New Testament

Jesu kamilika ipapo kayenda ku hango ya kanyi kwabo, ngono badiyiwa babe bakayenda naye.

Kukati ne nsi we Sabatha, katangisa diya mu Ng'umba ye Ntembezelo, ngono banjinji bakan’wha bakakaabala. Bakabhuzwana beti, “Iwoyu nlume wakawana poni kose ikoku? Butjenjebvu gupi igogu gwaakapiwa? Unohinga mihingo inolakidza simba.

Apa ate iye mbehhi iwoyu kene, mwana wa Mariya kakale ali nkulu wa Jakubo na Josefa na Judasi na Simoni? Apa hazwadzi dzidze ate dzili muno naswi kene?” Bakan'gwadzilamoyo.

Jesu kati kubali, “Nlebesambeli aatohaya tjilumbi ha kusi mu hango ya kanyi kwabo koga ne pakati kwe makamu awe ne be n’ha wa kanyi kwabo.”

Aazotubula hinga mihingo inolakidza simba ipapo, kuhhe kwe biga maboko awe pehhugwi kwe banhu banogwala bahomanana, ebapodza.

Ngono wakakaabadziwa ne haya kugalamoyo kwabo. Ipapo Jesu kayenda mu mizi ediya.

Wakadanila kuunli bali gumi lina babili, kabatuma bubili ne bubili, ngono kabapa simba pehhugwi kwe meya mibi.

Kabalaya eti, “Musitongo senga tjimwe mu gwendo gwenyu, kuhhe kwe ludozo. Musitole tjiwunga kene gobhodo kene mari mu mmwandabula wenyu.

Mumbale khwebana koga, muyende ne tjiambalo tjamakambala koga.

Ha muswika mu nzi mugale ipapo, kudzina mubhuda mu magalo iyawo.

Magalo asingamuamutjile, belamba kumuwha, muti mubhudapo, muhahamule whuluba mu makumbo enyu, kube tjilakidzo mu bali kuti nlandu nde wabo.”

Bakabhuda bakanosumikila kuti banhu bahanduke.

Bakadusa meya mibi minjinji, ngono bakahhodza bagwele banjinji mafuta bakabapodza.

He nkulu Herode kawha nekwa ikoku, ngobe zina la Jesu lakabe lalumba. Bamwe bakabe beti, “Johani we Mbvubiki wakamusiwa mu bafi, ndizo masimba iyawa ehinga muunli.”

Bamwe bakati, “Ndi Elija.” Koga bamwe bakati, “Nlebesambeli unonga balebesambeli ba ntolo.”

Koga Herode wakati ewha ikoku kati, “Johani iye wandakathubula n’holo wakamusiwa mu bafi!”

Herode ne kukwe wakabe alaula kuti Johani abhakhwe, ngono kati asungwe, alongwe mu ng'umba ye busungwa. Wakathama ikoku nekwa Herodiyasi, nkadzi wa Filipo nnung'una uwe, waakabe atjilobola.

Johani wakabe ati kuna Herode, “Ate kuli mu nlayo kuti ulobole nkadzi we nnung'una uwo.”

Ndiko Herodiyasi kabhata Johani ne moyo, kayemula kumbulaya. Koga aazotubula kumbulaya.

Herode wakabe ehla Johani, eziba ali nnhu wakalulwama, kakale wakayengemala, ndizo kantjengeta. Herode wakabe eti ewha matama a Johani kahangana n’holo, koga eda kun’whilila.

Gwe bupelo nkoba ukahhuka. Herode wakati mu hhuba le kuzwikumbuludza mazwago awe kathamila hadzaha dzidze ne balauli be babhayani ne batungamili be Galili nzano we zodliwa.

Nkololokadzi wa Herodiyasi kangina kazana, kahanhisa Herode ne bezi baanodla nabo. He nkulu kati ku mmwanadi iwoyo, “Undikumbile tjimwe ne tjimwe tjaunoda, ngono ndowokupa itjo.”

Kabuya katuna kati, “Tjimwe ne tjimwe tjaunokumbila ndowokupa itjo kene kuli gwamu le hango yangu.”

Nkololokadzi kabhudila kuhhe kanobhuzwa mmeyabe kati, “Apa ndi kumbileni kene mme?” Herodiyasi kan'dabila kati, “Kumbila n’holo wa Johani we Mbvubiki.”

Tjinyolotjo nkololokadzi kayenda kuna He nkulu elibilidza kakumbila eti, “Ndokumbila n’holo wa Johani we Mbvubiki uli mu ndilo.”

Ngono He nkulu kapuna moyo kwazokwazo, koga ne tuna kukwe nenge bezi baakabe edla nabo, aazoda kuti unganlambila.

Ipapo katuma mmwe we babhayani banolinda, enlaya kuti ahhise n’holo wa Johani. Iwoyo nlume kayenda, kanothubula n’holo wa Johani mu ng'umba ye busungwa,

ngono kauhhisa uli mu ndilo, kaupa mmwanadi iwoyo, mmwanadi kaupa mmeyabe.

Badiyiwa ba Johani bakati bewha ikoku, bakahha bakatola tjiumbu tjitje, bakanotjibiganya.

Batumwa bakabgwilila kuna Jesu bakambikila kose kwabakathama ne tjabakadiya.

Banhu banjinji bakabe behha, bamwe beyenda, ndizo bakahaya lubaka gwekuti badle. Kabe ebva badiyiwa babe eti, “Ihhani tiyende pakanyalala, munonyaluluka kuhomanana.”

Ndizo bakayenda bali boga ne n'goro panhu pakanyalala.

Koga banji bakababona bemilika bakabaziba, ndizo bakalabuka kubva mu mizi yose bakanobatangila.

Jesu wakati edeluka mu n'goro ebona mbunga nkulu we banhu, kabawhila ngoni ngobe bakabe benga mwhizi dzisina nlisi. Ndizo wakatangisa ku badiya zwinhu zwinjinji.

Kwakati hhuba longina, badiyiwa babe bakahha kuunli bakati, “Pano timu hango koga ne hhuba lawha.

Paladzani banhu, bayende ku mizi ipedlo banozwitengela tjabangadla.”

Kadabila eti, “Mubape tjinodliwa imwi.” Bakati kuunli, “Oku kungatola mari e siliva ali mazana mabili (200)! Apa tihingise mari mangapo mu tjiwunga tibape badle kene?”

Kabhuzwa kati, “Muna zwiwunga zwingana? Kaholeni.” Bakati bahola bakahandula beti, “Tina zwiwunga zwihanu ne whobe mbili.”

Jesu kagadza banhu pasi ne mibungana mu buwha butshwa.

Ndizo bakagala pasi ne mibungana ye banhu bali zana (100) ne bali makumi mahanu (

Wakatola zwiwunga zwihanu ne whobe mbili, kalinga kudzimu kaboka, ngono kapemula zwiwunga. Kubvapo kazwipa badiyiwa babe kuti bazwipe banhu, kabe ebakobanya whobe mbili bose.

Bose bakadla, ngono bakaguta.

Badiyiwa bakanunga mamburumburu e tjiwunga ne whobe bakahhadza seme dzili gumi lina mbili.

Balume bakadla zwiwunga izwezo bakabe bali zwiwulu zwihanu (5000).

Kubva ipapo Jesu kabva badiyiwa babe kati bangine mu n'goro bayende ku Bhetisaida, iye atjasala epaladza banhu.

Kati ebva pabali kanotanha dombo kunotembezela.

Kwakati kube madekwana, n'goro ukabe uli pakati kwe gungwa, iye ali ega mu hango.

Kabona badiyiwa babe begwisana ne migoti inoyendisa n'goro, ngobe mhepo yakabe yakalingisana nabo. Kukati mahhokuyedza kayenda kubali enangayila pehhugwi kwe vula. Ngono kayedza se unobapinda.

Bakati bembona eyenda ne makumbo pehhugwi kwe vula bakakumbula kuti ipuku, ndizo bakamimila,

). ngobe bakambona bose, ngono bakapalukamoyo. Tjinyolotjo kalebeleka nabo kati, “Simisani mimoyo! Ndimi, musihle.”

Ipapo katanha n'goro nabo ngono dutu likama. Bakakaabala kwazo,

ne kuti bakabe basawhisisa nekwe zwiwunga. Mimoyo yabo yakabe yakakukutala.

Bakati batjulukila seli, bakaswika mu ntunhu we Genezareta, ngono bakayisa n'goro wabo ku mhili.

Bakati bebhuda mu n'goro, banhu bakaziba Jesu.

Bakalabuka ntunhu wose, bakasenga bagwele mitengate bebayisa kumwe ne kumwe kwabanowha kuyi uyako.

Kumwe ne kumwe kwaakabe eyenda mu mizana ne mu mizi mikulu, kene mu hango bakabe bebiga bagwele mu matengeselo, benkumbila kuti ababvumilile bhata nenguba guli lupeto gwe tjiambalo tjitje, ngono bose bakagubhata bakapola.