The English-Kalanga Bilingual Language Learning Bible
New Testament
Read each verse in English beside its African Kalanga equivalent.
John 2English
Johani 2African Kalanga
- African Kalanga
Mu hhuba le butatu kwakabe ne nzano we bukwe mu nzi we Kana mu ntunhu we Galili. Mme ba Jesu bakabe bali yapo ku nzano iwoyo.
- African Kalanga
Jesu ne badiyiwa babe bakabe bakokiwabo ku bukwe igogo.
- African Kalanga
Kukati nkumbi we n’hhambi wapela, mme ba Jesu bakati kuna Jesu, “Bapelegwa ne nkumbi.”
- African Kalanga
Jesu kabahandula eti, “Mme, apa moti nditini kene? Lubaka gwangu agwanhu gwaswika.”
- African Kalanga
Mmeyabe bakati ku balanda, “Muhinge tjimwe ne tjimwe tjaanowomubudza.”
- English6
Nearby stood six stone water jars, the kind used by the Jews for ceremonial washing, each holding from twenty to thirty gallons.
African KalangaKwakabe kwakabigwa hali dzili tanhatu dze ntapkhwi whulu whulu dze nthamo wakabe uhingisisiwa mu kuzwitjenapadza ne mpanga we Bajuta. Imwe ne imwe yakabe ili whulu kwaingahhadziwa dzilitha dze vula dzili zana ling'ompela (100).
- African Kalanga
Jesu kabva balanda kati, “Hhadzani hali idzedzi ne vula.” Bakadzihhadza tupu!
- African Kalanga
Ipapo kababva kati, “Tjelani vula iyeyi ne nkombe muyise ku n'yendisi we n’hingo.” Ndizo bakaiyisa.
- English9
They did so, and the master of the banquet tasted the water that had been turned into wine. He did not realize where it had come from, though the servants who had drawn the water knew. Then he called the bridegroom aside
African KalangaN'yendisi we n’hingo kati elabila vula iyeyo, ikabe yahanduka yabe nkumbi. Kukati se akabe asingazibe kuti nkumbi iwoyu wabva poni, nenguba balanda ibo bakabe beziba kwawakabva, kadanila nloboli ntome
- English10
and said, “Everyone brings out the choice wine first and then the cheaper wine after the guests have had too much to drink; but you have saved the best till now.”
African Kalangangono kati kuunli, “Kwagala kupiwa banhu nkumbi unozipa kutanga, bakati bang'wa kunjinji bakakowopiwa nkumbi usingazipe hule. Koga iwe wabiga nkumbi unozipa kuswikila ngwenu!”
- English11
This, the first of his miraculous signs, Jesus performed in Cana of Galilee. He thus revealed his glory, and his disciples put their faith in him.
African KalangaJesu wakathama itjetji tjilakidzo tje kutanga tje zwilakidzo zwizwe ali ku Kana mu Galili. Ne zila iyeyi kalakidza gudzo lile, ngono badiyiwa babe bakagalamoyo muunli.
- English12
After this he went down to Capernaum with his mother and brothers and his disciples. There they stayed for a few days.
African KalangaHule kwa ikoku kadelukila ku Kapenaume, iye na mmeyabe ne banung'una babe ne badiyiwa babe, bakanogala ikoko mahhuba mahomanana.
- African Kalanga
Nzano we Bajuta we Pinda Pehhugwi wakabe wabe pedlo, ndizo Jesu kayenda ku Jerusalema.
- English14
In the temple courts he found men selling cattle, sheep and doves, and others sitting at tables exchanging money.
African KalangaKawana banhu betengesa ng'ombe ne mwhizi ne ngurukuku mu bhakasa le Ng'umba ye Ndzimu ne bakabe betenganya mari bali gele pa tafuli.
- English15
So he made a whip out of cords, and drove all from the temple area, both sheep and cattle; he scattered the coins of the money changers and overturned their tables.
African KalangaKathama rwabha ye nsungo ngono kabatatila kuhhe kwe bhakasa le Ng'umba ye Ndzimu, kose mwhizi ne ng'ombe, katebula mari ye batenganyi be mari kapitula tafuli dzabo.
- English16
To those who sold doves he said, “Get these out of here! How dare you turn my Father’s house into a market!”
African KalangaKabva ibabo bakabe betengesa ngurukuku kati, “Dusani zwinhu izwezwi ipapa muletje thama Ng'umba ya Tate matengeselo!”
- African Kalanga
Badiyiwa babe bakakumbula tjakakwagwa mu whalo dze Ndzimu kuyi, “Tukutilila ng'umba yenyu kowondidla.”
- English18
Then the Jews demanded of him, “What miraculous sign can you show us to prove your authority to do all this?”
African KalangaIpapo Bajuta bakambva bakati, “Nditjipi tjilakidzo tjaungathama kulakidza ndaulo ye thama zwinhu izwezwi?”
- African Kalanga
Jesu kahandula eti, “Kolomodzani Ng'umba iyeyi ye Ndzimu, ngono ndowoyimusa mu mahhuba matatu.”
- English20
The Jews replied, “It has taken forty-six years to build this temple, and you are going to raise it in three days?”
African KalangaBajuta ndizo bakati, “Kwakatola makole ali makumi manna ana matanhatu baka Ng'umba iyeyi, ngono iwe ukati unowoyimusa mu mahhuba matatu kene?”
- African Kalanga
Koga Ng'umba ye Ndzimu yaakabe eleba ne kwayo wakabe ebva mbili uwe.
- English22
After he was raised from the dead, his disciples recalled what he had said. Then they believed the Scripture and the words that Jesus had spoken.
African KalangaKukati asinomusiwa mu bafi, badiyiwa babe bakakumbula tjaakaleba, ndizo bakagalamoyo mu whalo dze Ndzimu ne tjakalebgwa ndi Jesu.
- English23
Now while he was in Jerusalem at the Passover Feast, many people saw the miraculous signs he was doing and believed in his name.
African KalangaKukati atjimu Jerusalema mu Nzano we Pinda Pehhugwi, banji bakagalamoyo mu zina lile bebona zwilakidzo zwaakabe ethama.
- African Kalanga
Koga Jesu wakabe asingabagalebgwe ngobe wakabe eziba banhu bose.
- African Kalanga
Wakabe asingahake kulebelekegwa ne nhu, ngobe eziba tjimu nkumbulo we nhu.
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.