Mark 4 | New Testament

Mark 4English

Mako 4African Kalanga

English1
Again Jesus began to teach by the lake. The crowd that gathered around him was so large that he got into a boat and sat in it out on the lake, while all the people were along the shore at the water’s edge.
African Kalanga
Jesu katangisa kakale diya ali pedlo ne gungwa. Mbunga usin’homa we banhu ukakubungana paanli kwaakati kangina mu n'goro kagala muuli mu gungwa. Banhu bose bakabe bali pa mhili ye gungwa.
English2
He taught them many things by parables, and in his teaching said:
African Kalanga
Kabadiya zwinhu zwinjinji ehingisa zwifaniso, ngono mu kudiya kukwe kati:
English3
“Listen! A farmer went out to sow his seed.
African Kalanga
“Whililani! Ndzwali wakabhuda enodzwala.
English4
As he was scattering the seed, some fell along the path, and the birds came and ate it up.
African Kalanga
Ngono kati edzwala imwe mbewu ikawila mu zila ngono nyunyi dzikahha dzikaidla.
English5
Some fell on rocky places, where it did not have much soil. It sprang up quickly, because the soil was shallow.
African Kalanga
Imwe mbewu ikawila mu luhale, ikahaya mavu manjinji ngono ikatjimbidza yamela, ngobe kwakabe kusina mavu manjinji akaivukidza.
English6
But when the sun came up, the plants were scorched, and they withered because they had no root.
African Kalanga
Kukati hhuba libhuda, mmela ukatshwa ngono ukaswaba, ngobe usina midzi.
English7
Other seed fell among thorns, which grew up and choked the plants, so that they did not bear grain.
African Kalanga
Imwe mbewu ikawila pakati kwe matenjana e miwha ngono matenjana akakula akaimanikanya ndizo ikasiyite zwizwalo.
English8
Still other seed fell on good soil. It came up, grew and produced a crop, multiplying thirty, sixty, or even a hundred times.”
African Kalanga
Imwe mbewu ikawila mu mavu mabuya. Ikamela ikakula, zwizwalo zwikapamhidzika ne kungabe makumi matatu kunoti makumi ali matanhatu ne kunoti ku zana.”
English9
Then Jesus said, “He who has ears to hear, let him hear.”
African Kalanga
Ipapo Jesu kati kubali, “Iye una zebe dze wha ngaawhe!”
English10
When he was alone, the Twelve and the others around him asked him about the parables.
African Kalanga
Jesu kati aliyega, bamwe bakabe bali paanli bana badiyiwa babe bali gumi lina babili, bakambhuzwa nekwe zwifaniso.
English11
He told them, “The secret of the kingdom of God has been given to you. But to those on the outside everything is said in parables
African Kalanga
Kababva kati, “Masazibgwe e buhe gwe Ndzimu makaapiwa, koga kuna ibabo bakuhhe tjimwe ne tjimwe tjolebgwa ne zwifaniso,
English12
so that, “ ‘they may be ever seeing but never perceiving, and ever hearing but never understanding; otherwise they might turn and be forgiven!’”
African Kalanga
kuti ndizo, ‘Babone koga basibonesese, kakale bawhe koga basiwhisise. Ne kuti ha bangawha bangabva behanduka mu matjinyo abo, bakazwiibhatigwa ne Ndzimu.’”
English13
Then Jesus said to them, “Don’t you understand this parable? How then will you understand any parable?
African Kalanga
Ipapo Jesu kababhuzwa kati, “Apa amutowhisisa tjifaniso itjetji kene? Mowowhisisa zwimwe zose tjini ngono?
English14
The farmer sows the word.
African Kalanga
Ndzwali unodzwala dama.
English15
Some people are like seed along the path, where the word is sown. As soon as they hear it, Satan comes and takes away the word that was sown in them.
African Kalanga
Aba ndibo banonga mbewu yawila mu zila, banoti baamutjila dama bakaliwha; Satani kahha tjinyolotjo kadusa dama labaamutjila.
English16
Others, like seed sown on rocky places, hear the word and at once receive it with joy.
African Kalanga
Koga aba bamwe ne zila inofanana, ndibo banonga mbewu yakadzwagwa mu luhale. Banoti ha bewha dama, bakaliamutjila tjinyolotjo ne kuhanha.
English17
But since they have no root, they last only a short time. When trouble or persecution comes because of the word, they quickly fall away.
African Kalanga
Koga abana midzi, ndizo banobhatilila lubaka gufutshwanana koga. Ha dziyidzika nenge whisiwa zogwadza nekwe dama kuhha, tjinyolotjo banowa.
English18
Still others, like seed sown among thorns, hear the word;
African Kalanga
Kakale bamwe banonga mbewu yakadzwagwa pakati pe miwha, ndibo banowha dama,
English19
but the worries of this life, the deceitfulness of wealth and the desires for other things come in and choke the word, making it unfruitful.
African Kalanga
koga dziyidzika ne zwe hango nenge tjengeleka nekwe fumwa nenge kuyemula zwimwe zwinhu, kohha kukadzipa dama, likasibe ne zwizwalo.
English20
Others, like seed sown on good soil, hear the word, accept it, and produce a crop–thirty, sixty or even a hundred times what was sown.”
African Kalanga
Koga ibabo banonga mbewu yakadzwagwa mu mavu mabuya, ndibo banowha dama bakaliamutjila, bakadusa zwizwalo, makumi ali matatu kene matanhatu kene ali zana etjadzwagwa.”
English21
He said to them, “Do you bring in a lamp to put it under a bowl or a bed? Instead, don’t you put it on its stand?
African Kalanga
Jesu kababva kati, “Apa uyapo ungahhisa luvone kakogutshibikila ne tundu, kene kagubiga kusi kwe bulalo wali? Apa aangagubige patjena kene?
English22
For whatever is hidden is meant to be disclosed, and whatever is concealed is meant to be brought out into the open.
African Kalanga
Tjimwe ne tjimwe tjakasumbikika tjowodzutunugwa, tjakasitilika tjowodusigwa patjena.
English23
If anyone has ears to hear, let him hear.”
African Kalanga
Ha kuna mmwe una zebe dze wha ngaawhe.”
English24
“Consider carefully what you hear,” he continued. “With the measure you use, it will be measured to you–and even more.
African Kalanga
Kayendilambeli eti, “Yelani njele tjamunowha! Tjilizanyo tjamunohingisa mu bamwe nditjo tjinowohingisiwa mumuli nenge kunopinda ikoko.
English25
Whoever has will be given more; whoever does not have, even what he has will be taken from him.”
African Kalanga
Iye una tjaanatjo unowopamhidzigwa, koga iye usina tjaanatjo, tjitukununu tjaanatjo unowotjitolegwa.”
English26
He also said, “This is what the kingdom of God is like. A man scatters seed on the ground.
African Kalanga
Kapamha kati, “Buhe gwe Ndzimu gonga nlume unodzwala mbewu mu mavu.
English27
Night and day, whether he sleeps or gets up, the seed sprouts and grows, though he does not know how.
African Kalanga
Busiku ne masikati ali lele kene amuka, mbewu inomela ikula, koga asingazibe kuti inokula tjini.
English28
All by itself the soil produces grain–first the stalk, then the head, then the full kernel in the head.
African Kalanga
Mavu ne kwawo anokudza zwizwalo. Kotanga mmela, hule kukahha hotje, hule likahhala hanga.
English29
As soon as the grain is ripe, he puts the sickle to it, because the harvest has come.”
African Kalanga
Ha mapfunde eyibva koga, unovuna, ngobe gwabe lubaka gwe vuna.”
English30
Again he said, “What shall we say the kingdom of God is like, or what parable shall we use to describe it?
African Kalanga
Kakale Jesu kabhuzwa kati, “Towoti buhe gwe Ndzimu gofanana neni kene? Tingauyelesedza ne tjifaniso tjipi wali?
English31
It is like a mustard seed, which is the smallest seed you plant in the ground.
African Kalanga
Gofanana ne hanga ye mbewu ye lusaba, iyo nhukununu mu mbewu dzose dzinodzwagwa mu hango.
English32
Yet when planted, it grows and becomes the largest of all garden plants, with such big branches that the birds of the air can perch in its shade.”
African Kalanga
Koga ha yadzwagwa, inokula ikabe iyo whulu mu matenjana wose ne nhabi dzalo dzikabe whuluwhulu kunoti ne nyunyi dzikabaka zwihaka mu ntuzi walo.”
English33
With many similar parables Jesus spoke the word to them, as much as they could understand.
African Kalanga
Jesu kasumikila dama ne zwifaniso zwakajali, elizanyidza whisisa kwabo.
English34
He did not say anything to them without using a parable. But when he was alone with his own disciples, he explained everything.
African Kalanga
Aana tjaakaleba kubali asingahingise zwifaniso. Ngono wakabe eti ana badiyiwa babe koga, etjenesa tjimwe ne tjimwe.
English35
That day when evening came, he said to his disciples, “Let us go over to the other side.”
African Kalanga
Hhuba ilelo kuli madekwana kati ku badiyiwa babe, “Ngatitjulukileni seli.”
English36
Leaving the crowd behind, they took him along, just as he was, in the boat. There were also other boats with him.
African Kalanga
Bakasiya mbunga we banhu bakayenda naye bali mu n'goro sekwa akabe ali gele. Kwakabe kuna imwe migoro inoyendabo kwabakabe beyenda.
English37
A furious squall came up, and the waves broke over the boat, so that it was nearly swamped.
African Kalanga
Kukamuka dutu gulu, mapundu e vula kangina mu n'goro, ngono n'goro wakabe wohhala vula.
English38
Jesus was in the stern, sleeping on a cushion. The disciples woke him and said to him, “Teacher, don’t you care if we drown?”
African Kalanga
Jesu wakabe akaizela tjandihule, akasazamila nsazamilo, badiyiwa babe bakammusa bakati kuunli, “N'diyi, amuna hanya naswi kene ha tiloba?”
English39
He got up, rebuked the wind and said to the waves, “Quiet! Be still!” Then the wind died down and it was completely calm.
African Kalanga
Kamilika katjemela mhepo, kabva gungwa kati, “Nyalala! Udzikame!” Ndizo mhepo ikama kukabe ne kudzikama kukulu.
English40
He said to his disciples, “Why are you so afraid? Do you still have no faith?”
African Kalanga
Kababva kati, “Mohlisiwa neni, amuna kugalamoyo kene?”
English41
They were terrified and asked each other, “Who is this? Even the wind and the waves obey him!”
African Kalanga
Bakabe ne hla kukulu, bakabhuzwana beti, “Ndiani iwoyu unowhiligwa ne mhepo nenge gungwa!”

Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.