The English-Kalanga Bilingual Language Learning Bible
New Testament
Read each verse in English beside its African Kalanga equivalent.
Luke 17English
Luka 17African Kalanga
- English1
Jesus said to his disciples: “Things that cause people to sin are bound to come, but woe to that person through whom they come.
African KalangaJesu kabva badiyiwa babe kati, “Miliko ye jinyo yakafanila kuti ihhe, koga yee mme wee! Wapalala iye wainohha ndiye.
- English2
It would be better for him to be thrown into the sea with a millstone tied around his neck than for him to cause one of these little ones to sin.
African KalangaKungayita kuti asungiligwe gwiyo mu ntshibha uwe, ekowolahigwa mu gungwa, pana kuti ayite mmwe waibaba batukununu kuti atjinye.”
- African Kalanga
Ndizo muzwilise, “Ha gamu lilo LIitjinya, uliitjemele, ngono ha lihandukila matjinyo alo, ulizwiibhatigwe.
- English4
If he sins against you seven times in a day, and seven times comes back to you and says, ‘I repent,’ forgive him.”
African KalangaKoga ha likuyitila jinyo kanjinji ne hhuba, koga lihha kukuli katendeka, lizwibona nlandu liiti, ‘Ndohandukila matjinyo angu,’ ulizwiibhatigwe.”
- African Kalanga
Batumwa bakati kuna He, “Pamhidzani kugalamoyo kwedu.”
- English6
He replied, “If you have faith as small as a mustard seed, you can say to this mulberry tree, ‘Be uprooted and planted in the sea,’ and it will obey you.
African KalangaNgono He kadabila eti, “Ha mabe muna kugalamoyo kungapa mhudzi ye lusaba, mungabe muti ku nti iwoyu we malibheri, ‘Dzikunuka, udzikilike mu gungwa,’ Ngono ukamuwha.”
- English7
“Suppose one of you had a servant plowing or looking after the sheep. Would he say to the servant when he comes in from the field, ‘Come along now and sit down to eat’?
African Kalanga“Apa kuna mmwe wenyu ungati ana nlanda unolima kene unolisa mwhizi, ngono ungati iwoyo nlanda ebva ku minda kambva kati, ‘Ihha ngeno tjinyolotjo ugale pasi udle kene?’
- English8
Would he not rather say, ‘Prepare my supper, get yourself ready and wait on me while I eat and drink; after that you may eat and drink’?
African KalangaApa bukulu aangati, ‘Undithamile tjilayilo, ube undipakulila ndidle nding'we, hule kwaipapo ungadlabo ukang'wa?’
- African Kalanga
Apa unowoboka nlanda uwe, ngobe ahinga tjaabviwa kuti atjihinge kene?
- English10
So you also, when you have done everything you were told to do, should say, ‘We are unworthy servants; we have only done our duty.’”
African KalangaNdizo namwibo ha mahinga tjimwe ne tjimwe tjamabviwa kuti mu tjihinge, muti, ‘Ti balanda basi betjimwe, tahinga iwo n’hingo wedu koga.’”
- African Kalanga
Jesu kati ali mu zila eyenda ku Jerusalema, kapinda pakati kwe Samariya ne Galili.
- African Kalanga
Ngono kati engina mu mmwe nzi, balume bali gumi bakabe begwala mapele bakan’hanganidza, bakama nhambgwana, ngono
- African Kalanga
bakamilidzila mawhi abo pehhugwi bakadana beti, “Jesu, Tetshi wedu, mutiwhile ngoni!”
- English14
When he saw them, he said, “Go, show yourselves to the priests.” And as they went, they were cleansed.
African KalangaKati ebabona kababva kati, “Yendani munozwilakidza ku Bapirisiti.” Ngono bakati batjayenda bakapola.
- African Kalanga
Ipapo mmwe wabo kati ebona kuti wapola kahanduka, ekudza Ndzimu ne whi lipehhugwi.
- African Kalanga
Kazwilahila pa makumbo a Jesu kamboka. Wakabe ali Nsamariya.
- African Kalanga
Ngono Jesu kabhuzwa kati, “Apa babe basi gumi bose bapodziwa kene? Bamwe bali hhanalume bangayi?
- African Kalanga
Akuna ne ng'ompela wahandukila hule kukudza Ndzimu, kuhhe kwa iwoyu ntaya kene?”
- African Kalanga
Ipapo kati kuunli, “Milika uyende, galamoyo kuko kwakutjidza.”
- English20
Once, having been asked by the Pharisees when the kingdom of God would come, Jesus replied, “The kingdom of God does not come with your careful observation,
African KalangaJesu kati ebhuzwiwa ne Bafarisi kuti buhe gwe Ndzimu gowohha lini, kadabila eti, “Buhe gwe Ndzimu agutowohha nge zila kene ne zwilakidzo zwinobong'wa,
- English21
nor will people say, ‘Here it is,’ or ‘There it is,’ because the kingdom of God is within you.”
African Kalanganaiko banhu abatowoti ‘Wogogu kene woguyaa!’ Ngobe buhe gwe kudzimu gu mumuli.”
- English22
Then he said to his disciples, “The time is coming when you will long to see one of the days of the Son of Man, but you will not see it.
African KalangaNgono kati ku badiyiwa babe, “Misi inowohha yamunowoyemula bona limwe le mahhuba e Nkololo we Nhu, koga amutowolibona.
- African Kalanga
Bamwe banowoti kumuli, ‘Woyaa!’ Kene ‘Woyoyu!’ Musiyende, musibatobele.
- English24
For the Son of Man in his day will be like the lightning, which flashes and lights up the sky from one end to the other.
African Kalanga“Se lupenyo gwe vula gunopenya, guvoneka hhuhhugwi gubva ku lubihho kunoti ku lubihho, Nkololo we Nhu unowohha mu hhuba lile nekwakajalo.
- African Kalanga
Koga kutanga wakafanila adziyidziwe ne zwinhu zwinjinji, kakale alambiwe ne banhu bangwenu.
- African Kalanga
Sekwa kwakabe kuli iko mu misi ya Nowa, kowobe sa ikoko mu misi ye Nkololo we Nhu.
- English27
People were eating, drinking, marrying and being given in marriage up to the day Noah entered the ark. Then the flood came and destroyed them all.
African KalangaBanhu bakabe bedla beng'wa, belobola kakale belobodziwa kunoti hhuba Nowa laakangina mu ng'umba inoangama mu vula se n'goro, ngono nkubila ukahha ukalobesa banhu bose.
- English28
“It was the same in the days of Lot. People were eating and drinking, buying and selling, planting and building.
African KalangaSa ikoko, konga sekwa kwakabe iko mu misi ya Lote, banhu bakabe bedla beng'wa, betenga kakale betengesa, bedzwala kakale bebaka,
- English29
But the day Lot left Sodom, fire and sulfur rained down from heaven and destroyed them all.
African Kalangakoga nsi Lote waakabhuda mu Sodoma, Ndzimu wakanisa moto ne bgwe linonyawuka le salifa* se vula, ngono zwikabalobesa bose.
- African Kalanga
Kowobe kwakajalo mu hhuba linozumbunugwa Nkololo we Nhu.
- English31
On that day no one who is on the roof of his house, with his goods inside, should go down to get them. Likewise, no one in the field should go back for anything.
African Kalanga“Mu nsi iwoyu upehhugwi kwe denga le ng'umba ana zwidla zwizwe mukati, ngaasideluke kuzwitola. Sa ikokobo, umu nnda ngaasihandukile ku nzi.
- African Kalanga
Kumbulani nkadzi wa Lote.
- African Kalanga
Iye unogwisa tjengeta butjilo gugwe, gonlahikila, koga unopa Ndzimu kutjengeta butjilo gugwe, gombuyila.
- English34
I tell you, on that night two people will be in one bed; one will be taken and the other left.
African KalangaNdomubudza nditi, mu busiku igogo babili banowobe bali lele mu bulalo gung'ompela, koga mmwe unowotogwa mmwe kasiyiwa.
- African Kalanga
Bakadzi babili banowobe bekwiya zodliwa bose; mmwe unowotogwa mmwe kasiyiwa.”
- English37
“Where, Lord?” they asked. He replied, “Where there is a dead body, there the vultures will gather.”
African KalangaBakabhuzwa bakati, “Poni He?” Kadabila eti, “Pana tjidumbu magola anokubunganapo.”
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.