The English-Kalanga Bilingual Language Learning Bible
New Testament
Read each verse in English beside its African Kalanga equivalent.
Luke 18English
Luka 18African Kalanga
- English1
Then Jesus told his disciples a parable to show them that they should always pray and not give up.
African KalangaKubva ipapo Jesu kabudza badiyiwa babe tjifaniso, kubalakidza kuti bakafanila bagale betembezela basinganyalemoyo.
- African Kalanga
Kati, “Mu mmwe nzi kwakabe kuna nsumikilisi wakabe asingahle Ndzimu, kakale asina hanya ne nhu.
- English3
And there was a widow in that town who kept coming to him with the plea, ‘Grant me justice against my adversary.’
African KalangaNgono mu nzi iwoyo, kukabe kuna tjilikadzi yakabe igala ihha kunli i kumbila, iti, ‘Whililani tjililo tjangu, mundigwile mu tjita tjangu.’
- English4
“For some time he refused. But finally he said to himself, ‘Even though I don’t fear God or care about men,
African KalangaNgono kalamba kwe tjibakana. Koga hule kazwibva kati, ‘Nenguba ndisingahle Ndzimu, kakale ndisina hanya ne nhu,
- English5
yet because this widow keeps bothering me, I will see that she gets justice, so that she won’t eventually wear me out with her coming!’”
African Kalangakoga se tjilikadzi iyeyi igala ihha inditshonyonga, ndoyigwila mu tjita tjayo!’”
- African Kalanga
Ngono He kati, “Whililani tjinolebgwa ne nsumikilisi usakalulwama.
- English7
And will not God bring about justice for his chosen ones, who cry out to him day and night? Will he keep putting them off?
African KalangaNgono apa Ndzimu autowogwila bahalugwa bawo banolilila kuuli siku ne sikati kene? Apa ungabanonokela kene?
- English8
I tell you, he will see that they get justice, and quickly. However, when the Son of Man comes, will he find faith on the earth?”
African KalangaNdomubudza nditi, unowobagwila ne kulibilidza. Koga apa Nkololo we nhu ehha, unowowana galamoyo kuliyapo mu hango kene?”
- English9
To some who were confident of their own righteousness and looked down on everybody else, Jesus told this parable:
African KalangaKu bamwe bakabe begalabgwe kuti ibo balulwami, ngono belingila bamwe pasi, Jesu wakaleba tjifaniso etji,
- African Kalanga
“Balume babili bakatanhila ku Ng'umba ye Ndzimu kunotembezela, mmwe wabo ali Mfarisi, mmwe ali nkhethisi.
- English11
The Pharisee stood up and prayed about himself: ‘God, I thank you that I am not like other men– robbers, evildoers, adulterers–or even like this tax collector.
African Kalanga“Mfarisi kamilika, kazwitembezelela eti, ‘Ndzimu, ndomubokela kuti anditonga bamwe banhu, batoleli ne babi ne mhombgwe kene sa iwoyu nkhethisi.
- African Kalanga
Ndozwinyima zodliwa kabili ne tshipi, apa tjebugumi muna zose zwandinowana.’
- English13
“But the tax collector stood at a distance. He would not even look up to heaven, but beat his breast and said, ‘God, have mercy on me, a sinner.’
African Kalanga“Nkhethisi kama nhambgwana, kasitongo linga na iko pehhugwi, koga kazwibona nladu kati, ‘Ndzimu, mundiwhile ngoni imi ntjinyi.’
- English14
“I tell you that this man, rather than the other, went home justified before God. For everyone who exalts himself will be humbled, and he who humbles himself will be exalted.”
African KalangaNdomubudza kuti iwoyu nlume we nkhethisi wakayenda ku nzi uwe alulwamisiwa ne Ndzimu, isi Mfarisi; ngobe, iye unozwikudza unowoyisiwa pasi, na iye unozwiyisa pasi unowokudziwa.”
- English15
People were also bringing babies to Jesus to have him touch them. When the disciples saw this, they rebuked them.
African KalangaBakabe behhisa bo bana batukununu kuna Jesu, kuti ababige maboko. Badiyiwa bakati bebona ikoku bakabatjemela.
- English16
But Jesus called the children to him and said, “Let the little children come to me, and do not hinder them, for the kingdom of God belongs to such as these.
African KalangaKoga Jesu kabadananila kuunli kati, “Letjani bana bahhe kundili, musibadzibile, ngobe buhe gwe Ndzimu nde gwe bakajali.
- English17
I tell you the truth, anyone who will not receive the kingdom of God like a little child will never enter it.”
African KalangaNdolebesa ndoti kumuli, iye usingaamutjile buhe gwe Ndzimu se mwana, aatowongina muguli.”
- African Kalanga
Mmwe nkulu kambhuzwa kati, “N'diyi wakalulwama, ndingahingani kuti ndiwane butjilo gusingapele?”
- African Kalanga
Jesu kadabila kati, “Ini undidana wakalulwama? Akuna wakalulwama kuhhe kwe Ndzimu woga.
- English20
You know the commandments: ‘Do not commit adultery, do not murder, do not steal, do not give false testimony, honor your father and mother.’”
African KalangaUnoziba milayo inoti, ‘Usithame bupombgwe, usibulaye, usikwibe, usipe butendeki gwe manyepkhwa, kudza tate babo na mmeyabo.’”
- African Kalanga
Kati, “Kose ikoku ndakakulondolodza kubvila mu butjetjana gwangu.”
- English22
When Jesus heard this, he said to him, “You still lack one thing. Sell everything you have and give to the poor, and you will have treasure in heaven. Then come, follow me.”
African KalangaKukati Jesu ewha ikoku kati kuunli, “Utjahakika tjinhu tjing'ompela. Tengesa kose kwaunako ukobele bahayi, ndizo unowobe ne fumwa kudzimu. Hule kwa ipapo uhhe unditobele.”
- African Kalanga
Kati ewha ikoku kangina buyendasi, ngobe wakabe akafuma kwazo.
- African Kalanga
Jesu kanlinga ngono kati, “Kwakasima seni, kuti bana fumwa bangine mu buhe gwe Ndzimu!
- English25
Indeed, it is easier for a camel to go through the eye of a needle than for a rich man to enter the kingdom of God.”
African KalangaKulelu kuti kamela ingine ne buli le lunji, pakuti nfumi angine mu buhe gwe Ndzimu.”
- African Kalanga
Ibabo bakawha ikoku, bakabhuzwa beti, “Ndiani ngono ungatjidziwa?”
- African Kalanga
Jesu kadabila eti, “Tjisingatubuke mu banhu tjotubuka mu Ndzimu.”
- African Kalanga
Pita kati kuunli, “Bonani, takasiya mizi yedu kumutobela.”
- English29
“I tell you the truth,” Jesus said to them, “no one who has left home or wife or brothers or parents or children for the sake of the kingdom of God
African KalangaJesu kati kubali, “Ndolebesa nditi, akuna iye wakasiya nzi uwe, kene nkadzi uwe kene bana ba tate babe, kene bazwadzi babe, kene bana babe nekwe buhe gwe Ndzimu,
- English30
will fail to receive many times as much in this age and, in the age to come, eternal life.”
African Kalangausingawoamutjila kunjinji kupinda zwaakasiya, mu lubaka guno ne butjilo gusingapele mu misi inohha.”
- English31
Jesus took the Twelve aside and told them, “We are going up to Jerusalem, and everything that is written by the prophets about the Son of Man will be fulfilled.
African KalangaJesu katolela ntome bali gumi lina babili kababva kati, “Bonani, totanhila ku Jerusalema, kunowoti matama wose akalebgwa ne balebesambeli nekwe Nkololo we Nhu, akahingikala.
- English32
He will be handed over to the Gentiles. They will mock him, insult him, spit on him, flog him and kill him.
African KalangaUnowolongwa mu maboko ebe Zwitjaba. Banowon'dadila, bakantuka, bakampfila mate,
- African Kalanga
bakanloba, ngono bakambulaya. Mu hhuba le butatu unowomuka kakale.”
- English34
The disciples did not understand any of this. Its meaning was hidden from them, and they did not know what he was talking about.
African KalangaBadiyiwa bakasiwhisise ikoku kose. Tjeneso yako yakabe yakasumbikika kubali, ndizo bakasizibe tjaakabe eleba ne kwatjo.
- African Kalanga
Kukati Jesu alipedlo ne Jeriko, nlume we bhofu kabe ali gele pa whunde ye zila e kumbila.
- African Kalanga
Kati ewha mbunga we banhu upinda, kabhuzwa kuti kohingikalani.
- African Kalanga
Bakambudza kuti, “Jesu we Nazareta unopinda.”
- African Kalanga
Kamimila kati, “Jesu, Nkololo wa Dafite, mundiwhile ngoni!”
- English39
Those who led the way rebuked him and told him to be quiet, but he shouted all the more, “Son of David, have mercy on me!”
African KalangaIbabo bakabe bali mbeli bakantjemela bakati anyalale, koga kamimila kwazo eti, “Nkololo wa Dafite, mundiwhile ngoni!”
- English40
Jesus stopped and ordered the man to be brought to him. When he came near, Jesus asked him,
African KalangaJesu kama, kati nlume iwoyo ahhisiwe kuunli. Kati abe pedlo, Jesu kambhuzwa kati,
- African Kalanga
“Unohaka kuti ndikuyitileni kene?” Kadabila eti, “He, ndohaka kuti ndipofunuke.”
- African Kalanga
Jesu kati kuunli, “Pofunuka! Galamoyo kuko kwakupodza.”
- English43
Immediately he received his sight and followed Jesus, praising God. When all the people saw it, they also praised God.
African KalangaTjinyolotjo kapofunuka, ngono katobela Jesu ekudza Ndzimu. Kukati banhu bose bebona ikoku, na ibobo bakakudza Ndzimu.
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.