The English-Kalanga Bilingual Language Learning Bible
New Testament
Read each verse in English beside its African Kalanga equivalent.
Revelation 9English
Zumbunulo 9African Kalanga
- English1
The fifth angel sounded his trumpet, and I saw a star that had fallen from the sky to the earth. The star was given the key to the shaft of the Abyss.
African KalangaNtumwa we kudzimu we buhanu kalidza lunyanga gugwe, ndakabona nyenyedzi yakawila pasi mu hango. Nyenyedzi iyeyo ikapiwa tjihhulo tje gomba lakangina kusina tjilizano.
- English2
When he opened the Abyss, smoke rose from it like the smoke from a gigantic furnace. The sun and sky were darkened by the smoke from the Abyss.
African KalangaNyenyedzi ikahhula gomba, ngono busi gukatutunyuka mulili se busi gunobhuda mu bibi le moto, hhuba na pehhugwi kukati zwititi ne busi gunobva mu gomba.
- English3
And out of the smoke locusts came down upon the earth and were given power like that of scorpions of the earth.
African KalangaKukabva mhaho mu busi igogu dzikadelukila mu hango ngono dzikapiwa masimba anofanana ne masimba e gungubudza.
- English4
They were told not to harm the grass of the earth or any plant or tree, but only those people who did not have the seal of God on their foreheads.
African KalangaDzakabudziwa kuti dzisitongo whisa zogwadza buwha kene miti kene tjimwe ne tjimwe tje mbala we bgwelele tjinomela mu hango, koga dziwhise zogwadza banhu ibabo basina lutjayo gwe Ndzimu mu mhahha dzabo.
- English5
They were not given power to kill them, but only to torture them for five months. And the agony they suffered was like that of the sting of a scorpion when it strikes a man.
African KalangaDzakapiwa ndetjedzelo kubawhisa zogwadza mimwedzi ili mihanu, koga dzisibabulaye, gwadza ikoko kwakabe kunga kwe nhu walumwa ne gungubudza.
- English6
During those days men will seek death, but will not find it; they will long to die, but death will elude them.
African KalangaMu mahhuba iyawo banowohaka lufu, ngono abatowogubona. Ndizo banowohaka fa koga fa kowobatihha!
- English7
The locusts looked like horses prepared for battle. On their heads they wore something like crowns of gold, and their faces resembled human faces.
African KalangaMhaho idzedzo dzakabe dzilingika se mbizi dzalulwamisigwa ngwa; mu miholo yadzo kwakabe kuna zwinhu zwinolingika se zwiala zwakathamiwa ne golide, ngono njiso dzadzo dzinga njiso dze banhu.
- African Kalanga
Mavudzi adzo enga mavudzi e bakadzi, meno adzo enga meno e humba.
- English9
They had breastplates like breastplates of iron, and the sound of their wings was like the thundering of many horses and chariots rushing into battle.
African KalangaDzakabe dzina makwapa anonga zwivikili zwe ngwa zwinombagwa mu fuba, ngono hhoba ye mapapiro adzo yakabe inga hhoba ye kara njinji dze ngwa dzakakwebiwa ne mbizi dzakalabukila ku ngwa.
- English10
They had tails and stings like scorpions, and in their tails they had power to torment people for five months.
African KalangaDzina mimwise inonga ye gungubudza lina buhungu, simba ladzo le whisa banhu zogwadza mwedzi mihanu lakabe lili mu mimwise yadzo.
- English11
They had as king over them the angel of the Abyss, whose name in Hebrew is Abaddon, and in Greek, Apollyon.
African KalangaDzina he nkulu unodzibusa, ntumwa we gomba lakangina kusina tjilizanyidzo. Zina lile ne Tjihebheru ndi Abhadoni, ne Tjigiriki zina lile ndi Apoliyoni.
- African Kalanga
Zogwadza zwe kutanga zwapinda. Bonani, zogwadza zwe mbumbiko mbili zwitjahha.
- English13
The sixth angel sounded his trumpet, and I heard a voice coming from the horns of the golden altar that is before God.
African KalangaNtumwa we kudzimu we butanhatu kalidza lunyanga gugwe ngono awha whi libva mu nyanga nna dze tjibeso tje golide mbeli kwe Ndzimu.
- English14
It said to the sixth angel who had the trumpet, “Release the four angels who are bound at the great river Euphrates.”
African KalangaWhi lakati ku ntumwa we kudzimu we butanhatu “Sunungula batumwa be kudzimu banna bakasungwa ku gwizi bukulu gwe Yufuratesi!”
- English15
And the four angels who had been kept ready for this very hour and day and month and year were released to kill a third of mankind.
African KalangaBatumwa ibabo banna be kudzimu bakasunungugwa, bakabe bakalulwamisigwa hhuba ilelo ne mwedzi iwoyo ne gole ilelo, ku bulaya ngabo ye butatu ye banhu.
- African Kalanga
Mbalo ye babhayani bakatanha mbizi yakabe ili miliyoni dzili mazana mabili, mbalo yabo ndakaiwha.
- English17
The horses and riders I saw in my vision looked like this: Their breastplates were fiery red, dark blue, and yellow as sulfur. The heads of the horses resembled the heads of lions, and out of their mouths came fire, smoke and sulfur.
African KalangaNgono tjandakabona mu mbono wangu ndiyetji; batanhi badzo bakabe bana matale akabakilila zwifuba zwabo ali mahaba se moto, ana mbala unonga we makole, kakale kuli mbala we ditima, miholo ye mbizi yakabe inga miholo ye humba, ngono mu milomo yadzo kubhuda moto ne busi ne salifa.
- English18
A third of mankind was killed by the three plagues of fire, smoke and sulfur that came out of their mouths.
African KalangaNgabo ye butatu ye banhu yakabulawa ne hamu idzedzo nhatu, bakabulawa ne moto ne busi ne salifa zwibva mu milomo ye mbizi idzedzo,
- English19
The power of the horses was in their mouths and in their tails; for their tails were like snakes, having heads with which they inflict injury.
African Kalangangobe masimba e mbizi idzedzo amu milomo yadzo ne mu mimwise yadzo. Mimwise yadzo inonga nyoka ina miholo, ngono dzoihingisa kukubadza.
- English20
The rest of mankind that were not killed by these plagues still did not repent of the work of their hands; they did not stop worshiping demons, and idols of gold, silver, bronze, stone and wood–idols that cannot see or hear or walk.
African KalangaBanhu bose bakabe basala, ibabo bakabe basabulawa ne hamu idzedzi, abazotongo laha mihingo ye maboko abo mibi, kene kuli letja namata meya mibi kene midzimu ye golide ne siliva ne buronzi ne mabgwe nenge zwikuni, iyo isingake ikabona, kene kuli wha kene yenda.
- English21
Nor did they repent of their murders, their magic arts, their sexual immorality or their thefts.
African KalangaAbazotongo handuka mu mbulayo dzabo dze banhu, kene mu buloyi gwabo kene mu bupombgwe kene mu bubava gwabo.
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.