The English-Kalanga Bilingual Language Learning Bible
New Testament
Read each verse in English beside its African Kalanga equivalent.
John 21English
Johani 21African Kalanga
- English1
Afterward Jesus appeared again to his disciples, by the Sea of Tiberias. It happened this way:
African KalangaHule kwa ikoku, Jesu kazwilakidza ku badiyiwa babe kakale pa gungwa gwe Tibheriyasi. Wakazwilakidza sa whoku:
- English2
Simon Peter, Thomas (called Didymus), Nathanael from Cana in Galilee, the sons of Zebedee, and two other disciples were together.
African KalangaKwakabe kuli, Simoni Pita wakabe ana Tomasi unodang'wa Bili na Natanaele unobva ku nzi we Kana mu ntunhu we Galili ne bakololo ba Zebhedi ne bamwe badiyiwa ba Jesu babili; bose bakabe bali yapo.
- English3
“I’m going out to fish,” Simon Peter told them, and they said, “We’ll go with you.” So they went out and got into the boat, but that night they caught nothing.
African KalangaSimoni Pita kababva kati, “Ndonobhata whobe.” Bakan'dabila beti, “Naswi toyendabo nawe.” Bakamilika bakayenda bali mu n'goro, ngono bakahaya tjababhata busiku igogo.
- English4
Early in the morning, Jesus stood on the shore, but the disciples did not realize that it was Jesus.
African KalangaKukati mangwanana, Jesu kama pa mhili, koga badiyiwa bakasizibe kuti ndiye.
- African Kalanga
Kababhuzwa kati, “Bana, apa muna whobe kene?” Bakan'dabila beti, “Aa, atina.”
- English6
He said, “Throw your net on the right side of the boat and you will find some.” When they did, they were unable to haul the net in because of the large number of fish.
African KalangaKababva kati, “Poselani gwanga tjeku ludli gwe n'goro, mowobhata dzimwe.” Bakaposela gwanga ngono bakakong'wa kugukwebela mu n'goro, ngobe babhata whobe njinji.
- English7
Then the disciple whom Jesus loved said to Peter, “It is the Lord!” As soon as Simon Peter heard him say, “It is the Lord,” he wrapped his outer garment around him (for he had taken it off) and jumped into the water.
African KalangaN'diyiwa wakabe ediwa ndi Jesu kati kuna Pita, “Ndi He!” Simoni Pita kati ewha kuti ndi He kazwipomba ne hazu iye, ngobe wakabe ambula zwiambalo zwizwe, kabe etjulukila mu vula.
- English8
The other disciples followed in the boat, towing the net full of fish, for they were not far from shore, about a hundred yards.
African KalangaBadiyiwa bamwe bakantobela ku mhili bali mu n'goro, bekweba gwanga guli hhele whobe. Bakabe basi kule kwazo ne mhili, kwakabe kungabe zana le mitha.
- African Kalanga
Bakati beswika pa mhili, bakabona moto ipapo, kwakagotjewa whobe ne tjiwunga muuli.
- African Kalanga
Jesu kati kubali, “Hhisani dzimwe whobe dzamabhata ngwenu.”
- English11
Simon Peter climbed aboard and dragged the net ashore. It was full of large fish, 153, but even with so many the net was not torn.
African KalangaSimoni Pita kangina mu n'goro kakwebela gwanga mu mhili guli hhele whobe whulu. Dzose dzakabe dzili zana lina makumi mahanu ana nhatu (153). Nenguba dzakabe dzili bunjinji kungapo, adzizopalula gwanga.
- English12
Jesus said to them, “Come and have breakfast.” None of the disciples dared ask him, “Who are you?” They knew it was the Lord.
African KalangaJesu kati kubali, “Ihhani mudle!” Akuna wabo wakabe ne tjilopa kumbhuzwa kuti, “Ndiwe ani?” ngobe bakabe baziba kuti ndi He.
- African Kalanga
Jesu kahha katola tjiwunga, kabapa itjo, kabapa ne whobe.
- English14
This was now the third time Jesus appeared to his disciples after he was raised from the dead.
African KalangaOku kwakabe kuli gwe butatu Jesu ezwilakidza ku badiyiwa babe hule kwe musiwa kukwe mu bafi.
- English15
When they had finished eating, Jesus said to Simon Peter, “Simon son of John, do you truly love me more than these?” “Yes, Lord,” he said, “you know that I love you.” Jesus said, “Feed my lambs.”
African KalangaKukati bapedza dla, Jesu kati kuna Simoni Pita, “Simoni nkololo wa Johani, apa unondida kupinda ibaba kene?” Pita kan'dabila eti, “Ee, He, moziba kuti ndomuda.” Jesu kati kuunli, “Fudza mwhizana dzangu.”
- English16
Again Jesus said, “Simon son of John, do you truly love me?” He answered, “Yes, Lord, you know that I love you.” Jesus said, “Take care of my sheep.”
African KalangaJesu kati gwe bubili kuna Simoni, “Simoni, Nkololo wa Johani, apa unondida kene?” Simoni kadabila eti, “Ee, He, moziba kuti ndomuda.” Jesu kati kuunli “Lisa mwhizi dzangu.”
- English17
The third time he said to him, “Simon son of John, do you love me?” Peter was hurt because Jesus asked him the third time, “Do you love me?” He said, “Lord, you know all things; you know that I love you.”
African KalangaJesu kati gwe butatu, “Simoni nkololo wa Johani, apa unondida kene?” Pita kawha zogwadza, ngobe Jesu embhuzwa gwe butatu eti, “Apa unondida kene?” Kan’handula eti, “He, moziba tjimwe ne tjimwe. Moziba kuti ndomuda!” Jesu kambva kati, “Fudza mwhizi dzangu.
- English18
Jesus said, “Feed my sheep. I tell you the truth, when you were younger you dressed yourself and went where you wanted; but when you are old you will stretch out your hands, and someone else will dress you and lead you where you do not want to go.”
African KalangaNdolebesa tjose nditi, wakati uli ntjetjana wakabe uzwiambadza ukamilika ukayenda kumwe ne kumwe kwaunoda, koga ha wakwegula, unowotambunudza maboko awo ukaambadziwa ne mmwe kabuya kakuyisa kwausingade.”
- English19
Jesus said this to indicate the kind of death by which Peter would glorify God. Then he said to him, “Follow me!”
African KalangaJesu wakaleba matama iyawa elakidza kuti Pita unowofa lufu gwakatini kukudza Ndzimu. Ipapo Jesu kambva kati, “Unditobele!”
- English20
Peter turned and saw that the disciple whom Jesus loved was following them. (This was the one who had leaned back against Jesus at the supper and had said, “Lord, who is going to betray you?”)
African KalangaPita katjebuka hule, ngono kabona n'diyiwa wakabe ediwa ndi Jesu akabatobela; n'diyiwa iwoyo ndiye wakabe akanayila Jesu pa tjilayilo ekowombhuzwa eti, “He, ndiani unowomuwonga kene?”
- African Kalanga
Pita kati embona, kabhuzwa Jesu eti, “He, oyu iye kee?”
- English22
Jesus answered, “If I want him to remain alive until I return, what is that to you? You must follow me.”
African KalangaJesu kan'dabila eti, “Ha ndida kuti atjile kudzina ndibuya, uneni nako? Unditobele!”
- English23
Because of this, the rumor spread among the brothers that this disciple would not die. But Jesus did not say that he would not die; he only said, “If I want him to remain alive until I return, what is that to you?”
African KalangaKubva ipapo kukaandama makwayi mu badiyiwa ekuti n'diyiwa iwoyo aatowofa. Koga Jesu wakabe asati, “Aatowofa.” Wakabe ati, “Ha ndida kuti atjile kudzina ndibuya, uneni nako?”
- English24
This is the disciple who testifies to these things and who wrote them down. We know that his testimony is true.
African KalangaN'diyiwa iwoyo ndiye unotendeka nekwe zwinhu izwezwi kakale ndiye wakazwikwala, ngono toziba kuti butendeki gugwe gu malebeswa.
- English25
Jesus did many other things as well. If every one of them were written down, I suppose that even the whole world would not have room for the books that would be written.
African KalangaKuna zwinhu zwimwebo zwinjinji zwakahingiwa ndi Jesu. Ha tjimwe ne tjimwe tjazo tjakabe tjakwagwa, ndobvuma kuti hango yose yabe isingawotubula kuwanila magalo whalo dzazwakakwagwa mudzili.
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.