The English-Kalanga Bilingual Language Learning Bible
New Testament
Read each verse in English beside its African Kalanga equivalent.
Mark 8English
Mako 8African Kalanga
- English1
During those days another large crowd gathered. Since they had nothing to eat, Jesus called his disciples to him and said,
African KalangaMu mahhuba iyawo, kwakati mbunga nkulu we banhu wakubungana kakale, koga basina tjabangadla, Jesu kadana badiyiwa babe kati kubali,
- English2
“I have compassion for these people; they have already been with me three days and have nothing to eat.
African Kalanga“Ndowhila banhu ibaba zogwadza, ngobe babe ne mahhuba matatu banami, koga basina tjabanodla.
- English3
If I send them home hungry, they will collapse on the way, because some of them have come a long distance.”
African KalangaHa ndibapaladza kuti bayende ku mizi yabo bana hhala, banowokonegwa mu zila, ngobe bamwe babo bakabva kule kule.”
- English4
His disciples answered, “But where in this remote place can anyone get enough bread to feed them?”
African KalangaBadiyiwa babe bakadabila beti, “Apa ndiponi mu tjilambanyika itjetji, kungati nhu kawana tjiwunga tjingalizana kubadlisa?”
- African Kalanga
Jesu kababhuzwa kati, “Muna zwiwunga zwingana?” Bakadabila beti, “Zwili kutendeka.”
- English6
He told the crowd to sit down on the ground. When he had taken the seven loaves and given thanks, he broke them and gave them to his disciples to set before the people, and they did so.
African KalangaKabva mbunga we banhu kati ugale pasi. Katola zwiwunga zwili kutendeka, kati aboka kazwipemula, kazwipa badiyiwa babe kuti bazwikobele banhu, ngono bakathama sa ikoko.
- English7
They had a few small fish as well; he gave thanks for them also and told the disciples to distribute them.
African KalangaBakabe bana whobe nhukununu homanana. Ngono wakati adzibokela, kabva badiyiwa babe kati bakobele banhu.
- English8
The people ate and were satisfied. Afterward the disciples picked up seven basketfuls of broken pieces that were left over.
African KalangaBanhu bakadla bakaguta. Kubvapo badiyiwa bakanunga mamburumburu, bakahhadza seme dzili kutendeka.
- African Kalanga
Kwakabe kuna banhu bali zwiwulu zwinna. Kati abapaladza,
- African Kalanga
kangina mu n'goro ne badiyiwa babe kayenda ku ntunhu we Dalimanuta.
- English11
The Pharisees came and began to question Jesus. To test him, they asked him for a sign from heaven.
African KalangaBafarIsi bakatangisa kukangahhana na Jesu, bakanteya ne kunkumbila kuti athame tjilakidzo tjinobva kudzimu.
- English12
He sighed deeply and said, “Why does this generation ask for a miraculous sign? I tell you the truth, no sign will be given to it.”
African KalangaKafemela pehhugwi kwazo kati, “Ini tjizekugwana itjetji tjihaka tjilakidzo kene? Ndolebesa ndoti kumuli, akuna tjilakidzo tjinowopiwa tjizekugwana itjetji.”
- African Kalanga
Ipapo kabasiya kangina mu n'goro kakale, ngono katjulukila seli.
- English14
The disciples had forgotten to bring bread, except for one loaf they had with them in the boat.
African KalangaBadiyiwa bakabe bakangang'wa senga zwiwunga kuhhe kwe tjing'ompela tjabakabe banatjo mu n'goro.
- English15
“Be careful,” Jesus warned them. “Watch out for the yeast of the Pharisees and that of Herod.”
African KalangaJesu kabatjenjedza kati, “Lingani mube ne njele nekwe mbidzo ye Bafarisi ne ya Herode.”
- African Kalanga
Bakalebeleka tje kwabo beti, “Unolebesiwa, ngoti atina tjiwunga.”
- English17
Aware of their discussion, Jesus asked them: “Why are you talking about having no bread? Do you still not see or understand? Are your hearts hardened?
African KalangaJesu kaziba tjabanoalakana, ndizo kababhuzwa kati, “Ini mulebeleka nekwe kuti amuna tjiwunga? Apa amunhu mukabonesesa, kakale mukawhisisa zwenyu kene? Mimoyo yenyu yakakukutala kene?
- African Kalanga
Apa muna meho koga mokong'wa bona, ne zebe munadzo koga mokong'wa wha kene? Makangang'wa kene?
- English19
When I broke the five loaves for the five thousand, how many basketfuls of pieces did you pick up?” “Twelve,” they replied.
African KalangaNdakati ndipemulila banhu bali zwiwulu zwihanu (5000) zwiwunga zwihanu, makanunga mamburumburu mukahhadza seme ngana?” Bakadabila beti, “Gumi lina mbili.”
- English20
“And when I broke the seven loaves for the four thousand, how many basketfuls of pieces did you pick up?” They answered, “Seven.”
African Kalanga“Eke ndipemulila bali zwiwulu zwinna (4000) zwiwunga zwili kutendeka, makanunga mamburumburu mukahhadza seme ngana?” Bakadabila beti, “Dzili kutendeka.”
- African Kalanga
Kati kubali, “Amunhu mukawhisisa zwenyu kene?”
- African Kalanga
Bakayenda ku Bhetisaida, bamwe banhu bakahhisa bhofu kuna Jesu, bakakumbila kuti alibhate.
- English23
He took the blind man by the hand and led him outside the village. When he had spit on the man’s eyes and put his hands on him, Jesus asked, “Do you see anything?”
African KalangaWakabhata bhofu ne luboko, ngono kalikwebela kuhhe kwe nzi, kati apfila bhofu ilelo mate mu mesho, kakale alibiga maboko kalibhuzwa kati, “Kuna tjaunobona kene?”
- African Kalanga
Nlume we bhofu kamilidza meho, ngono kati, “Ndobona banhu, banonga miti inoyenda.”
- English25
Once more Jesus put his hands on the man’s eyes. Then his eyes were opened, his sight was restored, and he saw everything clearly.
African KalangaJesu kabiga maboko awe kakale mu meho e bhofu. Ipapo nlume we bhofu kalinga zubuyanana apodziwa, ngono kabona tjimwe ne tjimwe kwakatjena.
- African Kalanga
Jesu kati ayende ku ng'umba iye, kapamha kati kuunli, “Usitongo ngina mu mizi.”
- English27
Jesus and his disciples went on to the villages around Caesarea Philippi. On the way he asked them, “Who do people say I am?”
African KalangaJesu ne badiyiwa babe bakapindila ku mizi imu ntunhu we Sizariya Filipi, kukati mu zila Jesu kababhuzwa kati, “Banhu banoti ndimi ani?”
- English28
They replied, “Some say John the Baptist; others say Elijah; and still others, one of the prophets.”
African KalangaBakan'dabila beti, “Bamwe banoti ndimwi Johani we Mbvubiki, koga bamwe bakati ndimwi Elija, bamwe banoti mu mmwe we balebesambeli.”
- English29
“But what about you?” he asked. “Who do you say I am?” Peter answered, “You are the Christ.”
African KalangaJesu kati kubali, “Koga imwi moti ndimi ani?” Pita kadabila kati, “Ndimwi Mesiya.”
- African Kalanga
Jesu kababva kati bahaye wabanobudza ne kukwe.
- English31
He then began to teach them that the Son of Man must suffer many things and be rejected by the elders, chief priests and teachers of the law, and that he must be killed and after three days rise again.
African KalangaWakatangisa badiya eti, “Iye Nkololo we Nhu wakafanila dziyidziwa ne zwinhu zwinjinji alambiwe ne bakulu nenge Baphirisiti ne badiyi be nlayo ne kuti wakafanilo bulawa, ngono hule kwe mahhuba matatu, amuke kakale.”
- African Kalanga
Wakalebeleka akatambunuka nekwa ikoku. Ndizo Pita kankwebela ntome, ngono kantjemela.
- English33
But when Jesus turned and looked at his disciples, he rebuked Peter. “Get behind me, Satan!” he said. “You do not have in mind the things of God, but the things of men.”
African KalangaKoga Jesu kati ehanduka elinga ku badiyiwa babe katjemela Pita kati, “Ibva pandili Satani, ngobe aute uli ku lubihho gwe Ndzimu, koga ukuna gwe banhu.”
- English34
Then he called the crowd to him along with his disciples and said: “If anyone would come after me, he must deny himself and take up his cross and follow me.
African KalangaIpapo kadana mbunga we banhu kose ne badiyiwa babe, ngono kati kubali, “Iye ungahha kundili ngaazwilandule, asenge tjileyano tjitje anditobele.
- English35
For whoever wants to save his life will lose it, but whoever loses his life for me and for the gospel will save it.
African KalangaIye unohaka zwitjidza, butjilo gugwe gowonlahikila, koga iye unolahikigwa ne butjilo gugwe ne kwangu nenge Ndebo Mbuya, unowogutjengeta.
- African Kalanga
Kobuzilani kuti nhu apfuwe hango yose, koga ebe elahikigwa ne butjilo gugwe kene?
- African Kalanga
Ini nhu tjaangatenganya ne butjilo gugwe kene?
- English38
If anyone is ashamed of me and my words in this adulterous and sinful generation, the Son of Man will be ashamed of him when he comes in his Father’s glory with the holy angels.”
African KalangaIye unobhakhwa ne honi ne kwangu nenge matama angu mu banhu bangwenu basingagagwebgwe, kakale bali batjinyi, Nkololo we Nhu na iye unowombhatigwa ne honi, ha ehha ne gudzo la Tate babe, ana batumwa be kudzimu bakayengemala.”
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.