The English-Kalanga Bilingual Language Learning Bible
New Testament
Read each verse in English beside its African Kalanga equivalent.
John 7English
Johani 7African Kalanga
- English1
After this, Jesus went around in Galilee, purposely staying away from Judea because the Jews there were waiting to take his life.
African KalangaHule kwa ikoku Jesu kayenda yenda mu Galili, wakabe asingahake yenda mu Judiya, ngobe Bajuta baikoko bakabe behaka mbulaya.
- African Kalanga
Ngono kwakati Nzano we Bajuta we Mihaha wabe pedlo,
- English3
Jesus’ brothers said to him, “You ought to leave here and go to Judea, so that your disciples may see the miracles you do.
African Kalangabanung'una ba Jesu bakati kuunli, “Bhuda mu bugalo igogu uyende ku Judiya, kuti ndizo badiyiwa babo babone mihingo yaunohinga.
- English4
No one who wants to become a public figure acts in secret. Since you are doing these things, show yourself to the world.”
African KalangaAkuna unosumbika tjaanohinga ha ehaka kuti azibgwe. Se uthama zwinhu izwezwi, thama kuti hango izibe ne kuko.”
- African Kalanga
Banung'una babe bakabe basingagalemoyo muunlibo.
- English6
Therefore Jesus told them, “The right time for me has not yet come; for you any time is right.
African KalangaJesu kati kubali, “Lubaka gwakafanila agwanhu gwakaswika, kumuli lubaka gumwe ne gummwe gwakalulwama.
- African Kalanga
Hango aingamubenge, koga imi inondibenga, ngobe ndogala nditendeka nekwe mihingo yayo yakayipa.
- English8
You go to the Feast. I am not yet going up to this Feast, because for me the right time has not yet come.”
African KalangaImwi yendani ku nzano. Imi anditoyenda ku nzano iwoyu, ngobe lubaka gwangu agwanhu gukaswika.”
- African Kalanga
Wakati aleba ejalo kagala mu Galili.
- English10
However, after his brothers had left for the Feast, he went also, not publicly, but in secret.
African KalangaKoga kukati banung'una babe bayenda ku nzano iwoyo, Jesu kamilika kayendabo akabgwata.
- African Kalanga
Bajuta bakabe ben’haka ku nzano, bebhuzwa beti, “Nlume iwoyo uponi kene?”
- African Kalanga
Ngono banhu bakanyebezela kwazo ne kukwe. Bamwe beti, “Nlume wakalulwama.” Bamwe beti, “Akuzojalo, unodzimidza banhu.”
- English13
Others replied, “No, he deceives the people.” But no one would say anything publicly about him for fear of the Jews.
African KalangaKoga kwakabe kusina unoleba ne kukwe epubula, ngobe bakabe behla Bajuta.
- English14
Not until halfway through the Feast did Jesus go up to the temple courts and begin to teach.
African KalangaNzano wakati wabe pakati, Jesu kayenda ku Ng'umba ye Ndzimu kaswika katangisa diya.
- English15
The Jews were amazed and asked, “How did this man get such learning without having studied?”
African KalangaBajuta bakakaabala ngono bakabhuzwana beti, “Nlume iwoyu wakawana luzibo igogu poni asakadiyika?”
- African Kalanga
Jesu kahandula eti, “Zwidiyo zwandinodiya azwitobva mundili, koga zobva kuna iye wakandituma.
- English17
If anyone chooses to do God’s will, he will find out whether my teaching comes from God or whether I speak on my own.
African KalangaAkuna mmwe unoda hinga da kwe Ndzimu unowotubula ziba kuti diya kwangu kobva ku Ndzimu kene ndozwilebegwa koga.
- English18
He who speaks on his own does so to gain honor for himself, but he who works for the honor of the one who sent him is a man of truth; there is nothing false about him.
African KalangaIye unozwilebegwa, unozwihakigwa tjilumbi. Koga iye unohaka gudzo le wakantuma, una malebeswa muunli akuna manyepkhwa.
- English19
Has not Moses given you the law? Yet not one of you keeps the law. Why are you trying to kill me?”
African KalangaApa Mushe azomupa nlayo kene, koga akuna wenyu unoulondolodza. Apa ini mugwisa kundibulaya kene?”
- African Kalanga
Banhu bakan’handula beti, “Una meya mbi mukuli iwe! Ndiani unogwisa kukubulaya?”
- African Kalanga
Jesu kabahandula eti, “Ndathama n’hingo nng'ompela koga, ngono matjenama mose.
- English22
Yet, because Moses gave you circumcision (though actually it did not come from Moses, but from the patriarchs), you circumcise a child on the Sabbath.
African KalangaMushe wakamulaya nekwe thumbigwa, nenguba Mushe asi iye wakakutangisa, kwakatangisiwa ndi bobatategulu benyu, ngono mothumbila mbisana mu nsi we Sabatha.
- English23
Now if a child can be circumcised on the Sabbath so that the law of Moses may not be broken, why are you angry with me for healing the whole man on the Sabbath?
African KalangaApa ha muthumbila mbisana ne Sabatha kuti ndizo musitjuluke nlayo wa Mushe, ini mundigwadzilamoyo, ngobe ndapodza nhu mbili uwe wose ne nsi we Sabatha?
- African Kalanga
Letjedzani sumikilisa zwinhu kuyendidzana ne mbumbiko yazo, musumikilise zwinhu ne kusumikilisa kwakalulwama.”
- English25
At that point some of the people of Jerusalem began to ask, “Isn’t this the man they are trying to kill?
African KalangaIpapo bamwe banhu be Jerusalema bakati, “Apa iwoyu nlume ate ali iye wabanogwisa bulaya kene?
- English26
Here he is, speaking publicly, and they are not saying a word to him. Have the authorities really concluded that he is the Christ?
African KalangaBonani! Unolebeleka ali patjena, ngono batungamili abatombva tjimwe! Apa angabe malebeswa kuti banoziba kuti ndiye Mesiya kene?
- English27
But we know where this man is from; when the Christ comes, no one will know where he is from.”
African KalangaMesiya ha ehha, akuna unowoziba kwaanobva. Koga tose toziba kunobva nlume iwoyu.”
- English28
Then Jesus, still teaching in the temple courts, cried out, “Yes, you know me, and you know where I am from. I am not here on my own, but he who sent me is true. You do not know him,
African KalangaNgono Jesu kati atjadiya mu Ng'umba ye Ndzimu kamilidza whi kati, “Apa mondiziba wali ne kwandinobva mokuziba kene? Imi andizozwihhigwa, ngono iye wakandituma una malebeswa. Imwi amutonziba,
- African Kalanga
koga imi ndonziba, ngoti ndibva kuunli, akandituma.”
- English30
At this they tried to seize him, but no one laid a hand on him, because his time had not yet come.
African KalangaIpapo bakagwisa kumbhata, koga kukahaya wankuma, ngobe lubaka gugwe gwakabe gusanhu gukaswika.
- English31
Still, many in the crowd put their faith in him. They said, “When the Christ comes, will he do more miraculous signs than this man?”
African KalangaBanhu banjinji bakabe bali mu mbunga iwoyo bakagalamoyo ngono bakati, “Apa Mesiya unowoti ehha, kathama zwilakidzo zwinopinda zwa iwoyu nlume kene?”
- English32
The Pharisees heard the crowd whispering such things about him. Then the chief priests and the Pharisees sent temple guards to arrest him.
African KalangaBafarasi bakawha banhu benyebezela zwinhu izwezwi nekwa Jesu, ndizo ibo ne Bapirisiti bakulu bakatuma balindi be Ng'umba ye Ndzimu kunonsunga.
- African Kalanga
Jesu kalebeleka kati, “Ndowobe namwi kwe lubaka gufupi, kubva ipapo ndowobgwilila kuna wakandituma.
- African Kalanga
Mowondihaka, koga amutowondibona, ngobe amungayende kwandinowobe ndiliko.”
- English35
The Jews said to one another, “Where does this man intend to go that we cannot find him? Will he go where our people live scattered among the Greeks, and teach the Greeks?
African KalangaBajuta bakabhuzwana beti, “Ndi poni kwaanowoyenda kwatisingake tikambona? Kene unowoyenda ku Bajuta ba kanyi kwedu baku Giriki enodiya BaGiriki?
- English36
What did he mean when he said, ‘You will look for me, but you will not find me,’ and ‘Where I am, you cannot come’?”
African KalangaKati towon’haka koga atitowombona, kakale atingayende kwaanowobe aliko. Unobvani kene?”
- English37
On the last and greatest day of the Feast, Jesus stood and said in a loud voice, “If anyone is thirsty, let him come to me and drink.
African KalangaMu hhuba le bupelo ilo hhuba gulu le nzano, Jesu kamilika kalebelekela pehhugwi eti, “Kene ali ani una nyota ngaahhe kundili awong'wa.
- English38
Whoever believes in me, as the Scripture has said, streams of living water will flow from within him.”
African KalangaIye unogalamoyo mundili sekwa kwakakwagwa mu whalo dze Ndzimu, kowowunga whobana dze vula inopa butjilo.”
- English39
By this he meant the Spirit, whom those who believed in him were later to receive. Up to that time the Spirit had not been given, since Jesus had not yet been glorified.
African KalangaWakabe elebeleka nekwe Meya yakayengemala, inowoamutjigwa ne banogalamoyo muunli. Mu lubaka igogo Meya yakayengemala yakabe isanhu ikapiwa banhu, ngobe Jesu wakabe asanhu kakudziwa.
- African Kalanga
Bamwe banhu bakati bewha matama iyawa bakati, “Iwoyu nlume Nlebesambeli tjose!”
- English41
Others said, “He is the Christ.” Still others asked, “How can the Christ come from Galilee?
African KalangaBamwe bakati, “Ndiye Mesiya!” Koga bamwe bakati, “Mesiya aatowohha ebva ku Galili!
- English42
Does not the Scripture say that the Christ will come from David’s family and from Bethlehem, the town where David lived?”
African KalangaKwakakwagwa kuti Mesiya unowobe ebva mu ludzi gwa He Dafite, unowozwaligwa mu Bhetelehema nzi wakabe ugala Dafite.”
- African Kalanga
Ndizo kukabe ne kuthubukana mu banhu, benyanyayidzana nekwa Jesu.
- African Kalanga
Bamwe bakahaka kumbhata, koga kukahaya wambiga luboko.
- English45
Finally the temple guards went back to the chief priests and Pharisees, who asked them, “Why didn’t you bring him in?”
African KalangaKukati balindi be Ng'umba ye Ndzimu bebgwilila ku Bapirisiti bakulu ne Bafarasi, bakababhuzwa beti, “Ini musahha naye?”
- African Kalanga
Balindi be Ng'umba ye Ndzimu bakabadabila beti, “Akuna nnhu wakatongo lebeleka sa iwoyu nlume!”
- African Kalanga
Bafarasi bakababhuzwa beti, “Apa namwibo matjengedzeka kene?
- African Kalanga
Apa kuna mmwe we babusi kene we Bafarasi wakatongo galamoyo muunli?
- African Kalanga
Koga mbunga usingazibe tjimwe nekwe nlayo, una bhiso.”
- African Kalanga
Mmwe we Bafarasi ibaba wakabe ali Nikodemo, iye wakatongo yenda kuna Jesu. Kabva bamwe kati,
- African Kalanga
“Apa nlayo wedu unobvuma kuti nhu abong'we nlandu asanhu kateedziwa kukazibgwa kuti ini ethama tjaanothama kene?”
- English52
They replied, “Are you from Galilee, too? Look into it, and you will find that a prophet does not come out of Galilee.”
African KalangaBakan’handula beti, “Apa nawebo unobva ku Galili kene? Linga mu whalo dze Ndzimu, unowobona kuti akuna nlebesambeli ungatongo bva ku Galili.”
- African Kalanga
[Ndizo mmwe ne mmwe kabgwilila kanyi kwabo.]
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.