The English-Kalanga Bilingual Language Learning Bible
New Testament
Read each verse in English beside its African Kalanga equivalent.
Hebrews 13English
Bahebheru 13African Kalanga
- African Kalanga
Ludo gwe makamu ngaguyendile mbeli pakati kwenyu.
- English2
Do not forget to entertain strangers, for by so doing some people have entertained angels without knowing it.
African KalangaMuamutjile bayendi ne bunhu mu miha yenyu, ngobe ngojalo bamwe bakaamutjila batumwa be kudzimu basingazibe.
- English3
Remember those in prison as if you were their fellow prisoners, and those who are mistreated as if you yourselves were suffering.
African KalangaKumbulani bamu ng'umba dze busungwa, se mumu busungwa nabo, na ibabo banobhakhwa zwakayipa, ngobe namwibo mungadziyidzikabo.
- English4
Marriage should be honored by all, and the marriage bed kept pure, for God will judge the adulterer and all the sexually immoral.
African KalangaNdobolo ngaikudziwe pakati kwe banhu bose, nhobo ye ndobolo ngaibe mbuyanana, ngobe Ndzimu unowosumikilisa mhombgwe ne basinga zwibhate.
- English5
Keep your lives free from the love of money and be content with what you have, because God has said, “Never will I leave you; never will I forsake you.”
African KalangaMutjile butjilo gusingalaugwe ne ludo gwe mari, ngono mugutshike ne tjamunatjo. Ngobe Ndzimu wakati, “Andingakulahe, kene akusiya.”
- English6
So we say with confidence, “The Lord is my helper; I will not be afraid. What can man do to me?”
African KalangaNdizo tingaleba ngogutshika titi, “He mbhatshi wangu. Anditowohla. Apa nhu ungandiyitani kene?”
- English7
Remember your leaders, who spoke the word of God to you. Consider the outcome of their way of life and imitate their faith.
African KalangaKumbulani batungamili benyu, ibabo bakamubudza dama le Ndzimu. Kumbulani sekwa bakatjila netjakabva mu butjilo gwabo, ngono muyedzelele kugalamoyo kwabo.
- African Kalanga
Jesu Khirisiti ndiyezwe wa madekwe ne wa nasi newe kusingapele.
- English9
Do not be carried away by all kinds of strange teachings. It is good for our hearts to be strengthened by grace, not by ceremonial foods, which are of no value to those who eat them.
African KalangaMusitongo tungamiligwa ntome ne zwidiyo zwakasiyana siyana, zwisakawolobeleka. Kwakanaka kuti moyo usimisiwe ne ngoni dze Ndzimu, kusi ne zodliwa zwisakabuzila tjimwe ibabo bakanamatilana nazo.
- African Kalanga
Tina tjibeso tje zwibhayilo tjinoti ibabo banohinga mu n’haha we zwibhayilo bakasibe ne fanilo dze dla zwimutjili.
- English11
The high priest carries the blood of animals into the Most Holy Place as a sin offering, but the bodies are burned outside the camp.
African KalangaNgobe mibili ye mhuka idzedzo dze malopa anohhisiwa ne Ntungamili we Bapirisiti mu bugalo gwakayengemala kupinda wose akayengemala, tjili tjibhayilo tje tjibi, inopisigwa kuhhe kwe nzi.
- English12
And so Jesus also suffered outside the city gate to make the people holy through his own blood.
African KalangaSa ikoko Jesu na iyebo wakafila kuhhe kwe nzi, kuti ayengemadze banhu ne malopa awe.
- African Kalanga
Ndizo ngatiyendeni kunli kuhhe kwe nzi, tisengane ne kugongobogwa kwaakadzikatidzila.
- African Kalanga
Ngoti muno atina nzi usingalobe, koga titjahaka nzi unohha.
- English15
Through Jesus, therefore, let us continually offer to God a sacrifice of praise–the fruit of lips that confess his name.
African KalangaNgatiyendilenimbeli muna Jesu tiyiseni tjibhayilo tje gudzo ku Ndzimu, ikoku zwizwalo milomo ye banokudza zina lawo.
- English16
And do not forget to do good and to share with others, for with such sacrifices God is pleased.
African KalangaMusitongo letja hinga ndulamo nenge kobana tjamunatjo, ngobe zwibhayilo zwakajali zohanhisa Ndzimu.
- English17
Obey your leaders and submit to their authority. They keep watch over you as men who must give an account. Obey them so that their work will be a joy, not a burden, for that would be of no advantage to you.
African KalangaMuwhe batungamili benyu, muhinge tjabanomubva. Ngobe banotjengeta meya yenyu, se banhu banowoyisa mbiko ku Ndzimu. Itani kuti bahinge n’hingo wabo ne kuhanha, kusi ne buyendasi, ngobe ikoko akungamubuzile tjimwe.
- English18
Pray for us. We are sure that we have a clear conscience and desire to live honorably in every way.
African KalangaMutitembezelele, ngobe tina hana mbuyanana. Toyemula hinga ndulamo mu tjimwe ne tjimwe.
- African Kalanga
Ndomukulumbidza ndisimisa, kuti muthame ikoku, ndizo nditjimbidze hha kumuli.
- English20
May the God of peace, who through the blood of the eternal covenant brought back from the dead our Lord Jesus, that great Shepherd of the sheep,
African KalangaDzene Ndzimu we kunyalala iwo wakamusa He wedu Jesu mu bafi, iye nlisi nkulu we mwhizi, ne malopa e tjibvumano tjisingapele,
- English21
equip you with everything good for doing his will, and may he work in us what is pleasing to him, through Jesus Christ, to whom be glory for ever and ever. Amen.
African Kalangaungamupa kose kwakanaka kuti ndizo muhinge da kwawo ungahinga mumuli itjetjo tjinouhanhisa, ndi Jesu Khirisiti. Ngaukudziwe ne kusingapele. Ngakujalo.
- English22
Brothers, I urge you to bear with my word of exhortation, for I have written you only a short letter.
African KalangaNdomukumbila, makamu, amutjilani ne moyonlefu dama langu le kukulumbidza, ngobe ndamukwalila ne bufutshwanana.
- English23
I want you to know that our brother Timothy has been released. If he arrives soon, I will come with him to see you.
African KalangaNdomuzibisa kuti gamu ledu Timoti, wakasunungugwa. Ha angahha tjinyolotjo, ndowohha naye kuwomubona.
- African Kalanga
Buyisani batungamili benyu bose ne bayengemali bose. Banobva ku Italiya banomubuyisa.
- African Kalanga
Ngoni dze Ndzimu dzibe namwi mose.
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.