The English-Kalanga Bilingual Language Learning Bible
New Testament
Read each verse in English beside its African Kalanga equivalent.
Revelation 15English
Zumbunulo 15African Kalanga
- English1
I saw in heaven another great and marvelous sign: seven angels with the seven last plagues–last, because with them God’s wrath is completed.
African KalangaHule abona tjilakidzilo tjimwe kudzimu, tjikulu tjinotjenamisa, batumwa be kudzimu bali kutendeka bana hamu dzili kutendeka dze bupelo, ngobe buhongola gwe Ndzimu gopeleledziwa ndidzo.
- English2
And I saw what looked like a sea of glass mixed with fire and, standing beside the sea, those who had been victorious over the beast and his image and over the number of his name. They held harps given them by God
African KalangaNgono ndakabona tjimwe tjakabe tjilingika tjinga gungwa gwe halasi lakahanganyiwa ne moto. Ibabo bakunda ngwa ye tjibandana ne tjifano tjatjo ne mbalo ye zina latjo, bali mile pa whunde ne gungwa gwe halasi bakabhata zwitinkani zwe Ndzimu
- English3
and sang the song of Moses the servant of God and the song of the Lamb: “Great and marvelous are your deeds, Lord God Almighty. Just and true are your ways, King of the ages.
African KalangaBakamba lumbo gwa Mushe nlanda we Ndzimu ne lumbo gwe Mwhizana, beti, “He, Ndzimu Masimbawose! Mikulu kakale inotjenamisa seni mihingo yenyu. He nkulu we misi! Zila dzenyu dzakalulwama kakale dzi malebeswa.
- English4
Who will not fear you, O Lord, and bring glory to your name? For you alone are holy. All nations will come and worship before you, for your righteous acts have been revealed.”
African KalangaHe, ndiani usingawohla ngono kakudza zina lenyu? Kana imwi moga ndimwi makayenemala? Zwitjaba zose zowohha zwikawomunamata, ngobe mihingo yenyu yakalulwama yakazumbunugwa.”
- English5
After this I looked and in heaven the temple, that is, the tabernacle of the Testimony, was opened.
African KalangaHule kwa ikoku ndakalinga abona ng'umba ye n’haha we butendeki kudzimu yakabe yakahhugwa.
- English6
Out of the temple came the seven angels with the seven plagues. They were dressed in clean, shining linen and wore golden sashes around their chests.
African KalangaBatumwa be kudzimu bali kutendeka bakabe bakabhata hamu dzili kutendeka, bakabhuda mu ng'umba bakambala zwiambalo zwibuyanana zwe jila lakanaka linopenya, ngono zwifuba zwabo zwakasungwa ne mimwandabula ye golide.
- English7
Then one of the four living creatures gave to the seven angels seven golden bowls filled with the wrath of God, who lives for ever and ever.
African KalangaNgono kukati mmwe we zwibumbiwa zwinna zwinotjila, kapa batumwa bali kutendeka ndilo dzili kutendeka dzakathamwa ne golide dzili hhele buhongola gwe Ndzimu unotjila ne kusingapele kose.
- English8
And the temple was filled with smoke from the glory of God and from his power, and no one could enter the temple until the seven plagues of the seven angels were completed.
African KalangaNgono ng'umba ye Ndzimu ikahhala busi gwe gudzo ne gwe simba le Ndzimu, ngono kwakabe kusina ungangina mu ng'umba ye Ndzimu kudzina hamu dzili kutendeka dze batumwa be kudzimu bali kutendeka dzapelela.
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.