The English-Kalanga Bilingual Language Learning Bible
New Testament
Read each verse in English beside its African Kalanga equivalent.
Mark 15English
Mako 15African Kalanga
- English1
Very early in the morning, the chief priests, with the elders, the teachers of the law and the whole Sanhedrin, reached a decision. They bound Jesus, led him away and handed him over to Pilate.
African KalangaKwakati hhuba liyedza, Baphirisiti bakulu ne bakulu ne badiyi be nlayo bakahangana ne makulukota wose, bakalebesana, ngono bakasunga Jesu ne mitjili bakayenda naye kuna Pilato.
- African Kalanga
Pilato kaswika kambhuzwa kati, “Ndiwe He nkulu we Bajuta?” Jesu kan’handula kati, “Waleba.”
- African Kalanga
Baphirisiti bakatangisa kuntilika milandu minjinji.
- English4
So again Pilate asked him, “Aren’t you going to answer? See how many things they are accusing you of.”
African KalangaPilato kambhuzwa kakale kati, “Apa auna tjaungaleba kene? Autowha kuti banokutilika milandu mingapani?”
- African Kalanga
Koga Jesu kasitongo yendilambeli ne kubadabila, Pilato katjenama.
- African Kalanga
Ngwenu banhu bakabe bakawolobela kuti ne Nzano we Pinda Pehhugwi Pilato abasunungulile nhu ng'ompela, wabanobe bakumbila.
- English7
A man called Barabbas was in prison with the insurrectionists who had committed murder in the uprising.
African KalangaNgono ne lubaka igogo, kwakabe kuna mmwe nlume wakabe edang'wa Bharabhasi ali pakati kwe basungwa mu ng'umba ye basungwa ne nlandu we bulaya mu nsi we kupanduka.
- African Kalanga
Mbunga we banhu ukahha kuna Pilato kuwonkumbila kuti abathamile sekwa agala ebathamila.
- African Kalanga
Kabahandula eti, “Mohaka kuti ndimusunungulile He nkulu we Bajuta kene?”
- African Kalanga
Wakabe abona kuti Baphirisiti bakulu bahhisa Jesu kuunli ngobe bana fupa.
- African Kalanga
Koga Baphirisiti bakulu bakabe bafulila banhu kale kuti, bakumbile Bharabhasi mu bumo gwa Jesu.
- African Kalanga
Pilato kababhuzwa kakale kati, “Ngono ndithameni nekwe nlume iwoyu, wamunoti, ‘Ndi He nkulu we Bajuta?’”
- African Kalanga
Banhu bakamimila beti, “Mumbambule.”
- English14
“Why? What crime has he committed?” asked Pilate. But they shouted all the louder, “Crucify him!”
African KalangaPilato kapamha kabhuzwa eti, “Ne kutini, wathama bubi gupi?” Koga bunji gukayendilambeli guti, “Mumbambule.”
- English15
Wanting to satisfy the crowd, Pilate released Barabbas to them. He had Jesus flogged, and handed him over to be crucified.
African KalangaNdizo Pilato kasunungula Bharabhasi, ngobe wakabe ehaka hanhisa banhu. Kubvapo kati Jesu alobgwe, hule kwa ikoko kampizila ku Bajuta kuti bambambule mu tjileyano.
- English16
The soldiers led Jesus away into the palace (that is, the Praetorium) and called together the whole company of soldiers.
African KalangaKubvapo Jesu wakatogwa ne babhayani bakangina naye mu ng'umba ye nlauli, bakadanana bose.
- African Kalanga
Bakatola hazu ye mbala n’haba wakabondelela, bakamfukidza, bakanlukila tjiala tje mhiwa, bakambadza itjo.
- African Kalanga
Bakatangisa kumbuyisa beti, “Ngakukudziwe He nkulu we Bajuta.”
- English19
Again and again they struck him on the head with a staff and spit on him. Falling on their knees, they paid homage to him.
African KalangaBakanloba mu n’holo ne luhanga, bempfila mate. Bakapfigama mbeli kukwe se banonteta.
- English20
And when they had mocked him, they took off the purple robe and put his own clothes on him. Then they led him out to crucify him.
African KalangaBakati bepedza n'dadila, bakambula hazu haba bakambadza zwiambalo zwizwe. Bakabe bentungamilila kwabanonombambulila.
- English21
A certain man from Cyrene, Simon, the father of Alexander and Rufus, was passing by on his way in from the country, and they forced him to carry the cross.
African KalangaBakati bali mu zila benombambula, bakahangana ne mmwe nlume wakabe edang'wa Simoni we ku hango inoyi Sirene, eswika ebva kwaakabe ebva bakankombeledza senga tjileyano tja Jesu. Wakabe ali tate ba Alekizanda na Rufu.
- African Kalanga
Bakayenda bakanoswikisa Jesu panhu panodang'wa Gologota, kunobva kuti panhu pe pepe tje n’holo.
- African Kalanga
Ngono bakampa nkumbi wakahanganyiwa ne nti unodang'wa mira, koga Jesu kaulamba.
- English24
And they crucified him. Dividing up his clothes, they cast lots to see what each would get.
African KalangaBakambambula mu tjileyano, bekobana zwiambalo zwizwe, bekandila bona kuti ndiani unotola tjipi.
- African Kalanga
Bakambambula ne lubaka gwe hhanalume mangwanana.
- African Kalanga
Nlandu wa Jesu wakabe wakakwagwa kuyi, “HE NKULU WE BAJUTA.”
- African Kalanga
Zwigebeng'a zwibili zwakabambugwa naye, mmwe ku luboko gwe ludli, mmwe kuna gwe lumewhe.
- African Kalanga
Whalo dzikahhadzisika dzinoti, “Wakabaligwanyiwa ne batjinyi.”
- English29
Those who passed by hurled insults at him, shaking their heads and saying, “So! You who are going to destroy the temple and build it in three days,
African KalangaKwakati ne bakabe bepinda napo bakan'gongobola, bedzungudza miholo bentuka beti, “Iwe unokolomodza ng'umba ye Ndzimu ukabuya ukayibaka kakale mu mahhuba ali matatu,
- African Kalanga
tjizwitjidza ngono, udeluke mu tjileyanyo!”
- English31
In the same way the chief priests and the teachers of the law mocked him among themselves. “He saved others,” they said, “but he can’t save himself!
African KalangaBaphirisiti ne badiyi be nlayo bakan'dadilabo beti, “Wakatjidza bamwe, aatotubula kuzwitjidza.
- English32
Let this Christ, this King of Israel, come down now from the cross, that we may see and believe.” Those crucified with him also heaped insults on him.
African KalangaMesiya, He nkulu we Iziraela ngaadeluke mu tjileyano, kuti ndizo tibone, tigalemoyo.” Ngono na ibabo bakabe bakabambugwa naye bakankayikanya.
- African Kalanga
Kwakati ne lubaka gwe masikati makulu, kukabe ne hhalima gulu mu hango yose, kukadzina kukanoti ne lubaka gwe butatu mu matewuko.
- English34
And at the ninth hour Jesus cried out in a loud voice, “Eloi, Eloi, lama sabachthani?”–which means, “My God, my God, why have you forsaken me?”
African KalangaIpapo Jesu kamilidza whi kadana eti, “Eloi, Eloi lama sabakatani?” Kunobva kuti, “Ndzimu wangu, Ndzimu wangu, mandisiyilani kene?”
- African Kalanga
Bamwe banhu bakabe bakalingilila bakati bewha ejalo bakati, “Whililani, unodana Elija.”
- English36
One man ran, filled a sponge with wine vinegar, put it on a stick, and offered it to Jesus to drink. “Now leave him alone. Let’s see if Elijah comes to take him down,” he said.
African KalangaMmwe wabo kalabuka kabvubika lungudze mu nkumbi wakatjorowa, kagubhayila mu lukombo kayisa ku nlomo wa Jesu, kati ku bamwe, “Imani tibone kene Elija unowohha kuwontulula.”
- African Kalanga
Ipapo Jesu kalilila pehhugwi kabe epela.
- African Kalanga
Ne lubaka igogo tjisitili tje ng'umba ye Ndzimu tjikapaluka pakati, kubva pehhugwi kunoti pasi.
- English39
And when the centurion, who stood there in front of Jesus, heard his cry and saw how he died, he said, “Surely this man was the Son of God!”
African KalangaNlauli we babhayani bali zana wakabe ali mile ‘akalingisana na Jesu, ebona Jesu epela kati, “Tjoselele iwoyu nlume wabe ali Nkololo we Ndzimu.”
- English40
Some women were watching from a distance. Among them were Mary Magdalene, Mary the mother of James the younger and of Joses, and Salome.
African KalangaKwakabe kuna bamwe bakadzi bali mile nhambgwana bakalingilila kose ikoku. Bamwe babo bakabe bali Mariya we Magadala na Mariya, mme ba Jakubo ntjetjana na Josefa, bana Salome.
- English41
In Galilee these women had followed him and cared for his needs. Many other women who had come up with him to Jerusalem were also there.
African KalangaBakabe bahha na Jesu kubva ku ntunhu we Galili, bembhatsha. Kwakabe kuna bamwe bakadzi banjinji bakabe bahha na Jesu ku Jerusalema.
- African Kalanga
Kwakati madekwana eswika, iko kuli Hhuba le Lulwamisila le Sabatha, lili hhuba linotobegwa ne le Sabatha,
- English43
Joseph of Arimathea, a prominent member of the Council, who was himself waiting for the kingdom of God, went boldly to Pilate and asked for Jesus’ body.
African KalangaJosefa we ku Arimateya ali mmwe we banhu bakabe bana mamo mu makulukota wakabe agala abe akalindila buhe gwe Ndzimu, kasimisamoyo kayenda kuna Pilato kunokumbila tjidumbu tja Jesu.
- English44
Pilate was surprised to hear that he was already dead. Summoning the centurion, he asked him if Jesus had already died.
African KalangaNgono Pilato katjenama kuti Jesu wafa kale, kadana nlauli we babhayani bali zana kuti ambhuzwe kene Jesu ungabe afa kale.
- African Kalanga
Wakati ewha ne nlauli we babhayani kuti Jesu wafa, kasunungulila tjidumbu Josefa kuti atjitole.
- English46
So Joseph bought some linen cloth, took down the body, wrapped it in the linen, and placed it in a tomb cut out of rock. Then he rolled a stone against the entrance of the tomb.
African KalangaJosefa kamilika kayenda kanotenga jila, kahha katulula tjidumbu tja Jesu, katjipetela kanotjibiganya mu kumbu tjakatshiwa mu hongwe. Kakunguludzila hongwe pa nkoba we kumbu kuti ahhalile.
- African Kalanga
Mariya we Magadala na Mariya mme ba Josefa bakabona pabiganyiwa Jesu.
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.