The English-Kalanga Bilingual Language Learning Bible
New Testament
Read each verse in English beside its African Kalanga equivalent.
Luke 11English
Luka 11African Kalanga
- English1
One day Jesus was praying in a certain place. When he finished, one of his disciples said to him, “Lord, teach us to pray, just as John taught his disciples.”
African KalangaLimwe hhuba Jesu wakabe etembezela mu gumwe bugalo, ngono kati epedza, mmwe we badiyiwa babe kati kuunli, “He, mutidiye tembezela, sa Johani akadiya badiyiwa babe.”
- African Kalanga
Kati kubali, “Ha mutembezela muti, ‘Tate, zina lenyu ngaliyengamadziwe, buhe gwenyu ngaguhhe.
- African Kalanga
Mutipeni hhuba ne hhuba zodliwa zwedu zwe hhuba.
- English4
Forgive us our sins, for we also forgive everyone who sins against us. And lead us not into temptation. ‘”
African KalangaMutizwiibhatigwe zwibi zwedu, ngobe naswibo tobazwiibhatigwa bose banotithamila milandu. Musitilonge mu kulikwa.’ ”
- English5
Then he said to them, “Suppose one of you has a friend, and he goes to him at midnight and says, ‘Friend, lend me three loaves of bread,
African KalangaIpapo Jesu kati kubali, “Ndiupi wenyu ungayenda ku nzwalani uwe, pakati kwe busiku eswika eti ‘Nzwalani, undiadzime zwiwunga zwitatu,
- English6
because a friend of mine on a journey has come to me, and I have nothing to set before him.’
African Kalangangobe nzwalani wangu umu gwendo wahha pandili, koga andina tjandingampa,’
- English7
“Then the one inside answers, ‘Don’t bother me. The door is already locked, and my children are with me in bed. I can’t get up and give you anything.’
African Kalangakoga ekon'dabila eti, ‘Usinditshonyonge, nkoba wahhaligwa imi ne bana bangu tayizela. Andingamuke akupa tjimwe?’
- English8
I tell you, though he will not get up and give him the bread because he is his friend, yet because of the man’s boldness he will get up and give him as much as he needs.
African KalangaNdomubudza nditi, ne asingake kamuka kampa tjiwunga, ngobe ali nzwalani uwe, koga ne moyo nlefu wa iwoyu nlume, unowomuka kampa kose kwaanohaka.”
- English9
“So I say to you: Ask and it will be given to you; seek and you will find; knock and the door will be opened to you.
African Kalanga“Ndizo ndomubudza nditi, kumbilani mowopiwa; hakani mowowana; kokodzani mowohhuligwa.
- English10
For everyone who asks receives; he who seeks finds; and to him who knocks, the door will be opened.
African KalangaMmwe ne mmwe unokumbila unoamutjila, na iye unohaka unowana, kakale ne unokokodza, unowohhuligwa.
- African Kalanga
Ndiupi mumuli imwi botate, ungati mwana uwe ekumbila whobe, kampa nyoka mu bumo gwe whobe kene?
- African Kalanga
Kene ungati ekumbila bumbulu, kampa gugubudza?
- English13
If you then, though you are evil, know how to give good gifts to your children, how much more will your Father in heaven give the Holy Spirit to those who ask him!”
African KalangaHa imwi babi, muziba pa bana benyu zwipo zwakanaka, kukulu kungapani Tate benyu ba kudzimu kwabanowopa Meya yakayengemala ibabo banobakumbila!”
- English14
Jesus was driving out a demon that was mute. When the demon left, the man who had been mute spoke, and the crowd was amazed.
African KalangaJesu wakabe edusa meya mbi we mbebebe. Kukati meya mbi yabhuda, nlume we mbebebe kalebeleka, ngono banhu bakakaabala.
- African Kalanga
Koga bamwe babo bakati, “Unodusa meya mibi ne simba la Bheelizebhuli, He we meya mibi.”
- African Kalanga
Bamwe bakanlika ne kumbila tjilakidzo tjinobva kudzimu.
- English17
Jesus knew their thoughts and said to them: “Any kingdom divided against itself will be ruined, and a house divided against itself will fall.
African KalangaKoga Jesu, ngobe eziba njalakang'wa dzabo kati kubali, “Buhe gumwe ne gumwe gwakazwithubukanya, gowokolomoka ne n’ha mmwe ne mmwe wakathubukana, unowopalala.
- English18
If Satan is divided against himself, how can his kingdom stand? I say this because you claim that I drive out demons by Beelzebub.
African KalangaHa Satani akathubukanya, buhe gugwe gungasima tjini kene? Whuti ndoleba saikoku, ngobe mukati, ndodusa meya mibi ne simba la Bheelizebhuli.
- English19
Now if I drive out demons by Beelzebub, by whom do your followers drive them out? So then, they will be your judges.
African KalangaNgono ha ili kuti ndodusa meya mibi ne simba la Bheelizebhuli, bana benyu banoidusa ne simba la ani? Ndizo banowobe basumikilisi benyu.
- African Kalanga
Koga ha ili kuti ndodusa meya mibi ne simba le Ndzimu, buhe gwe Ndzimu gwatjiswika mumuli.”
- African Kalanga
“Ha nlume wakasima akabhata zwibhayano, akalisa ng'umba iye ye buhe, thundu iye yakatjengeteka.
- English22
But when someone stronger attacks and overpowers him, he takes away the armor in which the man trusted and divides up the spoils.
African KalangaKoga ha mmwe wakasima kumpinda angan'nginilila kankunda, unotolela zwibhayano ne zwivikili nlume iwoyu zwaabe ali gelebgwe, ndizo ekokoba tjaatapa.”
- African Kalanga
“Iye usimile nami unonyanyayidzana nami, na iye usingakubunganye nami, unopaladza.”
- English24
“When an evil spirit comes out of a man, it goes through arid places seeking rest and does not find it. Then it says, ‘I will return to the house I left.’
African Kalanga“Ha meya mbi ibhuda mu nhu, inopinda mu magalo akawoma ihaka nyaluLuke, koga isingakuwane. Ipapo inoti, ‘Ndowobgwilila ku ng'umba yandakabva ku ili.’
- African Kalanga
Ha iswika, inowana ng'umba iyeyo yakatshwayigwa ili mbuyanana kakale yakalulwamisiwa.
- English26
Then it goes and takes seven other spirits more wicked than itself, and they go in and live there. And the final condition of that man is worse than the first.”
African KalangaIpapo inoyenda inotola meya imwe ili kutendeka mibi kuupinda, ngono yose inongina ikagala mukati, ndizo tjimo tje nhu iwoyo tje bupelo tjoyipa kupinda tje kutanga.”
- English27
As Jesus was saying these things, a woman in the crowd called out, “Blessed is the mother who gave you birth and nursed you.”
African KalangaKukati Jesu atjaleba zwinhu izwezwi, mmwe nkadzi pakati kwe mbunga we banhu kamilidza whi kati, “Unamhahhambuya nkadzi wakakuzwala na iye wawakamwa muunli.”
- African Kalanga
Koga Jesu kadabila eti, “Koga bana mhahhambuya ndi ibaba banowha dama le Ndzimu bakalilondolodza.”
- English29
As the crowds increased, Jesus said, “This is a wicked generation. It asks for a miraculous sign, but none will be given it except the sign of Jonah.
African KalangaKwakati mbunga we banhu ukula, Jesu kati, “Banhu ibaba bangwenu banhu babi. Banohaka tjilakidzo tjinotjenamisa, koga akuna tjilakidzo tjabanowopiwa, kuhhe kwe tjilakidzo tja Jona.
- English30
For as Jonah was a sign to the Ninevites, so also will the Son of Man be to this generation.
African KalangaSa Jona akabe ali tjilakidzo ku banhu be Ninive, Nkololo we Nhu na iye unowobe tjilakidzo ku banhu ibaba bangwenu.
- English31
The Queen of the South will rise at the judgment with the men of this generation and condemn them; for she came from the ends of the earth to listen to Solomon’s wisdom, and now one greater than Solomon is here.
African KalangaNfumakadzi we burwa unowoma ne banhu ibaba bangwenu mu nsi we sumikilisiwa, ngono unowobabona nlandu, ngobe wakahha ebva ku bhelelo le hango kuwowha butjenjebvu gwa Solomoni, ngono bonani, nkulu pana Solomoni upano.
- English32
The men of Nineveh will stand up at the judgment with this generation and condemn it; for they repented at the preaching of Jonah, and now one greater than Jonah is here.
African KalangaBalume be Ninive banowoma ne banhu ibaba bangwenu mu nsi we sumikilisiwa, koga banowobabona nlandu, ngobe bakahandukila ku Ndzimu mu kusumikila kwa Jona, ngono ngwenu bonani, nkulu pana Jona upano.”
- English33
“No one lights a lamp and puts it in a place where it will be hidden, or under a bowl. Instead he puts it on its stand, so that those who come in may see the light.
African Kalanga“Akuna unobhatidza luvone, ngono kagubiga mu magalo agunowosumbikika, kene kagufumika ne tundu. Koga unogubiga patjena kuti ndizo banongina babone tjedza.
- English34
Your eye is the lamp of your body. When your eyes are good, your whole body also is full of light. But when they are bad, your body also is full of darkness.
African KalangaHhiho lilo ndigo luvone gwe mbili uwo. Ha meho awo akalulwama, mbili uwo wose uhhele tjedza. Koga ha hhiho lilo lisakalulwama, mbili uwo wose uhhele hhalima.
- African Kalanga
Ngono ibe ne njele kuti tjedza tjimukuli tjisibe hhalima.
- English36
Therefore, if your whole body is full of light, and no part of it dark, it will be completely lighted, as when the light of a lamp shines on you.”
African KalangaNdizo, ha mbili uwo wose uli hhele tjedza, kusina ndungululo iyo mu hhalima, unowopenya tjose, se tjedza tje luvone tjikupenyela.”
- English37
When Jesus had finished speaking, a Pharisee invited him to eat with him; so he went in and reclined at the table.
African KalangaJesu kati atjalebeleka, mmwe we Bafarisi kankoka kunodla naye, ndizo kayenda kanodla naye.
- African Kalanga
Ngono Mfarisi iwoyu katjenama ebona Jesu edla asangula.
- English39
Then the Lord said to him, “Now then, you Pharisees clean the outside of the cup and dish, but inside you are full of greed and wickedness.
African KalangaIpapo He kati kuunli, “Ngono ngwenu imwi Bafarisi mosuka kuhhe kwe nkombe ne kwe ndilo, koga mukati kwenyu muhhele bugovu ne bubi.
- African Kalanga
Zwilengwe ndimwi! Apa iye wakathama kuhhe ate iyezwe wakathama mukati kene?
- African Kalanga
Koga dusani zwimukati kwe ndilo dzenyu, zwili zwipo zwe bahayi, ndizo tjimwe ne tjimwe tjowobe tjibuyanana kumuli.
- English42
“Woe to you Pharisees, because you give God a tenth of your mint, rue and all other kinds of garden herbs, but you neglect justice and the love of God. You should have practiced the latter without leaving the former undone.
African Kalanga“Yee mme wee! Mapalala imwi Bafarisi, ngobe mopa Ndzimu tjebugumi tje nvavani ne ruwe ne milibo yose, koga motjuLuke thama ndulamo ne ludo gwe Ndzimu. Mobe muyita izwezwi koga musingalahe zwimwe.
- English43
“Woe to you Pharisees, because you love the most important seats in the synagogues and greetings in the marketplaces.
African Kalanga“Yee mme wee! Mapalala imwi Bafarisi, ngobe moda zwigalo zwipehhugwi mu ng'umba dze mitembezelo ne lezwiwa mu matengeselo.
- English44
“Woe to you, because you are like unmarked graves, which men walk over without knowing it.”
African KalangaYee mme wee! Mapalala imwi, ngobe monga zwikumbu zwisakatjayiwa, zwinoti banhu bakayenda pehhugwi kwazo basingazibe.”
- English45
One of the experts in the law answered him, “Teacher, when you say these things, you insult us also.”
African KalangaMmwe we badiyi be nlayo kan'dabila kati, “N'diyi, ha uleba zwinhu izwezwi, naswibo unotituka.”
- English46
Jesus replied, “And you experts in the law, woe to you, because you load people down with burdens they can hardly carry, and you yourselves will not lift one finger to help them.
African KalangaJesu kadabila kati, “Yee mme wee! Mapalalabo imwi badiyi be nlayo, ngobe mosengesa banhu mitolo inolema, koga imwi ne kwenyu amutohaka kubabhatsha nenguba kuli kutukununu.
- English47
“Woe to you, because you build tombs for the prophets, and it was your forefathers who killed them.
African KalangaYee mme wee! Mapalala imwi ngobe mobaka zwikumbuludzo pa zwikumbu zwe balebesambeli, bakabulawa ndi bobatategulu benyu.
- English48
So you testify that you approve of what your forefathers did; they killed the prophets, and you build their tombs.
African KalangaNdizo molakidza kuti mobvumana ne tjakahingwa ndi bobatategulu benyu, bakabulaya balebesambeli, ngono imwi mobaka zwikumbuludzo pa zwikumbu zwabo.
- English49
Because of this, God in his wisdom said, ‘I will send them prophets and apostles, some of whom they will kill and others they will persecute.’
African KalangaNdizo, butjenjebvu gwe Ndzimu gwakati, ‘Ndowobatumila balebesambeli ne batumwa, ngono bamwe babo banowobabulaya, koga bamwe babo banowobadziyidza.’
- English50
Therefore this generation will be held responsible for the blood of all the prophets that has been shed since the beginning of the world,
African KalangaNdizo banhu ibaba ba ngwenu banowodabilila malopa e balebesambeli, iyawa akatebugwa kubva mu kutangisa kwe hango,
- English51
from the blood of Abel to the blood of Zechariah, who was killed between the altar and the sanctuary. Yes, I tell you, this generation will be held responsible for it all.
African Kalangakubva mu lopa la Abele kunoti mu lopa la Zakariya, wakabulayigwa pakati kwe tjibeso ne bugalo gwe Ndzimu. Ee, ndomubudza nditi, banhu ibaba bangwenu banowodabilila kose ikoku.
- English52
“Woe to you experts in the law, because you have taken away the key to knowledge. You yourselves have not entered, and you have hindered those who were entering.”
African Kalanga“Yee mme wee! Mapalala imwi badiyi be nlayo, ngobe makatola khiyi ye luzibo, koga mukasingine ngono makadzibila bakabe behaka ngina.”
- English53
When Jesus left there, the Pharisees and the teachers of the law began to oppose him fiercely and to besiege him with questions,
African KalangaKukati Jesu ebva ipapo, Bafarisi ne badiyi be nlayo bakatangisa nyanyayidzana naye ne buhongola, bembhuzwa bhuzo,
- African Kalanga
behaka mbhatshila ne ndebo.
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.