The English-Kalanga Bilingual Language Learning Bible
New Testament
Read each verse in English beside its African Kalanga equivalent.
John 6English
Johani 6African Kalanga
- English1
Some time after this, Jesus crossed to the far shore of the Sea of Galilee (that is, the Sea of Tiberias),
African KalangaKubva ipapo, Jesu katjulukila seli kwe gungwa gwe Galili linodang'wa kakale gungwa gwe Tibheriyasi.
- English2
and a great crowd of people followed him because they saw the miraculous signs he had performed on the sick.
African KalangaNgono wakatobegwa ne mbunga nkulu we banhu, ngobe bakabe babona zwilakidzo zwizwe zwe podza bagwele.
- African Kalanga
Jesu katanha dombo kagala pasi ne badiyiwa babe.
- African Kalanga
Nzano we Bajuta we Pinda Pehhugwi wakabe wabe pejo.
- English5
When Jesus looked up and saw a great crowd coming toward him, he said to Philip, “Where shall we buy bread for these people to eat?”
African KalangaNgono Jesu wakati emilidza meho kabona mbunga we banhu uhha kuunli, ndizo kabva Filipo kati, “Towobatengela poni tjiwunga kuti badle?”
- African Kalanga
Wakabe ebhuzwa ikoku kulika Filipo, ngobe iye ne kukwe wakabe eziba tjaanowohinga.
- English7
Philip answered him, “Eight months’ wages would not buy enough bread for each one to have a bite!”
African KalangaFilipo kan’handula eti, “Tjiwunga tje themba ye mari e siliva ali mazana mabili (200) atjingalizane kuti mmwe ne mmwe wabo alabile.”
- African Kalanga
Mmwe we badiyiwa babe unoyi Enduru, nnung'una wa Simoni Pita kati kuunli,
- English9
“Here is a boy with five small barley loaves and two small fish, but how far will they go among so many?”
African Kalanga“Kuna mbisana ipapa una zwiwunga zwe bhali zwitukununu zwihanu ne whobe nhukununu dzili mbili; koga azwingalizane banhu ibaba bose.”
- English10
Jesus said, “Have the people sit down.” There was plenty of grass in that place, and the men sat down, about five thousand of them.
African KalangaJesu kababva kati, “Gadzani banhu pasi.” Kwakabe kuna diwha njinji ipapo. Ngono balume bali zwiwulu zwili zwihanu bakagala pasi.
- English11
Jesus then took the loaves, gave thanks, and distributed to those who were seated as much as they wanted. He did the same with the fish.
African KalangaJesu katola zwiwunga izwezo, kati aboka kazwikobela banhu ibabo bakabe bali gele pasi. Kapamha kabokela whobe, ngono bose bakawana kwakabalizana.
- English12
When they had all had enough to eat, he said to his disciples, “Gather the pieces that are left over. Let nothing be wasted.”
African KalangaKukati baguta bose, kati ku badiyiwa babe, “Kubunganyani mamburumburu asala, kuti kusibe ne tjinotebugwa.”
- English13
So they gathered them and filled twelve baskets with the pieces of the five barley loaves left over by those who had eaten.
African KalangaIpapo bakaakubunganya wose bakahhadza seme dzili gumi lina mbili ne mamburumburu akasala mu zwiwunga zwihanu zwakabe zwadliwa ne banhu.
- English14
After the people saw the miraculous sign that Jesus did, they began to say, “Surely this is the Prophet who is to come into the world.”
African KalangaBanhu bakati babona tjilakidzo tjathamwa ndi Jesu bakati, “Malebeswa dumbu, oyu ndiye nlebesambeli wakalingiligwa hha mu hango.”
- English15
Jesus, knowing that they intended to come and make him king by force, withdrew again to a mountain by himself.
African KalangaJesu wakati ebona kuti bakazwimisila kunkombeledza kuti abe He nkulu wabo, kabasiya kayenda kakale ku dombo ali yega.
- African Kalanga
Kukati kwabe madekwana, badiyiwa babe bakadelukila ku gungwa,
- English17
where they got into a boat and set off across the lake for Capernaum. By now it was dark, and Jesus had not yet joined them.
African Kalangabakangina mu n'goro, bakatjulukila seli kwe gungwa bakalinga ku Kapenaume. Kwakabe busiku Jesu asanhu kahha kubali.
- African Kalanga
Vula ye gungwa yakabe ikapha kwainobe matunhu, ngobe kwakabe kuna mhepo ina masimba kwazo.
- English19
When they had rowed three or three and a half miles, they saw Jesus approaching the boat, walking on the water; and they were terrified.
African KalangaNgono Badiyiwa bakati bayenda nhambo ingapa khilomitha hanu kene tanhatu bakabona Jesu enangayila pehhugwi kwe vula, ehha tjapedlo ne n'goro wabo, ngono bakahla kwazo.
- African Kalanga
Koga Jesu kababva kati, “Ndimi, musihle!”
- English21
Then they were willing to take him into the boat, and immediately the boat reached the shore where they were heading.
African KalangaIpapo bakan'amutjila kangina mu n'goro, kukati tjinyolotjo bakaswika pa mhili ye gungwa babe mu hango yabakabe beyenda ku ili.
- English22
The next day the crowd that had stayed on the opposite shore of the lake realized that only one boat had been there, and that Jesus had not entered it with his disciples, but that they had gone away alone.
African KalangaTjimuka mbunga wakabe walala seli kwe gungwa wakabona kuti kwakabe kuna n'goro nng'ompela ipapo wakayenda ne badiyiwa, ngono Jesu wakabe asangina mu unli.
- English23
Then some boats from Tiberias landed near the place where the people had eaten the bread after the Lord had given thanks.
African KalangaIpapo kukaswika imwe migoro ibva ku Tibheriyasi, ikama tjapedlo ne pakabe pedligwa tjiwunga ne banhu, tjabva pabokegwa ndi He.
- English24
Once the crowd realized that neither Jesus nor his disciples were there, they got into the boats and went to Capernaum in search of Jesus.
African KalangaNgono mbunga iwoyo wakati wabona kuti Jesu aapo kose ne badiyiwa babe, ukangina mu migoro iyeyo ukayenda ku Kapenaume kunon’haka.
- English25
When they found him on the other side of the lake, they asked him, “Rabbi, when did you get here?”
African KalangaBanhu bakati bewana Jesu seli kwe gungwa, bakambhuzwa beti, “N'diyi, makaswika lini ngeno?”
- English26
Jesus answered, “I tell you the truth, you are looking for me, not because you saw miraculous signs but because you ate the loaves and had your fill.
African KalangaJesu kabadabila eti, “Ndolebesa tjose ndoti kumuli, amutondihakila kuti makabona zwilakidzo, koga mondihaka, ngobe makadla tjiwunga mukaguta.
- English27
Do not work for food that spoils, but for food that endures to eternal life, which the Son of Man will give you. On him God the Father has placed his seal of approval.”
African KalangaMusihingile zodliwa zwinotjinyika, koga hingilani zodliwa zwinogalila tjose kunoti mu butjilo gusingapele, zwamunowopiwa ne Nkololo we nhu, iye una lutjwayo gwe Ndzimu Tate.”
- African Kalanga
Bakambhuzwa bakati, “Tithameni kuti ndizo tihinge mihingo ye Ndzimu?”
- African Kalanga
Jesu kabahandula eti, “N’hingo we Ndzimu ndiwhoyu; kugalamoyo muna iye wakatumwa ne Ndzimu.”
- English30
So they asked him, “What miraculous sign then will you give that we may see it and believe you? What will you do?
African KalangaNdizo bakambhuzwa kakale beti, “Nditjipi tjilakidzo tjaunowothama, kuti tibone tikugalemoyo? Ini tjaunowohinga?
- English31
Our forefathers ate the manna in the desert; as it is written: ‘He gave them bread from heaven to eat.’”
African KalangaBobatategulu bedu bakadla mana mu tjilambanyika, sekwa kwakakwagwa kuyi ‘Mushe wakabapa tjiwunga tjinobva kudzimu kuti badle.’”
- English32
Jesus said to them, “I tell you the truth, it is not Moses who has given you the bread from heaven, but it is my Father who gives you the true bread from heaven.
African KalangaJesu kati kubali, “Ndolebesa tjose ndoti kumuli, Mushe ate iye wakamupa tjiwunga tjinobva kudzimu, koga Tate ndibo banomupa tjiwunga tjakwako tjinobva kudzimu.
- African Kalanga
Ngobe tjiwunga tje Ndzimu ndiye unodeluka ebva kudzimu kuwopa bamu hango butjilo.”
- African Kalanga
Bakankumbila bakati, “He, kubvila nasi mutipe tjiwunga itjetji.”
- English35
Then Jesus declared, “I am the bread of life. He who comes to me will never go hungry, and he who believes in me will never be thirsty.
African KalangaJesu kababva kati, “Ndimi tjiwunga tje butjilo, iye unohha kundili aatjowobe ne hhala, na iye unogalamoyo mundili aatjowobe ne nyota.
- African Kalanga
Koga sekwa ndamubudza kuti nenguba makandilinga mundibona, amutogalamoyo.
- English37
All that the Father gives me will come to me, and whoever comes to me I will never drive away.
African KalangaBose bandinopiwa ndi Tate banowohha kundili, ngono iye unohha kundili anditowontata,
- African Kalanga
Ngobe ndakadeluka ndibva kudzimu ndisingawohinga da kwangu, koga ndowohinga da kwa iye wakandituma.
- English39
And this is the will of him who sent me, that I shall lose none of all that he has given me, but raise them up at the last day.
African KalangaOku ndiko da kwe wakandituma, kuti kuhaye wandilahikila we banhu bose bandakapiwa, koga ndibamuse bose mu hhuba le bupelo.
- English40
For my Father’s will is that everyone who looks to the Son and believes in him shall have eternal life, and I will raise him up at the last day.”
African KalangaNgobe da kwa Tate ndiwhoku, whuti bose banowobona Nkololo bakagalamoyo muunli, bapiwe butjilo gusingapele. Ndizo ndowobamusa mu hhuba le bupelo.”
- English41
At this the Jews began to grumble about him because he said, “I am the bread that came down from heaven.”
African KalangaIpapo Bajuta bakang'ong'ola ne kukwe, ngobe ati, “Ndimi tjiwunga tjakadeluka tjibva kudzimu.”
- English42
They said, “Is this not Jesus, the son of Joseph, whose father and mother we know? How can he now say, ‘I came down from heaven’?”
African KalangaNgono bakati, “Apa ate ali Jesu nkololo wa Josefa iwoyu kene, tate babe na mmeyabe batinoziba? Kohha tjini kuti ati ‘Ndakadeluka ndibva kudzimu?’”
- African Kalanga
Jesu kabadabila eti, “Letjani ng'ong'ola.
- English44
“No one can come to me unless the Father who sent me draws him, and I will raise him up at the last day.
African KalangaAkuna ungahha kundili asakwebiwa ndi Tate bakandituma, ngono ndowommusa mu hhuba le bupelo.
- English45
It is written in the Prophets: ‘They will all be taught by God.’ Everyone who listens to the Father and learns from him comes to me.
African KalangaBalebesambeli bakakwala beti, ‘Bose banowodiyiwa ne Ndzimu.’ Mmwe ne mmwe wakawha Tate kazwidiya mubali unohha kundili.
- African Kalanga
Akuna wakatongo bona Tate kuhhe kwa iye wakabva ku Ndzimu, ndiye ega wakabona Tate.
- African Kalanga
Ndolebesa tjose ndoti kumuli, iye unogalamoyo una butjilo gusingapele.
- African Kalanga
Ndimi tjiwunga tje butjilo.
- African Kalanga
Bobatategulu benyu bakadla mana mu tjilambanyika, koga bakafa.
- African Kalanga
Koga etji tjiwunga tjinobva kudzimu, ngono iye unotjidla aatowofa.
- English51
I am the living bread that came down from heaven. If anyone eats of this bread, he will live forever. This bread is my flesh, which I will give for the life of the world.”
African KalangaNdimi tjiwunga tjinotjila tjakadeluka tjibva kudzimu. Ha nhu edla tjiwunga itjetji unowotjilila tjose. Tjiwunga itjetji tjandinopa i nyama yangu yandinowopila butjilo gwe hango.”
- English52
Then the Jews began to argue sharply among themselves, “How can this man give us his flesh to eat?”
African KalangaBajuta bakatangisa nyanyayidzana beti, “Iwoyu nlume ungatipa nyama iye kuti tiidle tjini?”
- English53
Jesus said to them, “I tell you the truth, unless you eat the flesh of the Son of Man and drink his blood, you have no life in you.
African KalangaJesu kati kubali, “Ndolebesa tjose ndoti kumuli, kuhhe kwe kuti mudle nyama ye Nkololo we nhu, mung'we kose ne malopa awe, amuna butjilo mumuli.
- English54
Whoever eats my flesh and drinks my blood has eternal life, and I will raise him up at the last day.
African KalangaIye unowodla nyama yangu, kang'wa malopa angu, unowowana butjilo gusingapele, kakale ndowommusa mu hhuba le bupelo.
- African Kalanga
Ngobe nyama yangu zodliwa zwakwako ne malopa angu tjing'o tjakwako.
- African Kalanga
Iye unodla nyama yangu, kang'wa malopa angu, unogala mundili, namibo agala munli.
- English57
Just as the living Father sent me and I live because of the Father, so the one who feeds on me will live because of me.
African KalangaKoga sa Tate banotjila bakandituma, ngono ndotjila ndibo, na iyebo unowodla mbili wangu unowotjila ndimi.
- English58
This is the bread that came down from heaven. Your forefathers ate manna and died, but he who feeds on this bread will live forever.”
African KalangaEtji nditjo tjiwunga tjakadeluka tjibva kudzimu, atjitonga mana yakadliwa ndi bobatategulu benyu ngono bakafa. Koga iye unodla tjiwunga itjetji unowotjilila tjose.”
- African Kalanga
Jesu wakaleba zwinhu izwezwi ali mu ng'umba ye mitembezelo mu Kapenaume.
- African Kalanga
Bunji gwe badiyiwa babe gukati guwha ikoku gukati, “Oku whudiya kwakasima. Ndiani ungakuwhilila?”
- English61
Aware that his disciples were grumbling about this, Jesus said to them, “Does this offend you?
African KalangaJesu kaziba kuti badiyiwa babe banong'ong'ola nekwa ikoku, ngono kati kubali, “Apa ikoku komukunha kene?
- African Kalanga
Kowotini ngono ha mubona Nkololo we nhu etanhila kwaakabe aliko mu kutanga?
- English63
The Spirit gives life; the flesh counts for nothing. The words I have spoken to you are spirit and they are life.
African KalangaMeya ndiyo inopa butjilo, nyama aina n’hingo. Matama andaleba kumuli anowomuhhisila Meya kakale anowomuhhisila butjilo.
- English64
Yet there are some of you who do not believe.” For Jesus had known from the beginning which of them did not believe and who would betray him.
African KalangaKoga bamwe benyu abatogalamoyo.” Jesu wakabe eziba kubvila mu kutangisa, kuti ndiboani basingawogalamoyo ne ne kuti ndiani unowon'wonga.
- English65
He went on to say, “This is why I told you that no one can come to me unless the Father has enabled him.”
African KalangaNgono kapamha kati, “Ndizo ndamubudza kuti akuna ungahha kundili kuhhe kwa Tate banthama kuti apundule.”
- African Kalanga
Hule kwa ikoku, bunji gwe badiyiwa babe bakansiya bakasitjayende naye.
- African Kalanga
Jesu kabhuzwa badiyiwa bali gumi lina babili kati, “Apa namwibo mohaka yendabo kene?”
- African Kalanga
Simoni Pita kan’handula eti, “He, apa tingayenda kuna ani kene? Imwi ndimwi muna matama e butjilo gusingapele.
- African Kalanga
Iswi togalamoyo kakale toziba kuti ndimwi N'yengemali Uyega we Ndzimu.”
- African Kalanga
Jesu kahandula eti, “Apa andizomuhalula muli gumi lina babili kene? Koga mmwe wenyu Nvanganyi!”
- English71
(He meant Judas, the son of Simon Iscariot, who, though one of the Twelve, was later to betray him.)
African KalangaWakabe elebeleka nekwa Judasi, nkololo wa Simoni Isikariyoti, ngobe Judasi ne akabe ali mmwe we badiyiwa bali gumi lina babili, wakabvapo kan'wonga.
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.