The English-Kalanga Bilingual Language Learning Bible
New Testament
Read each verse in English beside its African Kalanga equivalent.
Matthew 20English
Matewu 20African Kalanga
- English1
“For the kingdom of heaven is like a landowner who went out early in the morning to hire men to work in his vineyard.
African Kalanga“Buhe gwe kudzimu gofanana ne mweni we nnda wakabhuda mangwanana kunopa banhu n’hingo kuhinga mu nnda uwe we mihhambi.
- African Kalanga
Kabvumana nabo balipa mari ye hhuba ling'ompela, ndizo kabayisa ku nnda uwe we mihhambi.
- African Kalanga
Kati ebhuda mangwanana hhuba latanha kabona bamwe banhu bali mile pa matengeselo basingahinge tjimwe,
- African Kalanga
kababva kati, ‘Namwibo yendani munohinga mu nnda wangu we mihhambi, ngono ndowomulipa kwakafanila.’ Ndizo bakayenda.
- African Kalanga
Kabhuda kakale masikati ne mu matewuko kayita sa ikoko.
- English6
“He went out again about the sixth hour and the ninth hour and did the same thing. About the eleventh hour he went out and found still others standing around. He asked them, ‘Why have you been standing here all day long doing nothing?’
African KalangaKukati madekwana kabhuda kanowana bamwe kakale bali mile koga. Kababhuzwa kati, ‘Ini mawha muli mile ipapa hhuba lose musina tjamunohinga kene?’
- English7
“ ‘Because no one has hired us,’ they answered. “He said to them, ‘You also go and work in my vineyard.’
African KalangaBakan’handula beti, ‘Akuna watipa n’hingo.’ Kati kubali, ‘Namwibo yendani munohinga mu nnda wangu we mihhambi.’
- English8
“When evening came, the owner of the vineyard said to his foreman, ‘Call the workers and pay them their wages, beginning with the last ones hired and going on to the first.’
African Kalanga“Kukati hhuba limila, mweni we nnda we mihhambi kati ku n’hingisi uwe, ‘Dana bahingi ubape mibhayilo yabo, utange ne be bupelo kudzina kunoti kuna be kutanga.’
- African Kalanga
Bahingi bahha madekwana bakahha, ngono mmwe ne mmwe wabo kaamutjila mari ye hhuba ling'ompela.
- English10
So when those came who were hired first, they expected to receive more. But each one of them also received a denarius.
African KalangaNdizo kukati be kutanga behha bakakumbula kuti banowoamutjila kunji. Koga mmwe ne mmwe wabo kaamutjila mari ye hhuba ling'ompelabo.
- African Kalanga
Bakati beaamutjila, bakang'ong'ola ku mweni we nnda,
- English12
‘These men who were hired last worked only one hour,’ they said, ‘and you have made them equal to us who have borne the burden of the work and the heat of the day.’
African Kalangabakati, ‘Balume ibaba be bupelo bahinga lubaka gufupi, ngono wabalizanya koga naswi, iswi tashwa tilemegwa ne n’hingo kakale titshwa ne hhuba.’
- English13
“But he answered one of them, ‘Friend, I am not being unfair to you. Didn’t you agree to work for a denarius?
African Kalanga“Koga kadabila mmwe wabo eti, ‘Nzwalani, anditokutjebela. Apa auzobvumana nami hingila mari ye hhuba ling'ompela kene?
- African Kalanga
Tola mbhayilo uwo uyende. Ndada pa ibaba be bupelo sekwa ndapa iwe.
- English15
Don’t I have the right to do what I want with my own money? Or are you envious because I am generous?’
African KalangaApa andina fanilo ye hinga tjandada ne mari yangu kene? Ini una ndandala, imi ndihaka yita bunhu?’ ”
- African Kalanga
Jesu kati, “Ndizo be bupelo banowobe be kutanga ne be kutanga bakabe be bupelo.”
- English17
Now as Jesus was going up to Jerusalem, he took the twelve disciples aside and said to them,
African KalangaNgwenu Jesu kati etanhila ku Jerusalema kadanila ntome badiyiwa babe bali gumi lina babili, ngono kati kubali,
- English18
“We are going up to Jerusalem, and the Son of Man will be betrayed to the chief priests and the teachers of the law. They will condemn him to death
African Kalanga“Bonani, totanhila ku Jerusalema, kunowoti Nkololo we Nhu kayisiwa mbeli kwe Baphirisiti bakulu ne badiyi be nlayo, kwabanowontilika nlandu kuti abulawe,
- English19
and will turn him over to the Gentiles to be mocked and flogged and crucified. On the third day he will be raised to life!”
African Kalangangono banowonsa kuna Bezwitjaba kudadigwa ne lobgwa nge rwabha ne bambugwa ngono unowomusiwa mu hhuba le butatu.”
- English20
Then the mother of Zebedee’s sons came to Jesus with her sons and, kneeling down, asked a favor of him.
African KalangaIpapo mme be bakololo ba Zebhedi bakahha kuna Jesu ne bakololo babo, ngono bakapfigama bakankumbila tjimwe.
- English21
“What is it you want?” he asked. She said, “Grant that one of these two sons of mine may sit at your right and the other at your left in your kingdom.”
African KalangaKababhuzwa kati, “Ini tjamunohaka?” Mme be bakololo ba Zebhedi bakati, “Ndokumbila kuti bakololo bangu babili ibaba bagale mmwe ku luboko gugo gwe ludli, mmwe kuna gwe lumewhe mu buhe gugo.”
- English22
“You don’t know what you are asking,” Jesus said to them. “Can you drink the cup I am going to drink?” “We can,” they answered.
African KalangaJesu kati kubali, “Amutoziba tjamunokumbila. Apa mungatubula ng'wa nkombe wandinowong'wa kene?” Bakati kuunli, “Tingatubula.”
- English23
Jesus said to them, “You will indeed drink from my cup, but to sit at my right or left is not for me to grant. These places belong to those for whom they have been prepared by my Father.”
African KalangaJesu kati kubali, “Mowong'wa nkombe wangu koga gala ku luboko gwangu gwe ludli kene ku luboko gwangu gwe lumewhe ate kuli kwangu kukukoba, koga ndekwa ibabo bakwakabigigwa ndi Tate bangu.”
- African Kalanga
Ngono kukati bamwe badiyiwa bali gumi bewha ikoku bakagwadzilamoyo bakololo ba Zebhedi ibabo babili.
- English25
Jesus called them together and said, “You know that the rulers of the Gentiles lord it over them, and their high officials exercise authority over them.
African KalangaJesu kabadanila kuunli, ngono kati kubali, “Moziba kuti bohe be zwitjaba banobusa banhu babo ne kubadziyidza, ngono balauli ibabo banobalaula ne masimba.
- African Kalanga
Koga ngakusijalo mumuli. Ha kuli kuti kuna mmwe unohaka be nkulu pa bamwe mumuli, ngaabe nlanda wenyu,
- African Kalanga
na iyebo unohaka be mbeli, ngaabe iye nlanda wenyu.
- English28
just as the Son of Man did not come to be served, but to serve, and to give his life as a ransom for many.”
African KalangaNgobe na iye Nkololo we Nhu aazohha kuwohingigwa koga wakahha kuwohhingila ne pa butjilo gugwe kudzitunula banji.”
- African Kalanga
Ngono kukati Jesu ne badiyiwa babe bebhuda mu Jeriko mbunga we banhu nkulu ukabatobela,
- English30
Two blind men were sitting by the roadside, and when they heard that Jesus was going by, they shouted, “Lord, Son of David, have mercy on us!”
African Kalangamapofu e balume babili bakabe bali gele pa whunde ye zila, ngono bakati bewha kuti Jesu unopinda ipapo bakamimila beti, “Nkololo wa Dafite utiwhile ngoni!”
- English31
The crowd rebuked them and told them to be quiet, but they shouted all the louder, “Lord, Son of David, have mercy on us!”
African KalangaMbunga we banhu ukabatjemela ukababva kuti banyalale, koga bakamimila kwazo beti “He mutiwhile ngoni, Nkololo wa Dafite!”
- African Kalanga
Jesu kama kabadana kababhuzwa kati, “Mohaka kuti ndimuyitileni?”
- African Kalanga
Bakahandula beti, “He, tohaka kuti meho edu ahhuke.”
- English34
Jesus had compassion on them and touched their eyes. Immediately they received their sight and followed him.
African KalangaJesu kabawhila zogwadza, ngono kabhata meho abo. Tjinyolotjo bakapofunuka, ngono bakantobela.
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.