Hebrews 3 | New Testament

Hebrews 3English

Bahebheru 3African Kalanga

English1
Therefore, holy brothers, who share in the heavenly calling, fix your thoughts on Jesus, the apostle and high priest whom we confess.
African Kalanga
Ndizo wali makamu angu akayengemala, imwi makadang'wabo ne Ndzimu, kumbulani Jesu, iye ntumwa kakale ali Ntungamili we Bapirisiti we kugalamoyo kwedu.
English2
He was faithful to the one who appointed him, just as Moses was faithful in all God’s house.
African Kalanga
Wakabe egagwabgwe ne wakambiga mu mamo iyawa, koga sa Mushe akabe ehinga n’hingo uwe mu ng'umba ye Ndzimu ne kugalikabgwe.
English3
Jesus has been found worthy of greater honor than Moses, just as the builder of a house has greater honor than the house itself.
African Kalanga
Ngobe Jesu wakawanika efanigwa ne gudzo gulu kupinda Mushe koga se mbumbi we ng'umba ana gudzo kupinda ng'umba yaakabumba. Ndizo Jesu wakawanika akalizana kulumbidziwa kupinda Mushe.
English4
For every house is built by someone, but God is the builder of everything.
African Kalanga
Ngobe ng'umba imwe ne imwe ina wakaibumba, koga mbumbi we zwinhu zose Ndzimu.
English5
Moses was faithful as a servant in all God’s house, testifying to what would be said in the future.
African Kalanga
Mushe wakabe egalikabgwe mu ng'umba ye Ndzimu ali nlanda, kutendeka nekwe zwinhu zwakabe zwitjowolebgwa hule.
English6
But Christ is faithful as a son over God’s house. And we are his house, if we hold on to our courage and the hope of which we boast.
African Kalanga
Koga Khirisiti se ali Nkololo wakabe egalikabgwe mu ng'umba yose. Iswi ng'umba iye ha tibhata tisimisa kukulumbidzika kwedu tizwiloba fuba mu kugalabgwe kwedu.
English7
So, as the Holy Spirit says: “Today, if you hear his voice,
African Kalanga
Ndizo wali, se Meya yakayengemala iti, “Nasi ha muwha whi lawo,
English8
do not harden your hearts as you did in the rebellion, during the time of testing in the desert,
African Kalanga
musikukutadze mimoyo yenyu, se pa bupanduki, mu hhuba le kulikiwa mu tjilambanyika,
English9
where your fathers tested and tried me and for forty years saw what I did.
African Kalanga
pakati bobatategulu benyu bakandilika, ngono bakabona mihingo yangu makole ali makumi manna.
English10
That is why I was angry with that generation, and I said, ‘Their hearts are always going astray, and they have not known my ways.’
African Kalanga
Nekwa ikoko ndakagwadzilamoyo tjizekugwana itjetjo ngono ati, ‘Banogala bepambuka mu mimoyo yabo. Abanhu bakaziba zila yangu.’
English11
So I declared on oath in my anger, ‘They shall never enter my rest.’”
African Kalanga
Sekwandakatuna mu kugwadzamoyo kwangu nditi, ‘Abatowongina mu kunyaluluka kwangu!’ ”
English12
See to it, brothers, that none of you has a sinful, unbelieving heart that turns away from the living God.
African Kalanga
Yelani njele makamu kuti kusibve kukabe kuna mbipo mu mmwe wenyu, asingagale moyo, emutungamilila mu zila inomudusa mu Ndzimu unotjila.
English13
But encourage one another daily, as long as it is called Today, so that none of you may be hardened by sin’s deceitfulness.
African Kalanga
Koga kulumbidzanani mahhuba wose akutjayi “Nasi” kuyita kuti kusibe ne wenyu unokukutadziwa ne butjengedzi gwe jinyo.
English14
We have come to share in Christ if we hold firmly till the end the confidence we had at first.
African Kalanga
Ngobe tina gobe muna Khirisiti ha tibhata tisimisa kunoti kubupelo mu bugalimoyo gwedu gwatakabe nago kutanga.
English15
As has just been said: “Today, if you hear his voice, do not harden your hearts as you did in the rebellion.”
African Kalanga
Sekwa kwaka palebgwa kuyi, “Nasi ha muwha whi lawo, musikukutadze mimoyo yenyu se pa bupanduki.”
English16
Who were they who heard and rebelled? Were they not all those Moses led out of Egypt?
African Kalanga
Apa ndiboani bakwaha ngono bakaupandukila kene? Apa ate ibabo bose bakabva mu Egipiti bakatungamigwa ndi Mushe kene?
English17
And with whom was he angry for forty years? Was it not with those who sinned, whose bodies fell in the desert?
African Kalanga
Apa ndiboani Ndzimu bawakagwadzilamoyo makole ali makumi manna kene? Ate ibabo bakatjinya bakaloba mu tjilambanyika kene?
English18
And to whom did God swear that they would never enter his rest if not to those who disobeyed?
African Kalanga
Ndzimu wakatunila boani kuti abatowongina mu kunyaluluka kwawo, ha isi ibabo basakauwha kene?
English19
So we see that they were not able to enter, because of their unbelief.
African Kalanga
Ndizo tobona kuti abazotubula ngina mu kunyaluluka, ngobe bakabe basagalamoyo.

Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.