Matthew 22 | New Testament

Book Chapter Verse

Matthew 22English

Matewu 22African Kalanga

English1
Jesus spoke to them again in parables, saying:
African Kalanga
Jesu kalebeleka nabo ne zwifaniso kakale eti,
English2
“The kingdom of heaven is like a king who prepared a wedding banquet for his son.
African Kalanga
“Buhe gwe kudzimu gofanana na he nkulu wakalulwamisila nkololo uwe ndobolo.
English3
He sent his servants to those who had been invited to the banquet to tell them to come, but they refused to come.
African Kalanga
Ngono katuma balanda babe kunodana bakabe bakokiwa ku nzano we ndobolo, koga bakalamba hha.
English4
“Then he sent some more servants and said, ‘Tell those who have been invited that I have prepared my dinner: My oxen and fattened cattle have been butchered, and everything is ready. Come to the wedding banquet.’
African Kalanga
Ipapo katuma bamwe balanda kati, ‘Kabudzeni bakakokiwa kuti, ndalulwamisa zodliwa zwangu, mangabe angu ne makondogwana angu akakola abhayiwa ne tjimwe ne tjimwe tjalulwama. Ihhani ku nzano we ndobolo!’
English5
“But they paid no attention and went off–one to his field, another to his business.
African Kalanga
Koga bakan’hayila hanya bakayenda, mmwe ku nnda uwe, mmwe ku mihingo iye,
English6
The rest seized his servants, mistreated them and killed them.
African Kalanga
bakatola balanda babe bakababhata ne kunobhatisa honi bakababulaya.
English7
The king was enraged. He sent his army and destroyed those murderers and burned their city.
African Kalanga
He nkulu kagwadzamoyo, katuma babhayani babe bakalobesa babulayi ibabo kakale kapisa nzi wabo.
English8
“Then he said to his servants, ‘The wedding banquet is ready, but those I invited did not deserve to come.
African Kalanga
Ndizo kati ku balanda babe, ‘Nzano we ndobolo walulwamisiwa, koga ibabo bandakakoka abazobe bakafanila hha.
English9
Go to the street corners and invite to the banquet anyone you find.’
African Kalanga
Yendani mu dzizila mukoke mmwe ne mmwe wamunowobona ahhe ku nzano.’
English10
So the servants went out into the streets and gathered all the people they could find, both good and bad, and the wedding hall was filled with guests.
African Kalanga
Ndizo balanda ibabo bakabhuda bakayenda mu dzizila bakakubunganya banhu bose babanowana, babi ne balulwami, ngono ng'umba ye ndobolo ikahhala bakokiwa.
English11
“But when the king came in to see the guests, he noticed a man there who was not wearing wedding clothes.
African Kalanga
“Koga he nkulu kati engina kunobona bezi, kabona mmwe nlume ipapo wakabe asakambala tjiambalo tje ndobolo.
English12
‘Friend,’ he asked, ‘how did you get in here without wedding clothes?’ The man was speechless.
African Kalanga
Kambhuzwa kati, ‘Nkhwinya, wangina tjini ipapa usina tjiambalo tje ndobolo?’ Nlume iwoyo kahaya tjaangaleba.
English13
“Then the king told the attendants, ‘Tie him hand and foot, and throw him outside, into the darkness, where there will be weeping and gnashing of teeth.’
African Kalanga
Ipapo he nkulu kabva balanda babe kati, ‘Munsunge maboko ne makumbo munlahile kuhhe mu hhalima. Ikoko kowobe ne lila ne lobanya meno ne gwadziwa kukulu.’
English14
“For many are invited, but few are chosen.”
African Kalanga
Ndizo wali, banjinji banodang'wa, koga bahomanana banohalugwa.”
English15
Then the Pharisees went out and laid plans to trap him in his words.
African Kalanga
Ipapo Bafarisi bakabhuda bakanolangana kuti bangambhatshila tjini ne matama awe.
English16
They sent their disciples to him along with the Herodians. “Teacher,” they said, “we know you are a man of integrity and that you teach the way of God in accordance with the truth. You aren’t swayed by men, because you pay no attention to who they are.
African Kalanga
Bakatuma badiyiwa babo ne batobeli ba Herode kuunli beti, “N'diyi, toziba kuti muna malebeswa ne kuti modiya zila ye Ndzimu ne malebeswa. Amuna hanya kuti nhu ndiani ngobe amutolinga mamo e banhu.
English17
Tell us then, what is your opinion? Is it right to pay taxes to Caesar or not?”
African Kalanga
Mutibudze ngono, mobona tjini? Apa kumu nlayo kene, kuti tilipe lukhetho kuna Khaisara he nkulu we Roma, kene?”
English18
But Jesus, knowing their evil intent, said, “You hypocrites, why are you trying to trap me?
African Kalanga
Koga Jesu, ngoziba mikumbulo yabo yakayipa, kati kubali, “Batjengedzi ndimwi, ini mundilalila?
English19
Show me the coin used for paying the tax.” They brought him a denarius,
African Kalanga
Mundilakidze mari inohingisiwa lipa lukhetho.” Bakan’hhisila mari e hhuba ling'ompela,
English20
and he asked them, “Whose portrait is this? And whose inscription?”
African Kalanga
ngono Jesu kati kubali, “Tjifano tjaani itjetji ne zina nde laani ileli?”
English21
“Caesar’s,” they replied. Then he said to them, “Give to Caesar what is Caesar’s, and to God what is God’s.”
African Kalanga
Bakahandula beti, “Nde zwa Khaisara.” Ipapo Jesu kati kubali, “Ipani Khaisara zwinhu zwizwe, ngono mupe Ndzimu zwawo.”
English22
When they heard this, they were amazed. So they left him and went away.
African Kalanga
Bakati bewha ikoku bakatjenama. Ndizo bakansiya bakayenda.
English23
That same day the Sadducees, who say there is no resurrection, came to him with a question.
African Kalanga
Mu hhuba ilelo zwalo Basadusi, ibo banoti akuna kumuka kwe bafi, bakahha kuunli ne mbhuzo.
English24
“Teacher,” they said, “Moses told us that if a man dies without having children, his brother must marry the widow and have children for him.
African Kalanga
Bakati kuunli, “N'diyi, Mushe wakati, ‘Ha nlume efa asina bana, nnung'una uwe wakafanila agale nhaka nkulu uwe, kuti anzwalile bana.’
English25
Now there were seven brothers among us. The first one married and died, and since he had no children, he left his wife to his brother.
African Kalanga
Ngwenu kwakabe kuna thobeledzani pakati kwedu dze bayisana dzili kutendeka. We kutanga kalobola, ngono kafa. Wakabe asina bana kasiyila nkadzi uwe nnung'una uwe.
English26
The same thing happened to the second and third brother, right on down to the seventh.
African Kalanga
Kukayitika sa ikoko mu nnung'una uwe we bubili ne we butatu kudzina kunoti kuna we butendeka.
English27
Finally, the woman died.
African Kalanga
Gwe bupelo, nkadzi na iye kafa.
English28
Now then, at the resurrection, whose wife will she be of the seven, since all of them were married to her?”
African Kalanga
Ngwenu ipapo mu kumuka kwe bafi unowobe nkadzi waani muna bali kutendeka ngoti bose bakabe banlobola?”
English29
Jesus replied, “You are in error because you do not know the Scriptures or the power of God.
African Kalanga
Jesu kahandula eti, “Makadzimila, ngobe amutoziba whalo dze Ndzimu kene simba le Ndzimu.
English30
At the resurrection people will neither marry nor be given in marriage; they will be like the angels in heaven.
African Kalanga
Mu kumuka kwe bafi, banhu abatolobola kene kuli lobodziwa. Koga banonga batumwa be kudzimu.
English31
But about the resurrection of the dead–have you not read what God said to you,
African Kalanga
Nekwe muka kwe bafi, apa amuzobala tjakalebgwa kumuli ne Ndzimu uti,
English32
‘I am the God of Abraham, the God of Isaac, and the God of Jacob’? He is not the God of the dead but of the living.”
African Kalanga
‘Apa ndimi Ndzimu wa Abhurahama, ndimi Ndzimu wa Isaki, ndimi Ndzimu wa Jakubo kene?’ Ate Ndzimu we bafi koga Ndzimu we batjili.”
English33
When the crowds heard this, they were astonished at his teaching.
African Kalanga
Kukati mibunga ye banhu iwha ikoku ikakaabadziwa ne diya kukwe.
English34
Hearing that Jesus had silenced the Sadducees, the Pharisees got together.
African Kalanga
Bafarisi bakati bewha kuti Jesu wanyaladza Basadusi bakakubungana.
English35
One of them, an expert in the law, tested him with this question:
African Kalanga
Mmwe wabo, wakabe ali nhu wakazwidiya milayo, kambhuzwa mbhuzo enlika, kati,
English36
“Teacher, which is the greatest commandment in the Law?”
African Kalanga
“N'diyi, ndiupi nlayo nkulu pa imwe?”
English37
Jesus replied: “ ‘Love the Lord your God with all your heart and with all your soul and with all your mind.’
African Kalanga
Jesu kahandula eti, “‘Ida He Ndzimu uwo ne moyo uwo wose nenge meya iyo yose nenge nkumbulo uwo wose.’
English38
This is the first and greatest commandment.
African Kalanga
Oyu ndiwo nlayo nkulu tjose kakale we kutanga.
English39
And the second is like it: ‘Love your neighbor as yourself.’
African Kalanga
Ne we bubili unonga iwo, unoti, ‘Ida mmwe nhu sekwa unozwida.’
English40
All the Law and the Prophets hang on these two commandments.”
African Kalanga
Nlayo wose ne balebesambeli bose bakateyegwa mu milayo iyeyi mibili.”
English41
While the Pharisees were gathered together, Jesus asked them,
African Kalanga
Bafarisi bakati batjakakubungana, Jesu kababhuzwa kati,
English42
“What do you think about the Christ? Whose son is he?” “The son of David,” they replied.
African Kalanga
“Mokumbula tjini nekwa Mesiya? Nkololo waani?” Bakadabila beti, “Nkololo wa Dafite.”
English43
He said to them, “How is it then that David, speaking by the Spirit, calls him ‘Lord’? For he says,
African Kalanga
Kati kubali, “Ngono kwakahha tjini kuti Dafite paakabe ali mu Meya an'dane eti He? Dafite wakati,
English44
“ ‘The Lord said to my Lord: “Sit at my right hand until I put your enemies under your feet.” ‘
African Kalanga
‘He bakati kuna He wangu, gala ku luboko gwangu gwe ludli kudzina ndibiga zwita zwizo pasi kwe makumbo awo.’
English45
If then David calls him ‘Lord,’ how can he be his son?”
African Kalanga
“Ha Dafite en'dana eti ‘He,’ apa ungabe nkololo uwe tjini kene?”
English46
No one could say a word in reply, and from that day on no one dared to ask him any more questions.
African Kalanga
Akuna wakatubula kun'dabila, ngono kubva mu hhuba ilelo tjose akuna wakambhuzwa dzimwe bhuzo.

Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.