Revelation 2 | New Testament

Revelation 2English

Zumbunulo 2African Kalanga

English1
“To the angel of the church in Ephesus write: These are the words of him who holds the seven stars in his right hand and walks among the seven golden lampstands:
African Kalanga
“Kwalila ntumwa we kudzimu we gubungano limu Efeso sawhoku: “Eyi i ndayidzo inobva kuna iye wakabhata nyenyedzi dzili kutendeka mu luboko gugwe gwe ludli, iye unoyenda yenda pakati kwe zwigadziko zwe mavone zwakathamwa ne golide zwili kutendeka.
English2
I know your deeds, your hard work and your perseverance. I know that you cannot tolerate wicked men, that you have tested those who claim to be apostles but are not, and have found them false.
African Kalanga
Ndoziba mihingo yenyu, hinga zwakasima kwenyu ne moyonlefu mu kudzikitadza, nene sekwa musingake mukaletjedzela banhu babi, makalika ibabo banozwidana beti batumwa ba Jesu koga basi ibo, ngoti makawana bali be manyepkwha.
English3
You have persevered and have endured hardships for my name, and have not grown weary.
African Kalanga
Ndoziba kuti modzikitadza ne moyonlefu, makasimisilila zina langu musinganyale.
English4
Yet I hold this against you: You have forsaken your first love.
African Kalanga
Koga tjandisingahake mumuli ndi etji, makaletja ludo gwamakabe nago mu kutanga.
English5
Remember the height from which you have fallen! Repent and do the things you did at first. If you do not repent, I will come to you and remove your lampstand from its place.
African Kalanga
Kumbulani pa makawa, mu handukile matjinyo enyu, ngono muhinge mihingo yamakabe muhinga kutanga. Ha musingahanduke, ndowodusa tjigadziko tjenyu tje luvone mu bugalo gwatjo.
English6
But you have this in your favor: You hate the practices of the Nicolaitans, which I also hate.
African Kalanga
Koga tjamunatjo ndiyetji, mohema mihingo ye banhu banoyi Banikolaita, iyo yandinohemabo.
English7
He who has an ear, let him hear what the Spirit says to the churches. To him who overcomes, I will give the right to eat from the tree of life, which is in the paradise of God.
African Kalanga
“Iye una zebe ngaawhe tjinolebgwa ne Meya ku makubungano. “Kuna ibabo banowokunda, ndowobapa fanilo ye kuti badle ntjelo we nti we butjilo, umu nnda we Ndzimu.
English8
“To the angel of the church in Smyrna write: These are the words of him who is the First and the Last, who died and came to life again.
African Kalanga
“Kwalila ntumwa we kudzimu we gubungano limu Simirina sawhoku: “Awa matama anobva kuna iye we kutanga kakale we bupelo, wakafa kabuya katjila.
English9
I know your afflictions and your poverty–yet you are rich! I know the slander of those who say they are Jews and are not, but are a synagogue of Satan.
African Kalanga
Ndoziba dziyidziwa kwenyu ne buhayi gwenyu, koga dumbu makafuma. Ndoziba ndebo mbimbi dzinolebgwa ne kwenyu ndi ibabo banozwidana beti ndibo Bajuta, koga basi ibo, bali gubungano la Satani.
English10
Do not be afraid of what you are about to suffer. I tell you, the devil will put some of you in prison to test you, and you will suffer persecution for ten days. Be faithful, even to the point of death, and I will give you the crown of life.
African Kalanga
Musihle ikoku kwabe pedlo ne kumuwila. Bonani, Satani wabe pedlo ne longa bamwe benyu mu ng'umba ye busungwa, kuti mulikwe, ngono mowodziyidziwa mahhuba ali gumi. Mugalemoyo kuswikila lufu, ngono ndowomupa tjiala tje butjilo.
English11
He who has an ear, let him hear what the Spirit says to the churches. He who overcomes will not be hurt at all by the second death.
African Kalanga
“Iye una zebe ngaawhe tjinolebgwa ne Meya ku makubungano. “Iye unokunda aatowowhisiwa zogwadza ne lufu gwe bubili.
English12
“To the angel of the church in Pergamum write: These are the words of him who has the sharp, doubleedged sword.
African Kalanga
“Kwalila ntumwa we kudzimu we gubungano limu Pegamo sawhoku: “Awa matama anobva kuna iye una bukanu gunopiza guna mahali mabili.
English13
I know where you live–where Satan has his throne. Yet you remain true to my name. You did not renounce your faith in me, even in the days of Antipas, my faithful witness, who was put to death in your city– where Satan lives.
African Kalanga
Ndoziba kwamunogala, iko kuna tjigalo tja Satani tje buhe. Mukabhatilila mu zina langu ne bugalimoyo gwangu amuzozwigulandula nenge mu misi ya Antipasi, iye ntendeki wangu, n'galimoyo wangu wakabulawa pakati kwenyu, iko kunogala Satani.
English14
Nevertheless, I have a few things against you: You have people there who hold to the teaching of Balaam, who taught Balak to entice the Israelites to sin by eating food sacrificed to idols and by committing sexual immorality.
African Kalanga
Koga ndina zwinhu zwihomanana zwandisingade mumuli, kuna bamwe pakati kwenyu banotobelela diya kwa Bhalamu, wakadiya Bhalaki kudzimidza tjaba tje Iziraela ne kuyita kuti badle zodliwa zwakapiwa midzimu yakabehhiwa nenge kusazwidziba kuwalilana nhobo kuhhe kwe ndobolo.
English15
Likewise you also have those who hold to the teaching of the Nicolaitans.
African Kalanga
Kakale muna banhu pakati kwenyu banotobelela zwidiyo zwe Banikolaita”
English16
Repent therefore! Otherwise, I will soon come to you and will fight against them with the sword of my mouth.
African Kalanga
Ngono ngwenu handukilani matjinyo enyu, ha musingahaduke, ndowohha kumuli tjinyolotjo, ngono ndowogwa ne banhu ibabo ne bukanu gwe nlomo wangu.
English17
He who has an ear, let him hear what the Spirit says to the churches. To him who overcomes, I will give some of the hidden manna. I will also give him a white stone with a new name written on it, known only to him who receives it.
African Kalanga
“Iye una zebe, ngaawhe tjinolebgwa ne Meya ku makubungano. “Iye unowokunda ndowompa imwe ye mana yakasumbikala. Kakale ndowompa bgwe jena lakakwagwa zina dzwa lisina unoliziba kuhhe kwe unoamutjila.
English18
“To the angel of the church in Thyatira write: These are the words of the Son of God, whose eyes are like blazing fire and whose feet are like burnished bronze.
African Kalanga
“Kwalila ntumwa we kudzimu we gubungano limu Tiyatira sawhoku: “Awa matama anobva ku Nkololo we Ndzimu, iye una meho anonga mpfuto we moto, una makumbo anongadzima se tshipi inoyi bhurasi yakapholitjiwa.
English19
I know your deeds, your love and faith, your service and perseverance, and that you are now doing more than you did at first.
African Kalanga
Ndoziba mihingo yenyu, ndoziba ludo gwenyu nenge kugalamoyo kwenyu, hingila bamwe kwenyu ne moyonlefu wenyu ne kudzikitadza kwenyu. Ndoziba mihingo yenyu ya hule inopinda ye kutanga.
English20
Nevertheless, I have this against you: You tolerate that woman Jezebel, who calls herself a prophetess. By her teaching she misleads my servants into sexual immorality and the eating of food sacrificed to idols.
African Kalanga
Koga tjandisingade mumuli, whuti moamutjila nkadzi iwoyu unoyi Jezebhele, iwoyu unozwidana nlebesambeli etjengela balanda bangu ne zwidiyo zwibiibi zwe kuwalilana nhobo kuhhe kwe ndobolo nenge dla zodliwa zwakapiwa midzimu ye zwifano.
English21
I have given her time to repent of her immorality, but she is unwilling.
African Kalanga
Ndakampa lubaka gwe kuti ahanduke, koga unolamba handukila mihingo iye mibi ye walilana kuhhe kwe ndobolo.
English22
So I will cast her on a bed of suffering, and I will make those who commit adultery with her suffer intensely, unless they repent of her ways.
African Kalanga
Ndizo ndowomposela mu nhobo dzinopisa, na ibabo banohinga mihingo ye bupombgwe naye, ndowobalonga mu kudziyila kukulu, ha basingowohandukila mihingo yabo.
English23
I will strike her children dead. Then all the churches will know that I am he who searches hearts and minds, and I will repay each of you according to your deeds.
African Kalanga
Ndowobulaya bana babe. Ndizo makubungano wose anowoziba kuti ndimi ndinohakisisa njalakang'wa nene moyo, ngono ndowopa mmwe ne mmwe wenyu kwakalingisana ne mihingo iye.
English24
Now I say to the rest of you in Thyatira, to you who do not hold to her teaching and have not learned Satan’s so-called deep secrets (I will not impose any other burden on you):
African Kalanga
“Koga kubamwe benyu bose mu Tiyatira basakatobela zwidiyo zwakajalo, basakatongozwidiya zwinhu zwinodang'wa kuyi zwikowa zwakasumbikala zwa Satani, kumuli ndoti, andina mmwe ntolo wanditjawomusengesa.
English25
Only hold on to what you have until I come.
African Kalanga
Koga bhatililani itjetjo tjamunatjo kudzina ndihha.
English26
To him who overcomes and does my will to the end, I will give authority over the nations–
African Kalanga
Iye unokunda kakale kahinga mihingo yangu kuswikila nsi we bupelo, ndowompa simba le laula zwitjaba,
English27
‘He will rule them with an iron scepter; he will dash them to pieces like pottery’–
African Kalanga
ngono unowobalaula ne ludozo gwe tshipi, unowobapkwhanya bakasala benga zwiyenga zwe hali ye ntapkwhe, unowowana simba ileli koga sami ndakaliwana kuna Tate.
English28
just as I have received authority from my Father. I will also give him the morning star.
African Kalanga
Pehhugwi kwa ikoko ndowompa Masasi.
English29
He who has an ear, let him hear what the Spirit says to the churches.
African Kalanga
“Iye una zebe, ngaawhe tjinolebgwa ne Meya ku makubungano.

Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.