The English-Kalanga Bilingual Language Learning Bible
New Testament
Read each verse in English beside its African Kalanga equivalent.
Revelation 22English
Zumbunulo 22African Kalanga
- English1
Then the angel showed me the river of the water of life, as clear as crystal, flowing from the throne of God and of the Lamb
African KalangaNtumwa wakandilakidzabo gwizi gwe vula ye butjilo, ingadzima se dayimani, ibva mu tjigalo tje buhe tje Ndzimu ne tje Mwhizana,
- English2
down the middle of the great street of the city. On each side of the river stood the tree of life, bearing twelve crops of fruit, yielding its fruit every month. And the leaves of the tree are for the healing of the nations.
African Kalangaguwunga na pakati kwe zila imu nzi nkulu, mu mhili dzago dzose seli eyi na eyiya kwakamela nti we butjilo, unozwala mitjelo kagumi lina kabili ne gole, kang'ompela ne mwedzi, ngono mahhani awo anopodza zwitjaba.
- English3
No longer will there be any curse. The throne of God and of the Lamb will be in the city, and his servants will serve him.
African KalangaAkutjawobe ne bhiso kakale. Tjigalo tje buhe tje Ndzimu ne Mwhizana tjowobe tjili muuli, ngono balanda bawo banowounamata.
- African Kalanga
Banowobona buso gwawo, ngono ne zina lawo lowobe lakakwagwa mu mhahha dzabo.
- English5
There will be no more night. They will not need the light of a lamp or the light of the sun, for the Lord God will give them light. And they will reign for ever and ever.
African KalangaAkutjawobe ne busiku kakale, ngono abatjowohaka mavone kene tjedza tje hhuba, ngobe He Ndzimu unowobe ali tjedza tjabo, ngono banowobusa ne kusingapele kose.
- English6
The angel said to me, “These words are trustworthy and true. The Lord, the God of the spirits of the prophets, sent his angel to show his servants the things that must soon take place.”
African KalangaNtumwa we kudzimu kandibva kati, “Matama iyawa anogalikabgwe, malebeswa. Ngono He, Ndzimu we meya ye balebesambeli watuma ntumwa uwe we kudzimu kuwolakidza balanda babe tjakafanila hingikala mu misi ipedlo pedlo.”
- African Kalanga
“Koga bonani, ndohha tjinyolotjo. Unamhahhambuya iye unolondolodza matama e ndebelombeli imu lukwalo igogu.”
- English8
I, John, am the one who heard and saw these things. And when I had heard and seen them, I fell down to worship at the feet of the angel who had been showing them to me.
African KalangaImi Johani, ndimi ndakabona awha zwinhu izwezwi. Ngono ndakati ndizwiwha ne kuzwibona awila pasi kunamata pa makumbo e ntumwa we kudzimu wakandilakidza izwezwi zwinhu,
- English9
But he said to me, “Do not do it! I am a fellow servant with you and with your brothers the prophets and of all who keep the words of this book. Worship God!”
African Kalangakoga kandibva kati, “Usikuhinge, ndi nlanda sawe ne zwikamu zwizo, ibo balebesambeli, koga sa bose banolondolodza matama a mu lukwalo igogu. Namata Ndzimu.”
- English10
Then he told me, “Do not seal up the words of the prophecy of this book, because the time is near.
African KalangaNgono wakati kundili, “Usitongo hhalila matama e ndebelombeli e lukwalo igogu ngoti lubaka gwabe pedlo.
- English11
Let him who does wrong continue to do wrong; let him who is vile continue to be vile; let him who does right continue to do right; and let him who is holy continue to be holy.”
African KalangaIye usakalulwama, ngaayendilembeli asakalulwama; iye una hambgwa ngaayendilembeli ana hambgwa, na iye wakalulwama ngaayendilembeli ethama zwakalulwama, na iye wakayenemala ngaayendilembeli akayenemala.”
- English12
“Behold, I am coming soon! My reward is with me, and I will give to everyone according to what he has done.
African Kalanga“Bonani, ndaswika tjinyolotjo, ndohha ne mbhayilo wangu kulipa mmwe ne mmwe sekwa akahinga.
- African Kalanga
Ndimi wekutanga ne we bupelo, ndimi kutangisa ne bupelo.”
- English14
“Blessed are those who wash their robes, that they may have the right to the tree of life and may go through the gates into the city.
African KalangaKunamhahhambuya ibabo banosuka hazu dzabo, kuti ndizo babe ne fanilo dze dla ntjelo we nti we butjilo nenge kuti bangine mu nzi nkulu ne mikoba.
- English15
Outside are the dogs, those who practice magic arts, the sexually immoral, the murderers, the idolaters and everyone who loves and practices falsehood.
African KalangaNgono kuhhe kuna mbgwa ne malipa ne mhombgwe ne babulayi be banhu ne banonamata midzimu ne banoda kunyepa.
- English16
“I, Jesus, have sent my angel to give you this testimony for the churches. I am the Root and the Offspring of David, and the bright Morning Star.”
African Kalanga“Imi Jesu ndatuma ntumwa wangu we kudzimu kukuli ne butendeki kugupa makubungano. Ndimi we lutshinga gwa Dafite, kakale ndi nyenyedzi inopenya ye Masasi.”
- English17
The Spirit and the bride say, “Come!” And let him who hears say, “Come!” Whoever is thirsty, let him come; and whoever wishes, let him take the free gift of the water of life.
African KalangaMeya ne Nlongo banoti, “Ihha.” Ngakuti iye unowha ati, “Ihha.” Iye una nyota ngaahhe. Iye unohaka ngaatole vula ye butjilo kuhhe kwe nhengo.
- English18
I warn everyone who hears the words of the prophecy of this book: If anyone adds anything to them, God will add to him the plagues described in this book.
African KalangaImi Johani, ndotjenjedza mmwe ne mmwe, unowha matama iyawa e ndebelombeli ye lukwalo igogu; ha mmwe angapamhidza, Ndzimu unowompamhidzila hamu dzalebgwa mu lukwalo igogu.
- English19
And if anyone takes words away from this book of prophecy, God will take away from him his share in the tree of life and in the holy city, which are described in this book.
African KalangaKoga ha mmwe angadusa tjimwe mu matama e ndebelombeli iyeyi ye lukwalo igogu, Ndzimu unowontolela gobe lile le ntjelo we nti we butjilo ne le nzi nkulu wakayenemala, izo zwinolebgwa ne kwazo mu lukwalo igogu.
- African Kalanga
Iye unopa butendeki nekwe zwinhu izwezwi kati “Ee, tjose ndohha tjinyolotjo.” Ngakujalo. Ihhani, He Jesu.
- African Kalanga
Ngoni dza He Jesu ngadzibe ne bayenemali bose. Ngakujalo.
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.