Hebrews 8 | New Testament

Hebrews 8English

Bahebheru 8African Kalanga

English1
The point of what we are saying is this: We do have such a high priest, who sat down at the right hand of the throne of the Majesty in heaven,
African Kalanga
Tjikulu muna tjatinoleba whuti, tina Ntungamili we Bapirisiti wakajalo, iye ugele ku ludli gwe tjigalo tje Ndzimu kudzimu,
English2
and who serves in the sanctuary, the true tabernacle set up by the Lord, not by man.
African Kalanga
unohinga mu bugalo gwakayengemala, N’haha we malebeswa usakabakwa ne nhu koga wakabakwa ndi He.
English3
Every high priest is appointed to offer both gifts and sacrifices, and so it was necessary for this one also to have something to offer.
African Kalanga
Ngobe Ntungamili we Bapirisiti mmwe ne mmwe unobigigwa kupa zwipo ne zwibhayilo, ndizo mpirisiti iwoyu naiyebo wafanila kuti abe ne tjaanopa.
English4
If he were on earth, he would not be a priest, for there are already men who offer the gifts prescribed by the law.
African Kalanga
Ngobe ha abe ali mu hango, unobe asi mpirisiti, se kuna Bapirisiti banopa zwipo kuyendidzana ne nlayo kale.
English5
They serve at a sanctuary that is a copy and shadow of what is in heaven. This is why Moses was warned when he was about to build the tabernacle: “See to it that you make everything according to the pattern shown you on the mountain.”
African Kalanga
Banohinga mu ifano ne ntuzi we bugalo gwakayengemala, ngoti Mushe wakati abe pedlo ngobaka n’haha kalayiwa ne Ndzimu uti, “Ubone kuti unothama tjimwe ne tjimwe kuyendidzana ne tjawakalakidziwa pehhugwi kwe dombo.”
English6
But the ministry Jesus has received is as superior to theirs as the covenant of which he is mediator is superior to the old one, and it is founded on better promises.
African Kalanga
Koga sekwakuli iko ngwenu, Jesu wakapiwa n’hingo nkulu unopinda wantolo se tjibvumano tjaamilile tjiyita, setjithamigwa mu kugadzabgwe kunoita.
English7
For if there had been nothing wrong with that first covenant, no place would have been sought for another.
African Kalanga
Ngobe ha tjibvumano tje kutanga tjakabe tjisina nlandu, tjibvumano tje bubili tjobe tjisakabepo.
English8
But God found fault with the people and said: “The time is coming, declares the Lord, when I will make a new covenant with the house of Israel and with the house of Judah.
African Kalanga
Koga Ndzimu wakabona banhu bawo nlandu, ndizo uti, “Mahhuba anowohha, kojalo He, andinowothama Tjibvumano tjitshwa ne banhu be Iziraela, kose ne banhu be Juda.
English9
It will not be like the covenant I made with their forefathers when I took them by the hand to lead them out of Egypt, because they did not remain faithful to my covenant, and I turned away from them, declares the Lord.
African Kalanga
Atjitowonga tjibvumano tjandakathama na bobatategulu babo, mu hhuba landakababhata ne luboko, ndibatungamila kubva mu Egipiti. Ngobe abazoyendilambeli mu tjibvumano tjangu, ndizo asibe ne hanya nabo, kojalo He.
English10
This is the covenant I will make with the house of Israel after that time, declares the Lord. I will put my laws in their minds and write them on their hearts. I will be their God, and they will be my people.
African Kalanga
Etji nditjo tjibvumano tjandinowothama ne Baiziraela, hule kwe mahhuba iyawo, kojalo He. Ndowolonga milayo yangu mu mikumbulo yabo kakale aikwala mu mimoyo yabo. Ngobe ndowobe Ndzimu wabo, ibo banowobe banhu bangu.
English11
No longer will a man teach his neighbor, or a man his brother, saying, ‘Know the Lord,’ because they will all know me, from the least of them to the greatest.
African Kalanga
Akuna wabo unowodiya wakanyi kukwe kene kuli kubva gamu lile eti, ‘Ziba He.’ Ngobe bose banowondiziba, kubva mu ntjetjana kunoti whola tjose.
English12
For I will forgive their wickedness and will remember their sins no more.”
African Kalanga
Ndowobe ne ngoni mu matjinyo abo ngono anditjowokumbula zwibi zwabo.”
English13
By calling this covenant “new,” he has made the first one obsolete; and what is obsolete and aging will soon disappear.
African Kalanga
Mu lebeleka nekwe “Tjibvumano tjitshwa,” wakathama tjibvumano tje kutanga kuti tjisitjabe ne n’hingo. Ngono tjinhu tjisitjina n’hingo kakale tjikwegula tjakalingisana ngoloba.

Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.