The English-Kalanga Bilingual Language Learning Bible
New Testament
Read each verse in English beside its African Kalanga equivalent.
Revelation 11English
Zumbunulo 11African Kalanga
- English1
I was given a reed like a measuring rod and was told, “Go and measure the temple of God and the altar, and count the worshipers there.
African KalangaNdakati hule apiwa lukombo gwakabe gulingika se lukuni gunolizanya, ngono abviwa kukayi, “Yenda unolizanya Ng'umba ye Ndzimu ne tjibeso, ubale banhu banonamata Ndzimu mukati.
- English2
But exclude the outer court; do not measure it, because it has been given to the Gentiles. They will trample on the holy city for 42 months.
African KalangaKoga usitongo lizanya tjibata tjikuhhe tjakabakiligwa ne bhakasa, ngoti tjakapiwa banhu basibagalimoyo, banowokanyanga nzi nkulu wakayenemala mimwedzi ili makumi manna ana mimwedzi mibili.
- English3
And I will give power to my two witnesses, and they will prophesy for 1,260 days, clothed in sackcloth.”
African KalangaNdowotumila batendeki bangu babili bakambala zwiambalo zwe tjililo, ngono banowolebela mbeli mahhuba ali tjiwulu tjina mazana mabili ana makumi matanhatu (1260).”
- English4
These are the two olive trees and the two lampstands that stand before the Lord of the earth.
African KalangaBatendeki ibabo babili miti ye mitoba mibili ne mavone mabili amile mbeli kwa He we hango.
- English5
If anyone tries to harm them, fire comes from their mouths and devours their enemies. This is how anyone who wants to harm them must die.
African KalangaHa mmwe angagwisa kubakubadza, moto unowobhuda mu milomo yabo, ngono unowobulaya zwita zwabo, ha mmwe angagwisa kubakubadza, unowobulawa ne zila yakajalo.
- English6
These men have power to shut up the sky so that it will not rain during the time they are prophesying; and they have power to turn the waters into blood and to strike the earth with every kind of plague as often as they want.
African KalangaBana masimba ehhalila hhuhhugwi kuti kusitongobe ne vula inona mu lubaka gwabanowobe belebelambeli. Bana masimba e handula vula ikabe malopa kakale bana masimba e loba hango kanjinji sekwa bada ne hamu imwe ne imwe yabada.
- English7
Now when they have finished their testimony, the beast that comes up from the Abyss will attack them, and overpower and kill them.
African KalangaHa bepedza lebelambeli, tjibandana tjinobva mu gomba lakangina kusina tjilizano tjowogwa nabo, tjikabakunda tjikababulaya.
- English8
Their bodies will lie in the street of the great city, which is figuratively called Sodom and Egypt, where also their Lord was crucified.
African KalangaNgono zwidumbu zwabo zowolala mu zila ye nzi nkulu unodang'wa nopesa kuyi Sodoma ne Egipiti kwakabambuligwa He wabo.
- English9
For three and a half days men from every people, tribe, language and nation will gaze on their bodies and refuse them burial.
African KalangaBanhu banowobva mu njudzi dzose ne mu ndimi dzose ne mu zwitjaba zose banowolinga zwidumbu zwabo mahhuba ali matatu ana gaswa, ngono banowolamba kuti zwibiganyiwe.
- English10
The inhabitants of the earth will gloat over them and will celebrate by sending each other gifts, because these two prophets had tormented those who live on the earth.
African KalangaBagele mu hango banohanhila lufu gwe batendeki ibabo. Banowothama mizano, ngono banowopana zwipo, ngobe balebesambeli ibabo babili bakabe bedziyidza bagali be hango.
- English11
But after the three and a half days a breath of life from God entered them, and they stood on their feet, and terror struck those who saw them.
African KalangaKoga hule kwe mahhuba ali matatu ana gaswa, meya ye butjilo yakabva ku Ndzimu, ngono ikangina mu zwidumbu. Zwikamilika zwikama ne makumbo, bose bakazwibona bakapalukamoyo kwazo
- English12
Then they heard a loud voice from heaven saying to them, “Come up here.” And they went up to heaven in a cloud, while their enemies looked on.
African KalangaNdizo balebesambeli ibabo babili bakawha whi gulu linobva kudzimu liti kubali, “Tanhilani ngeno!” Bakayenda kudzimu bali mu gole, zwita zwabo zwakabalinga.
- English13
At that very hour there was a severe earthquake and a tenth of the city collapsed. Seven thousand people were killed in the earthquake, and the survivors were terrified and gave glory to the God of heaven.
African KalangaNgono ne lubaka igogo kukabe ne kutenenyeka kwe hango kukulu, lubabi gwe bugumi gwe nzi nkulu gukawa, ngono banhu bali zwiwulu zwili kutendeka (7000) bakabulawa ne kutenenyeka kwe hango, bakasala bakapalukamoyo, ndizo bakakudza Ndzimu we kudzimu.
- African Kalanga
Zogwadza zwe bubili zwapinda, bonani, zogwadza zwe butatu zohha tjinyolotjo.
- English15
The seventh angel sounded his trumpet, and there were loud voices in heaven, which said: “The kingdom of the world has become the kingdom of our Lord and of his Christ, and he will reign for ever and ever.”
African KalangaIpapo ntumwa we kudzimu we butendeka kalidza lunyanga gugwe, ngono kukabe ne mawhi anolebelekela pehhugwi, kudzimu eti, “Buhe gwe hango gwatjibe buhe gwa He wedu na Khirisiti uwe, ngono unowobusa ne kusingapele kose.”
- English16
And the twenty-four elders, who were seated on their thrones before God, fell on their faces and worshiped God,
African KalangaNgono bakulu bali makumi mabili ana banhu banna banogala mu zwigalo zwabo zwe buhe mbeli kwe Ndzimu, bakawila pasi ne njiso dzabo ngono bakanamata Ndzimu
- English17
saying: “We give thanks to you, Lord God Almighty, the One who is and who was, because you have taken your great power and have begun to reign.
African Kalangabeti, “Tomuboka He Ndzimu we Masimbawose, muyapo kakale makabe yapo ntolo. Tomuboka kuti matola masimba enyu makulu, ngono matangisa busa.
- English18
The nations were angry; and your wrath has come. The time has come for judging the dead, and for rewarding your servants the prophets and your saints and those who reverence your name, both small and great–and for destroying those who destroy the earth.”
African KalangaNjudzi dzakagwadzamoyo, koga buhongola gwenyu gukahha, ne lubaka gwe kuti bafi basumilikisiwe. Lubaka gwahha gwe kuti mupe balanda balebesambeli mbhayilo, ne bayengemali, na ibabo banolumbidza zina lenyu, bose batukunu ne bakulu. Lubaka gwatjiswika gwe lobesa ibabo banolobesa hango.”
- English19
Then God’s temple in heaven was opened, and within his temple was seen the ark of his covenant. And there came flashes of lightning, rumblings, peals of thunder, an earthquake and a great hailstorm.
African KalangaIpapo Ng'umba ye Ndzimu kudzimu ikahhugwa, ngono bhokisi le Tjibvumano likabong'wa mu ng'umba yawo. Hule kukabe ne penya kwe vula ne mawhi ne titima ne kutenenyeka kwe hango ne tjivulamabgwe tjikulu.
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.