Revelation 8 | New Testament

Revelation 8English

Zumbunulo 8African Kalanga

English1
When he opened the seventh seal, there was silence in heaven for about half an hour.
African Kalanga
Mwhizana yakati ihhula tjihhalilo tje butendeka, kukabe ne kunyalala kudzimu, lubaka gungaswika gaswa le awara.
English2
And I saw the seven angels who stand before God, and to them were given seven trumpets.
African Kalanga
Hule kwa ipapo abona batumwa be kudzimu bali kutendeka, ibo banoma mbeli kwe Ndzimu, ngono bakapiwa nyanga dzinolidziwa dzili kutendeka.
English3
Another angel, who had a golden censer, came and stood at the altar. He was given much incense to offer, with the prayers of all the saints, on the golden altar before the throne.
African Kalanga
Mmwe ntumwa we kudzimu kahha kama pa tjibeso tje zwibhayilo akabhata tjidla tje golide tjinopisigwa motsha. Ngono kapiwa motsha uli nnjinji kwazo kupa Ndzimu pang'ompela ne mitembezelo ye bayenemali bose mu tjibeso tje golide mbeli kwe tjigalo tje buhe.
English4
The smoke of the incense, together with the prayers of the saints, went up before God from the angel’s hand.
African Kalanga
Busi gwe motsha gukamilika guyenda pehhugwi ne mitembezelo ye bayengemali kubva mu luboko gwe ntumwa we kudzimu wakabe ali mile mbeli kwe Ndzimu.
English5
Then the angel took the censer, filled it with fire from the altar, and hurled it on the earth; and there came peals of thunder, rumblings, flashes of lightning and an earthquake.
African Kalanga
Hule kwaipapo ntumwa katola tjidla tjinopisigwa motsha katjihhadza moto unobva mu tjibeso tje zwibhayilo ebe etjiposela mu hango, kukabe ne titima ne mawhi ne penya kwe vula ne tenenyeka kwe hango.
English6
Then the seven angels who had the seven trumpets prepared to sound them.
African Kalanga
Kubva ipapo batumwa be kudzimu bali kutendeka bakabe bana nyanga dzinolidziwa dzili kutendeka bakazwilulwamisila kudzilidza.
English7
The first angel sounded his trumpet, and there came hail and fire mixed with blood, and it was hurled down upon the earth. A third of the earth was burned up, a third of the trees were burned up, and all the green grass was burned up.
African Kalanga
Ntumwa we kutanga kalidza lunyanga gugwe, tjivulamabgwe ne moto zwakahanganyiwa ne malopa zwikawila mu hango, ngono gwamu le butatu le hango likatswha, ngabo ye butatu ye miti ikatswha ne buwha butswha gose gu bgwelele gukatswha.
English8
The second angel sounded his trumpet, and something like a huge mountain, all ablaze, was thrown into the sea. A third of the sea turned into blood,
African Kalanga
Ntumwa we kudzimu we bubili kati elidza lunyanga gugwe, tjimwe tjinonga dombo gulu gulu linopfuta moto tjikaposegwa mu gungwa,
English9
a third of the living creatures in the sea died, and a third of the ships were destroyed.
African Kalanga
ngono lubabi gwe butatu gwe gungwa gukahanduka gukabe malopa, ngabo ye butatu ye zwibumbiwa zwinotjila mu gungwa zwikafa ne ngabo ye butatu ye zwikepe ikakolomodzwa.
English10
The third angel sounded his trumpet, and a great star, blazing like a torch, fell from the sky on a third of the rivers and on the springs of water–
African Kalanga
Ntumwa we kudzimu we butatu kalidza lunyanga gugwe, nyenyedzi whulu yakabe ipfuta se luvone ikawa ibva pehhugwi, ikawila mu ngabo nhatu dze njizi ne dze misenya ye vula.
English11
the name of the star is Wormwood. A third of the waters turned bitter, and many people died from the waters that had become bitter.
African Kalanga
Nyenyedzi iyeyo zina layo inoyi “Babakwendulu.” Lubabi gwe butatu gwe vula gukahanduka kukababa se ndulu, ngono banhu banjinji bakabulawa nong'wa vula iyeyo, ngobe yahanduka ikababa.
English12
The fourth angel sounded his trumpet, and a third of the sun was struck, a third of the moon, and a third of the stars, so that a third of them turned dark. A third of the day was without light, and also a third of the night.
African Kalanga
Ntumwa we kudzimu we bunna kalidza gugwe lunyanga, lubabi gwe butatu gwe hhuba gukakatshiwa, ne gwe mwedzi ne gwe nyenyedzi gukakatshiwabo, ndizo butatu gwe mbabi dze tjedza tjazo tjikabe hhalima, lubabi gwe butatu gwe masikati gukasibe ne tjedza, ne lubabi gwe butatu gwe busiku.
English13
As I watched, I heard an eagle that was flying in midair call out in a loud voice: “Woe! Woe! Woe to the inhabitants of the earth, because of the trumpet blasts about to be sounded by the other three angels!”
African Kalanga
Hule kwa ipapo alinga, ngono awha dzu lilila ne whi gulu, liwuluka pehhugwi, liti, “Ye mme wee! Yee mme wee! Yee mme wee! Kwapalala ibabo bagele mu hango ha nlidzo uhha ubva mu nyanga dzilidziwa tjinyolotjo ne batumwa be kudzimu batatu basala.”

Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.