Matthew 10 | New Testament

Matthew 10English

Matewu 10African Kalanga

English1
He called his twelve disciples to him and gave them authority to drive out evil spirits and to heal every disease and sickness.
African Kalanga
Jesu wakadana badiyiwa babe bali gumi lina babili kabapa ndaulo pehhugwi kwe meya mibi, kuti baiduse ne podza bugwele ne buworoworo gumwe ne gumwe.
English2
These are the names of the twelve apostles: first, Simon (who is called Peter) and his brother Andrew; James son of Zebedee, and his brother John;
African Kalanga
Awa ndiwo mazina e batumwa bali gumi lina babili. We kutanga ndi Simoni iye unoyi Pita na Enduru nnung'una uwe na Jakubo nkololo wa Zebhedi na Johani nnung'una uwe,
English3
Philip and Bartholomew; Thomas and Matthew the tax collector; James son of Alphaeus, and Thaddaeus;
African Kalanga
na Filipo na Bhatolomeo na Tomasi na Matewu wakabe ali nkhethisi na Jakubo nkololo wa Alifeo na Tadeo
English4
Simon the Zealot and Judas Iscariot, who betrayed him.
African Kalanga
na Simoni wakabe egwila lusununguko gwe banhu na Judasi Isikariyoti, iye wakawonga Jesu.
English5
These twelve Jesus sent out with the following instructions: “Do not go among the Gentiles or enter any town of the Samaritans.
African Kalanga
Ibaba bali gumi lina babili, Jesu wakabatuma ebalaya sawhoku, “Musitongoyenda pakati kwe Bezwitjaba kene kuli ngina mu mizi ye Basamariya.
English6
Go rather to the lost sheep of Israel.
African Kalanga
Koga yendani ku mwhizi dze ng'umba ye Iziraela dzakalahika.
English7
As you go, preach this message: ‘The kingdom of heaven is near.’
African Kalanga
Muyende musumikila muti, ‘Buhe gwe kudzimu gwasedzela.’
English8
Heal the sick, raise the dead, cleanse those who have leprosy, drive out demons. Freely you have received, freely give.
African Kalanga
Mupodze bagwele, mumuse bafi, mupodze banogwala mapele. Muduse meya mibi. Makapiwa musingalipisiwe, namwibo ipani musingalipise.
English9
Do not take along any gold or silver or copper in your belts;
African Kalanga
Musitongosenga golide kene siliva kene khopa mu mmwandabula yenyu.
English10
take no bag for the journey, or extra tunic, or sandals or a staff; for the worker is worth his keep.
African Kalanga
Musitongosenga gobhodo mu gwendo gwenyu kene zwiambalo kene bokhwebana kene ludozo, ngobe n’hingi unofanigwa nopiwa zodliwa zwizwe.
English11
“Whatever town or village you enter, search for some worthy person there and stay at his house until you leave.
African Kalanga
“Nzi mmwe ne mmwe kene nzana wamunoswika muunli, hakani nhu wakafanila mugale naye kuswikila mubhuda ipapo.
English12
As you enter the home, give it your greeting.
African Kalanga
Muti mungina mu nzi mubuyise.
English13
If the home is deserving, let your peace rest on it; if it is not, let your peace return to you.
African Kalanga
Ha nzi iwoyo wakafanigwa ne kunyalala, kunyalala kwenyu kube muunli, ha usakafanila, kunyalala kwenyu ngakubgwilile kumuli.
English14
If anyone will not welcome you or listen to your words, shake the dust off your feet when you leave that home or town.
African Kalanga
Iye usingawomuamutjila kene usingawowhilila matama enyu muwole gumbo lenyu ha mubhuda mu ng'umba iyeyo kene nzi iwoyo.
English15
I tell you the truth, it will be more bearable for Sodom and Gomorrah on the day of judgment than for that town.
African Kalanga
Ndolebesa tjose nditi, sumikiliso inowobendelu mu mizi ye Sodoma ne Gomora mu hhuba le sumikilisiwa kupinda ye nzi iwoyo.
English16
I am sending you out like sheep among wolves. Therefore be as shrewd as snakes and as innocent as doves.
African Kalanga
“Mubone! Ndomutuma munga mwhizi dzipakati kwe mhele. Tjenjelani se nyoka mube basina nlandu se njiba.
English17
“Be on your guard against men; they will hand you over to the local councils and flog you in their synagogues.
African Kalanga
Yelani njele banhu, ngobe banowomuyisa ku Makulukota bakamuloba mu ng'umba dzabo dze mitembezelo,
English18
On my account you will be brought before governors and kings as witnesses to them and to the Gentiles.
African Kalanga
banowomukwebela mbeli kwe balauli na bohe bakulu ne kwangu. Ngekujalo mowobe mupa butendeki mbeli kwabo ne Bezwitjaba ne kwangu.
English19
But when they arrest you, do not worry about what to say or how to say it. At that time you will be given what to say,
African Kalanga
Ngono ha bemusunga musidziyidzike nekwe kuti mowolebani nenge kuti mowotjileba tjini. Ne lubaka igogo mowopiwa tjamunowoleba,
English20
for it will not be you speaking, but the Spirit of your Father speaking through you.
African Kalanga
ngobe kowobe kusingalebeleke imwi, koga kowobe kulebeleka Meya ya Tate benyu.
English21
“Brother will betray brother to death, and a father his child; children will rebel against their parents and have them put to death.
African Kalanga
“Nhu unowosungisa gamu lile kuti libulawe na tate bakasungisa mwana wabo kuti abulawe, bana banowopandukila bazwadzi babo bakabasungisa kuti babulawe.
English22
All men will hate you because of me, but he who stands firm to the end will be saved.
African Kalanga
Banhu bose banowomubenga ne kwangu, koga iye unobhatilila kunoti ku bupelo unowotjidziwa.
English23
When you are persecuted in one place, flee to another. I tell you the truth, you will not finish going through the cities of Israel before the Son of Man comes.
African Kalanga
Ha mudziyidziwa mu nzi mmwe tihhilani ku mmwe. Ndolebesa nditi, amutowoyenda mukahanganya mizi yose ye Iziraela Nkololo we Nhu asahhu kahha.
English24
“A student is not above his teacher, nor a servant above his master.
African Kalanga
“N'diyiwa aangabe nkulu mu n'diyi uwe, kene nlanda aangabe nkulu muna tetshi uwe.
English25
It is enough for the student to be like his teacher, and the servant like his master. If the head of the house has been called Beelzebub, how much more the members of his household!
African Kalanga
Kwakalizana kuti n'diyiwa alizane ne n'diyi uwe ne nlanda kuti alizane na tetshi uwe. Ha iye n’holo we nzi akadang'wa kuyi Bheelizebhuli, be nzi uwe ibo banowodang'wa saikoko kungapani kene!
English26
“So do not be afraid of them. There is nothing concealed that will not be disclosed, or hidden that will not be made known.
African Kalanga
“Ndizo musibahle, ngoti akuna tjakazwimbiwa tjisingawozumbunugwa kene tjakasumbikala tjisingawozibgwa.
English27
What I tell you in the dark, speak in the daylight; what is whispered in your ear, proclaim from the roofs.
African Kalanga
Tjandinomubudza mu hhalima mutjilebe mu tjedza, tjamunowha tjinyebezegwa mutjiandamise.
English28
Do not be afraid of those who kill the body but cannot kill the soul. Rather, be afraid of the One who can destroy both soul and body in hell.
African Kalanga
Musihle ibabo banobulaya mbili koga basingatubule bulaya meya. Bukulu hlani iye iwoyo ungalobesa kose meya ne mbili mu moto usingadzime.
English29
Are not two sparrows sold for a penny? Yet not one of them will fall to the ground apart from the will of your Father.
African Kalanga
Apa hhahho mbili adzitotengesiwa ne peni ing'ompela, koga kusina ing'ompela yadzo ingawila pasi kuhhe kwe kuda kwa Tate benyu kene.
English30
And even the very hairs of your head are all numbered.
African Kalanga
Nenge mavudzi e n’holo wenyu akabagwa wose.
English31
So don’t be afraid; you are worth more than many sparrows.
African Kalanga
Ndizo musihle, ngobe mopinda hhahho dzili njinji.
English32
“Whoever acknowledges me before men, I will also acknowledge him before my Father in heaven.
African Kalanga
“Iye unowoleba kuti unami mbeli kwe banhu, namibo ndowoleba kuti ndi naye mbeli kwa Tate bangu ba kudzimu.
English33
But whoever disowns me before men, I will disown him before my Father in heaven.
African Kalanga
Koga iye unowondizwilandula mbeli kwe banhu, namibo ndowonzwilandula mbeli kwa Tate bangu ba kudzimu.
English34
“Do not suppose that I have come to bring peace to the earth. I did not come to bring peace, but a sword.
African Kalanga
“Musikumbule kuti ndakahha kuwohhisa mbakiso mu hango. Aandizohha kuwohhisa mbakiso koga ndakahhisa thumo.
English35
For I have come to turn “ ‘a man against his father, a daughter against her mother, a daughter-in-law against her mother-in-law–
African Kalanga
Ndahha kuwogwisanya nhu na Tate babe, nkololokadzi na mmeyabe, nlongo na mmezwale babe
English36
a man’s enemies will be the members of his own household.’
African Kalanga
zwita zwe nhu kowobe ibabo be n’ha uwe!
English37
“Anyone who loves his father or mother more than me is not worthy of me; anyone who loves his son or daughter more than me is not worthy of me;
African Kalanga
“Iye unoda tate babe kene mmeyabe kupinda imi aazondifanila na iye unoda nkololo kene nkololokadzi uwe kupinda imi aazondifanila.
English38
and anyone who does not take his cross and follow me is not worthy of me.
African Kalanga
Na iye usingatole tjileyano tjitje kanditobela aazondifanila.
English39
Whoever finds his life will lose it, and whoever loses his life for my sake will find it.
African Kalanga
Iye unowana butjilo gugwe gowonlahikila. Iye unolahikigwa ne butjilo gugwe ne kwangu unowoguwana.
English40
“He who receives you receives me, and he who receives me receives the one who sent me.
African Kalanga
“Iye unomuamutjila unoamutjila imi na iye unoamutjila imi unoamutjila wakandituma.
English41
Anyone who receives a prophet because he is a prophet will receive a prophet’s reward, and anyone who receives a righteous man because he is a righteous man will receive a righteous man’s reward.
African Kalanga
Iye unoamutjila nlebesambeli, ngobe ali nlebesambeli unowoamutjila mbhayilo we nlebesambeli, na iye unoamutjila nlulwami, ngobe ali nlulwami, unowoamutjila mbhayilo we nlulwami.
English42
And if anyone gives even a cup of cold water to one of these little ones because he is my disciple, I tell you the truth, he will certainly not lose his reward.”
African Kalanga
Iye unopa mmwe wa ibaba batukununu kene uli nkombe we vula inotonhola, ngobe ali n'diyiwa, ndolebesa ndoti kumuli, aatowolahikigwa ne mbhayilo uwe.”

Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.