The English-Kalanga Bilingual Language Learning Bible
New Testament
Read each verse in English beside its African Kalanga equivalent.
Matthew 2English
Matewu 2African Kalanga
- English1
After Jesus was born in Bethlehem in Judea, during the time of King Herod, Magi from the east came to Jerusalem
African KalangaKwakati Jesu asinobe azwagwa mu nzi we Bhetelehema we Judiya, mu lubaka gwe mbuso wa Herode he nkulu, kukahha balume bakatjenjela ku Jerusalema bebva ku bhehhuba, ngono bakabhuzwa bakati,
- English2
and asked, “Where is the one who has been born king of the Jews? We saw his star in the east and have come to worship him.”
African Kalanga“Uponi He nkulu we Bajuta wazwagwa kene? Tabona nyenyedzi iye ku bhehhuba ngono tawonnamata.”
- African Kalanga
Ngono kwakati he nkulu Herode ne bunji gwe bahhu mu Jerusalema, bewha ikoku bakadziyidzika kwazo.
- English4
When he had called together all the people’s chief priests and teachers of the law, he asked them where the Christ was to be born.
African KalangaHerode wakakubunganya Baphirisiti bakulu bose ne badiyi be nlayo ngono kababhuzwa kuti Mesiya unowozwaligwa poni.
- African Kalanga
Bakahandula beti, “Mu nzi we Bhetelehema mu ntunhu we Judiya, ngobe ikoku ndiko kwakakwagwa ne nlebesambeli eti,
- English6
“ ‘But you, Bethlehem, in the land of Judah, are by no means least among the rulers of Judah; for out of you will come a ruler who will be the shepherd of my people Israel.’”
African Kalanga‘Koga iwe nzi we Bhetelehema, mu ntunhu we Juda, aute uli ntukununu tjose mu balauli be Juda, ngobe mukuli kowobhuda nlauli unowolisa banhu bangu Baiziraela.’”
- English7
Then Herod called the Magi secretly and found out from them the exact time the star had appeared.
African KalangaIpapo Herode kadana balume ibabo bakatjenjela ne kwakasumbikala, kuti awane malebeswa mubali ekuti nyenyedzi yakaboneka lubaka gupi.
- English8
He sent them to Bethlehem and said, “Go and make a careful search for the child. As soon as you find him, report to me, so that I too may go and worship him.”
African KalangaNdizo Herode kabatumila ku Bhetelehema eti, “Yendani munohaka mwana iwoyo ne njele. Muti ha mambona, mundizibise kuti namibo ndiyende ndinonnamata.”
- English9
After they had heard the king, they went on their way, and the star they had seen in the east went ahead of them until it stopped over the place where the child was.
African KalangaBakati basinowha tjalebgwa ndi He nkulu, bakayenda, ngono bakabona nyenyedzi yabakabe babona ku bhehhuba, ikabatungamila kudzina ima pehhugwi kwe pakabe mwana alipo.
- African Kalanga
Bakati bebona nyenyedzi bakahanha kwazo kwazo,
- English11
On coming to the house, they saw the child with his mother Mary, and they bowed down and worshiped him. Then they opened their treasures and presented him with gifts of gold and of incense and of myrrh.
African Kalangangono bakati bengina mu ng'umba bakabona mwana na mmeyabe Mariya, bakazwiyisa pasi bakan'namata. Kubvapo bakadusa fumwa yabo bakampa zwipo zwe golide ne nti we motsha unonuwhilila zwinozipa ne nti we mira.
- English12
And having been warned in a dream not to go back to Herod, they returned to their country by another route.
African KalangaNgono balume ibabo se bakabe batjenjedziwa mu whope kuti basibgwilile kuna Herode, bakabgwilila ku hango yabo nge zila ipoga.
- English13
When they had gone, an angel of the Lord appeared to Joseph in a dream. “Get up,” he said, “take the child and his mother and escape to Egypt. Stay there until I tell you, for Herod is going to search for the child to kill him.”
African KalangaBakati bayenda, ntumwa wa He kaboneka kuna Josefa mu whope eti, “Muka, tola mwana na mmeyabe utihhile ku Egipiti. Ugale ikoko kudzina ndikubudza kuti utini, ngobe Herode wabe pedlo nohaka mwana kuti ambulaye.”
- African Kalanga
Ndizo kamuka, katola mwana na mmeyabe busiku kayenda ku Egipiti,
- English15
where he stayed until the death of Herod. And so was fulfilled what the Lord had said through the prophet: “Out of Egypt I called my son.”
African Kalangakwaakagala kuswikila Herode efa. Oku kwakahingikala kuti ndizo kusiwile pasi matama a He akalebgwa ne nlebesambeli eti, “Ndakadanila Nkololo wangu kuhhe kwe Egipiti.”
- English16
When Herod realized that he had been outwitted by the Magi, he was furious, and he gave orders to kill all the boys in Bethlehem and its vicinity who were two years old and under, in accordance with the time he had learned from the Magi.
African KalangaHerode kati ebona kuti balume bakatjenjela bantjenjelela, kangina buhongola kwazo, ngono kadusa ndaulo kuti bana bose be tjiyisana mu Bhetelehema ne ntunhu wose bana makole mabili ne kuyenda pasi babulawe. Makole iyawa Herode wakabe ealebela pehhugwi kwe tjakabe tjalebgwa ne balume bakatjenjela.
- African Kalanga
Ipapo matama akalebgwa ne nlebesambeli Jeremiya kasiwile pasi, Jeremiya wakabe ati,
- English18
“A voice is heard in Ramah, weeping and great mourning, Rachel weeping for her children and refusing to be comforted, because they are no more.”
African Kalanga“Whi lakawhika mu nzi we Rama mimila ne lila kukulu kulu Rahele elilila ngawana dzidze elamba nyaladziwa, ngobe dzafa.”
- African Kalanga
Herode kati asinofa, ntumwa we kudzimu kaboneka mu whope kuna Josefa ali ku Egipiti, eti,
- English20
and said, “Get up, take the child and his mother and go to the land of Israel, for those who were trying to take the child’s life are dead.”
African Kalanga“Milika utole mwana na mmeyabe uyende ku hango ye Iziraela, ngobe ibabo bakabe behaka pedza butjilo gugwe bakafa.”
- African Kalanga
Ndizo kamilika katola mwana na mmeyabe kayenda ku hango ye Iziraela.
- English22
But when he heard that Archelaus was reigning in Judea in place of his father Herod, he was afraid to go there. Having been warned in a dream, he withdrew to the district of Galilee,
African KalangaNgono Josefa kati ewha kuti Akelaosi wagala tate babe Herode nhaka, unobusa mu Judiya kahla yendako. Ndizo kati atjenjedziwa mu whope kahandukila ku ntunhu we Galili.
- English23
and he went and lived in a town called Nazareth. So was fulfilled what was said through the prophets: “He will be called a Nazarene.”
African KalangaWakayenda kanogala mu nzi we Nazareta, kuti ndizo kusiwile pasi matama akalebgwa ne balebesambeli beti, “Unowodang'wa Nnazareta.”
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.