibhatigwa muna Khirisiti.
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.